ຖ້າຍົກລະດັບດ່ານດາກຕະອອກ ຂຶ້ນເປັນດ່ານສາກົນຈະຊ່ວຍການພັດທະນາເສດຖະກິດ ແຂວງເຊກອງໄວຂຶ້ນ

ປັດຈຸບັນນີ້ ສະພາບການ ຜະລິດກະສິກໍາ (ການປູກ- ການລ້ຽງ) ເປັນສິນຄ້າຂອງ ປະຊາຊົນ ແຂວງເຊກອງ ກໍຄື ບັນດາທ້ອງຖິ່ນຢູ່ຕາມແລວ ທາງ 16B ມີລັກ ສະນະຂະ ຫຍາຍຕົວກວ້າງຂວາງກວ່າ ເກົ່າ ເປັນຕົ້ນແມ່ນຂະບວນ ການລ້ຽງສັດ, ປູກກາເຟ, ມັນຕົ້ນ, ສາລີ ແລະ ພືດຜັກ ຕ່າງໆ ພ້ອມນີ້ແຂວງເຊກອງ ຍັງມີຄວາມອຸດົມສົມບູນທາງ ດ້ານຊັບພະຍາກອນທໍາມະ ຊາດທີ່ເປັນທ່າແຮງ ໂດຍສະ ເພາະແມ່ນດ້ານພະລັງງານ ແລະ ແຮ່ທາດ ແລະ ການບໍ ລິການທ່ອງທ່ຽວ ແລະ ອື່ນໆ, ຈຶ່ງມີຄວາມຈໍາເປັນໃນການ ຂະຫຍາຍຕະຫຼາດອອກສູ່ ຕ່າງປະເທດ ເພື່ອການແລກ ປ່ຽນຊື້-ຂາຍ, ການຈໍລະຈອນ ຂົນສົ່ງສິນຄ້າເຂົ້າ-ອອກ ແລະ ການໄປມາຫາສູ່ຂອງປະຊາ ຊົນບັນດາເຜົ່າ, ແຕ່ຜ່ານມາ ແມ່ນຍັງພົບຄວາມຫຍຸ້ງຍາກ ຫຼາຍດ້ານ ໂດຍສະເພາະ, ຂອດ ການບໍລິຫານຕ່າງໆ ຍັງຢູ່ໃນ ຂອບເຂດຈໍາກັດຢູ່, ບໍ່ທັນເປີດ ກວ້າງເປັນພຽງດ່ານແຫ່ງຊາດ.

+ ດ່ານ​ພາສີ​ໜອງ​ດາ​ເກັບ​ລາຍ​ຮັບ​ໄດ້​ເກີນ​ແຜນ​ປີ 8,27%2018/

+ ດ່ານສາກົນຂົວມິດຕະພາບລາວ-ໄທ 1 ກຽມທົດລອງເກັບເງິນຜ່ານປະຕູດຽວ ເພື່ອອັດປ່ອງຮົ່ວໄຫລງົບປະມານ2018/

ສະນັ້ນ ຖ້າຍົກລະດັບ ດ່ານດາກຕະອອກເປັນດ່ານສາ ກົນ ຈະເປັນເງື່ອນໄຂອໍານວຍ ຄວາມສະດວກໃຫ້ແກ່ການ ພັດທະນາເສດຖະກິດ-ສັງຄົມ ຂອງແຂວງເຊກອງຂະຫຍາຍ ຕົວດີຂຶ້ນ.

ທ່ານ ຄຳເຜີຍ ບຸດດາວຽງ ເຈົ້າແຂວງເຊກອງ ໃຫ້ຮູ້ວ່າ: ຖ້າ ຫາກດ່ານແຫ່ງ ນີ້ໄດ້ຍົກລະ ດັບຂຶ້ນເປັນດ່ານສາກົນກໍຈະ ເຮັດໃຫ້ການພັດທະນາເສດຖະ ກິດ ຂອງແຂວງມີຈັງຫວະຂະ ຫຍາຍຕົວໄວຂຶ້ນ, ໄປຄຽງຄູ່ ກັບການພັດທະນາຂົງເຂດ ສັງຄົມ-ວັດທະນະທໍາຕິດພັນ ກັບການສົ່ງເສີມການທ່ອງ ທ່ຽວດ້ານຕ່າງໆທີ່ຫຼາກ ຫຼາຍ, ເນື່ອງຈາກດ່ານດັ່ງກ່າວ ມີເສັ້ນທາງຫຼວງແຫ່ງຊາດ 16B ເປັນເສັ້ນທາງທີ່ຜ່ານ ແຂວງ ເຊກອງອອກໄປສູ່ ເມືອງ ດາກຈຶງ ແລະ ເຊື່ອມຕໍ່ ຊາຍແດນຫວຽດນາມ ຊຶ່ງມີ ຄວາມຍາວທັງໝົດຫລາຍ ກວ່າ 120 ກິໂລແມັດ, ທັງເປັນ ເສັ້ນທາງອອກສູ່ທະເລນໍ້າ ເລິກນະຄອນດາໜັງ ມີໄລຍະ ທາງພຽງແຕ່ 250 ກິໂລແມັດ ແລະ ເປັນເສັ້ນທາງເຊື່ອມຕໍ່ ແລວເສດຖະກິດຕາເວັນອອກ ຕາເວັນຕົກ (ອອກຈາກ ສສ ຫວຽດນາມ ຜ່ານລາວໄປສູ່ ປະເທດໄທ) ຊຶ່ງເປັນທາງຜ່ານ ທີ່ມີໄລຍະສັ້ນທີ່ສຸດທັງເປັນ ການປະຢັດເວລາ ແລະ ປະຢັດ ການໃຊ້ຈ່າຍງົບປະມານໃນ ການຂົນສົ່ງສິນຄ້າອີກດ້ວຍ.
ພ້ອມນີ້ ຍັງອໍານວຍຄວາມ ສະດວກ ແລະ ສ້າງສິ່ງຈູງ ໃຈແກ່ເຂົາມາແຂວງເຊກອງ ຫລາຍເພີ່ມຂຶ້ນເລື້ອຍໆ, ທັງ ສາມາດດຶງດູດນັກທຸລະກິດ ຕ່າງປະເທດເຂົ້າມາລົງທຶນເພີ່ມຂຶ້ນຢູ່ໃນແລວທາງ 16B ແລະ ຈະຊ່ວຍສ້າງ ວຽກເຮັດງານ ທໍາ ມີລາຍຮັບທີ່ໝັ້ນຄົງ ແລະ ຈະສາມາດແກ້ໄຂຄວາມທຸກ ຍາກຂອງປະຊາຊົນບັນດາ ເຜົ່າລົງເທື່ອລະກ້າວ./.