ໂຄບກ້າ ຄວ້າລາງວັນນັກກ໊ອຟແຫ່ງປີ ພີຈີເອ 2018
October 11, 2018 - 6:04 PM
ບຣູກ ໂຄບກ້າ ນັກກ໊ອຟໜຸ່ມຊາວອາເມລິກາ ໄດ້ຮັບເລືອກໃຫ້ຄວ້າລາງວັນຜູ້ຫລິ້ນດີເດັ່ນປະຈຳລະດູການ 2017-18 ຂອງ ພີຈີເອທົວ ຈາກການປະກາດໃນວັນທີ 9 ຕຸລາຜ່ານມາ ຫລັງສ້າງຜົນງານໄດ້ຢ່າງດີເດັ່ນໃນໄລຍະເວລາດັ່ງກ່າວກັບການຄວ້າແຊ້ມລະດັບເມເຈີໄດ້ເຖິງ 2 ລາຍການ.
ນັກກ໊ອຟຈາກລັດຟໍຣິດາໄວ 28 ປີ ສາມາດປ້ອງກັນຕຳແໜ່ງແຊ້ມ ຢູເອສ ໂອເພັນ ໄດ້ໃນເດືອນມິຖຸນາ ກ່ອນຄວ້າແຊ້ມ ພີຈີເອ ແຊມປ້ຽນຊິບ ໃນເດືອນສິງຫາຜ່ານມາ ເຊິ່ງລາວຮູ້ສຶກດີໃຈຫລາຍທີ່ໄດ້ລາງວັນຜູ້ຫລິ້ນດີເດັ່ນແຫ່ງປີ ຄືກັບຜູ້ຫລິ້ນຊື່ດັງອີກຫລາຍຄົນ.
