ລະວັງອາຫານ-ໝາກໄມ້ເປັນພິດ

(ເນື່ອງໃນໂອກາດວັນທີ 16 ຕຸລາ ວັນອາຫານໂລກ)

ປັດຈຸບັນແມ່ນຍຸກແຫ່ງ ໂລກາພິວັດ, ຍຸກການເຊື່ອມ ໂຍງເປີດປະຕູສູ່ພາຍນອກ ຢ່າງກວ້າງຂວາງ ເຮັດໃຫ້ມີ ການພົວພັນໄປ ມາຄ້າຂາຍ ເຊິ່ງ ກັນ ແລະ ກັນ ຢ່າງຫຼວງ ຫຼາຍນັ້ນ, ທັງການນໍາເອົາ ເຕັກໂນໂລຊີທີ່ທັນສະໄໝ, ວັດຖຸປັດໄຈ, ການສຶກສາ, ວັດທະນະທໍາ, ສັງຄົມ ແລະ ການບໍລິການຕ່າງໆເກີດຂຶ້ນ ແລະ ໃນນັ້ນ, ກໍມີທັງອັນດີ ແລະ ອັນຮ້າຍເໝືອນດັ່ງເງົາ ຕາມໂຕ, ເຊິ່ງມາຮອດປັດຈຸບັນ ນີ້ກໍເຫັນໄດ້ວ່າຢູ່ລາວ ເຮົາແຕ່ ເໜືອຮອດໃຕ້ອຸດົມສົມບູນໄປ ດ້ວຍໂຮງຈັກ-ໂຮງງານ, ໂຮງ ຮຽນ-ໂຮງໝໍ, ຕຶກ, ອາຄານ, ບໍລິສັດຫ້າງຮ້ານຕ່າງໆ ເກີດ ຂຶ້ນປານດອກເຫັດ, ການແກ້ງ ແຍ່ງແຂ່ງຂັນ, ຊີງດີຊີງເດັ່ນ, ເຊິ່ງ ພວກເຮົາສາມາດສັງເກດ ເຫັນ ໄດ້ຢ່າງຈະແຈ້ງວ່າ ຈໍາ ນວນປະຊາກອນນັບມື້ເພີ່ມ ຂຶ້ນ, ນັບທັງຄົນລາວ ແລະ ຕ່າງ ປະເທດເຂົ້າມາອາໄສກິນຢູ່ ຢ່າງໜາແໜ້ນ ເຮັດໃຫ້ຄວາມ ຕ້ອງ ການຕ່າງໆກໍນັບມື້ເພີ່ມ ຂຶ້ນ ໂດຍສະເພາະແມ່ນດ້ານ ສະບຽງອາຫານ ,ຈຶ່ງມີຊາວຄ້າ ຂາຍຈໍານວນໜຶ່ງເກີດມີແນວ ຄິດສວຍໂອກາດເຮັດອາຫານ ປອມເຊັ່ນ: ປະເພດ ຊີ້ນປາ ອາຫານ ແລະ ໝາກໄມ້ຕ່າງໆ ມາວາງຂາຍ ແລະ ອີກຈໍານວນ ໜຶ່ງແມ່ນໄດ້ນໍາເຂົ້າມາຈາກ ຕ່າງແດນເປັນປະເພດອາຫານທະເລທີ່ມີສານພິດເຊັ່ນ: ປູ, ປາ, ກຸ້ງ ແລະ ຫອຍ.

+ ເຫັດຫອມແຫ້ງຂອງດີທີ່ຕ້ອງລະວັງ2018/

+ ອາກາດຮ້ອນຕ້ອງລະວັງອາຫານປະເພດໃດແດ່ ?2017/

ນອກຈາກນັ້ນ, ຍັງມີໄກ່ ປອກ, ເປັດປອກ, ຊີ້ນ, ລູກຊີ້ນ- ຮອດດອກ, ເຂົ້າປຸ້ນ ແລະ ໝາກ ໄມ້ຈໍານວນໜຶ່ງອີກເຊັ່ນ: ໝາກ ແຕງ, ໝາກເຂືອ, ໝາກມີ້, ໝາກ ລະແຊງ…. ເຊິ່ງທັງໝົດເຫຼົ່າ ນີ້ລ້ວນແລ້ວແຕ່ ສີດຢາກັນບູດ ໃສ່ທັງນັ້ນ.

