ເມສຊີ ບອກລາ ບາຊາ ແບບຟຣີໄດ້ໃນປີ 2020
ລິໂອເນລ ເມສຊີ ດາວຍິງຄົນດັງຂອງ ບາເຊໂລນາ ສະໂມສອນຍັກໃຫຍ່ງແຫ່ງ ລາ ລີກາ ສະເປນ ມີສິດຍ້າຍອອກຈາກທີມແບບບໍ່ມີຄ່າຕົວເມື່ອເຖິງປີ 2020.
ເມສຊີ ຖືເປັນກຳລັງສຳຄັນຂອງ ບາເຊໂລນາ ມາໂດຍຕະຫລອດ ເຊິ່ງຜູ້ບໍລິຫານຂອງ ບາຊາ ຮູ້ເຖິງເລື່ອງນັ້ນເປັນຢ່າງດີ ແລະ ຈັບລາວຕໍ່ສັນຍາໄປຈົນຮອດປີ 2021 ໃນເດືອນພະຈິກຜ່ານມາ ໂດຍມີການໃສ່ຄ່າຈີກສັນຍາໄວ້ທີ່ 700 ລ້ານຢູໂຣ.
ເຖິງຢ່າງໃດກໍຕາມ, ຫລ້າສຸດ ສື່ສະເປນລາຍງານວ່າ: ໃນສັນຍາສະບັບນັ້ນມີການໃສ່ເງື່ອນໄຂເຂົ້າໄປວ່າ: ເມສຊີ ຈະບອກລາທີມແບບຟຣີໆໄດ້ທັນທີ ເມື່ອຮອດປີ 2020 ແຕ່ທີມທີ່ລາວຈະໄປຫລິ້ນໃຫ້ຕ້ອງບໍ່ແມ່ນທີມຊັ້ນນຳເທົ່ານັ້ນ ເຊິ່ງອາດຈະເຮັດໃຫ້ນັກເຕະຊາວອາເຈນຕິນາບອກລາຖິ່ນຄຳ ນູ ແລ້ວຍ້າຍໄປຢູ່ກັບທີມນ້ອຍໆຄື ຊາປິ ເອນານເດຊ ທີ່ໄປຢູ່ ອັລ ຊາດ ທີມໃນກາຕາ ປີ 2015 ແລະ ອັສເດຣ ອິເນຍສຕ້າ ທີ່ຍ້າຍໄປຢູ່ກັບ ວິສເຊລ ໂກເບ ໃນເດືອນພຶດສະພາຜ່ານມາ.
