ເປແອສເຊ ເລັ່ງດຶງ ເວນເກີ ຮັບວຽກຜູ້ຈັດການທົ່ວໄປ
ປາຣີ ແຊງແຊກແມງ ສະໂມສອນມະຫາເສດຖີແຫ່ງ ລີກ ເອິງ ຝຣັ່ງ ຢາກໄດ້ ອາແຊນ ເວນເກີ ຕຳນານຜູ້ຈັດການທີມ ອາເຊນອລ ມາເປັນຜູ້ຈັດການທົ່ວໄປຂອງທີມ. ຕາມການເປີດເຜີຍຂອງ ອີເອສພີເອັນ ສື່ກິລາລະດັບໂລກ.
ຫລັງຈາກຢູ່ກັບ ອາເຊນອລ ມາແຕ່ປີ 1996 ໃນທີ່ສຸດ ເວນເກີ ຕັດສິນໃຈລາຕຳແໜ່ງຜູ້ຈັດການທີມຂອງ ອາເຊນອລ ຫລັງຈົບລະດູການ 2017-18 ເຊິ່ງຄວາມຈິງແລ້ວ ລາວຕົກເປັນຂ່າວກັບຫລາຍທີມ ແຕ່ສຸດທ້າຍຈົນເຖິງຕອນນີ້ ລາວຍັງບໍ່ໄດ້ວຽກໃໝ່.
ຫລ້າສຸດ ອີເອສພີເອັນ ລາຍງານວ່າ: ເປແອສເຊ ຕ້ອງການໃຫ້ ເວນເກີ ມາເປັນຜູ້ຈັດການທົ່ວໄປ ເພື່ອຈັດການກ່ຽວກັບໂຄງສ້າງຂອງທີມ ເຊັ່ນເລື່ອງອະເຄເດມີເປັນຕົ້ນ ລວມທັງຢາກໃຫ້ລາວມາເບິ່ງແຍງເລື່ອງການເສີມທີມນຳອີກ ໂດຍ ເວນເກີ ໄດ້ແຈ້ງກັບ ປາຣີ ໄປແລ້ວວ່າ ຕອນນີ້ລາຂໍພິຈາລະນາຕົວເລືອກອື່ນໆກ່ອນ.