ນອກນັ້ນ, ຍັງມີຊີ້ນງົວ ປອມ, ໄຂ່ໄກ່ປອມ, ໜັງເຄັມ ປອມໂດຍມີປະຊາຊົນຈໍານວນ ໜຶ່ງອອກມາຢືນຢັນຜ່ານກະ ແສຂ່າວ ອອນລາຍໃຫ້ຮູ້ວ່າ, ໄດ້ໄປຊື້ໜັງເຄັມຢູ່ຕະຫຼາດ ແຫ່ງໜຶ່ງ, ແຕ່ຖືກໜັງປອມ ເພາະຢູ່ດ້ານໃນໜັງຖືກຝັງ ດ້ວຍວັດຖຸຄ້າຍຄືສໍາລີ, ອີກ ລາຍໜຶ່ງໄດ້ໄປຊື້ໝາກລະ ແຊງ ຢູ່ຕະຫຼາດແຫ່ງໜຶ່ງ ກໍຖືກໝາກລະແຊງປອມຄື: ເປືອກດ້ານນອກຫໍ່ຫຸ້ມດ້ວຍ ວັດຖຸໃດໜຶ່ງຄ້າຍຄືຖົງຢາງ ນ້ອຍໆບາງໆໂອບຕິດໄວ້ຢ່າງລະອຽດຈົນບໍ່ສາມາດເບິ່ງ ດ້ວຍຕາເປົ່າໄດ້ ເມື່ອກິນຈຶ່ງ ຮູ້ວ່າບໍ່ແມ່ນເນື້ອແທ້ຂອງ ໝາກລະແຊງ ແລະ ອີກເຫດ ການໜຶ່ງແມ່ນໄດ້ໄປຊື້ໄຂ່ ໄກ່ຖືກໄຂ່ປອມ ເວລາເອົາໄປ ເຮັດກິນຈຶ່ງຮູ້ວ່າດ້ານໃນໄຂ່ ໄກ່ມີວັດຖຸແຫຼວໆໃດໜຶ່ງມາ ປະສົມເຮັດເປັນໄຂ່. ນີ້ຄືເຫດ ການຕ່າງໆຂອງອາຫານ ປອມທີ່ເກີດຂຶ້ນ ແລະ ໄດ້ແຈ້ງ ເຕືອນຜູ້ທີ່ບໍລິໂພກທັງຫຼາຍ ໃຫ້ມີສະຕິລະວັງຕົວເຊິ່ງບັນ ຫາດັ່ງກ່າວເຫຼົ່ານີ້ແມ່ນໄດ້ ເກີດຂຶ້ນມາຫຼາຍປີແລ້ວ ຈົນ ມາຮອດປັດຈຸບັນນີ້ກໍຍັງເກີດ ມີກະແສຂ່າວແບບນີ້ຄືເກົ່າ.

ເຖິງຢ່າງໃດກໍຕາມ, ເພື່ອ ປົກປັກຮັກສາສຸຂະພາບ ແລະ ຊີວິດຂອງປະຊາຊົນລາວເຮົາ ໃນຂອບເຂດທົ່ວປະເທດ, ເມື່ອ ເຫດການດັ່ງກ່າວນີ້ເກີດຂຶ້ນ ພັກ ແລະ ລັດຖະບານເພິ່ນກໍ ໄດ້ເອົາໃຈໃສ່ຄຸ້ມຄອງສະກັດ ກັ້ນ ແລະ ໄດ້ແຕ່ງຕັ້ງຄະນະ ຮັບຜິດຊອບສະເພາະກິດລົງ ຕິດຕາມກວດກາຢູ່ຕາມຫ້າງ ຮ້ານ, ຕະຫຼາດ ແລະ ສະຖານ ທີ່ ຂາຍເຄື່ອງແຫ່ງຕ່າງໆ ແລະ ສາມາດຢຶດປາ ແລະ ອາຫານ ທະເລທີ່ມີສານພິດ ແລະ ໝາກ ໄມ້ປອມເປັນຈໍານວນຫຼາຍ ແລະ ໄດ້ນໍາໄປທໍາລາຍຖິ້ມ ຢ່າງຮີບດ່ວນ.

ນອກຈາກນັ້ນ, ເຈົ້າໜ້າທີ່ ກ່ຽວຂ້ອງ ໂດຍສະເພາະແມ່ນ ບັນດາຕົວເມືອງທີ່ຢູ່ຕິດຊາຍ ແດນແມ່ນໄດ້ສະກັດກັ້ນການ ນໍາເຂົ້າ ປະເພດອາຫານທີ່ມີ ສານເຄມີ, ອາຫານປອມ ແລະ ສິ່ງທີ່ຜິດກົດໝາຍຕ່າງໆບໍ່ໃຫ້ ນໍາເຂົ້າປະເທດຢ່າງເດັດຂາດ.

ແຕ່ກໍຍັງມີບາງທ້ອງຖິ່ນ ເຫັນວ່າ, ເຈົ້າໜ້າທີ່ກ່ຽວຂ້ອງ ຍັງບໍ່ທັນໄດ້ເອົາໃຈໃສ່ໄດ້ດີ ເທົ່າທີ່ຄວນໃນການຄວບຄຸມ ແລະ ສະກັດກັ້ນບັນຫາດັ່ງ ກ່າວເຫຼົ່ານີ້ໄດ້ດີເທົ່າທີ່ຄວນ ບາງ ອັນເຮົາກໍຍັງຂາດເຄື່ອງ ມືອຸປະກອນໃນການກວດກາ, ເຊິ່ງຈຸດນີ້ ຂະແໜງການກ່ຽວ ຂ້ອງຄວນຈະໄດ້ເອົາໃຈໃສ່ ຕື່ມອີກ.

ພ້ອມນັ້ນ, ກໍຕ້ອງມີຄວາມ ເຂັ້ມງວດທາງດ້ານມາດຕະ ການກົດໝາຍ ປະຕິບັດວິໄນຕໍ່ ຜູ້ກະທໍາຜິດ ແລະ ເອົາໃຈໃສ່ ສຶກສາອົບຮົມໃຫ້ເຂົາເຈົ້າ ເຊື່ອມຊຶມແນວທາງນະໂຍ ບາຍຂອງພັກໃຫ້ເລິກເຊິ່ງ ເຖິງ ຖອງ ແລະ ເພີ່ມທະວີຄວາມ ເອົາໃຈໃສ່ກວດກາການນໍາ ເຂົ້າສິນຄ້າທຸກຊະນິດຢູ່ຕາມ ຊາຍແດນເປັນຕົ້ນ: ປະເພດ ພືດຜັກຊີ້ນ-ປາ, ໝາກໄມ້, ອາຫານ-ເຄື່ອງດື່ມຕ່າງໆທີ່ ເສຍຄຸນຫຼືມີສານພິດຕົກ ຄ້າງປົນເປຢູ່ຫ້າມນໍາເຂົ້າ ຢ່າງເດັດຂາດ.

ຄຽງຄູ່ກັນນັ້ນ, ກໍຕ້ອງຊຸກ ຍູ້-ສົ່ງເສີມປະຊາຊົນຜູ້ທີ່ ມີເງື່ອນໄຂປູກພືດຜັກ ແລະ ໝາກໄມ້ປອດສານພິດໃຫ້ ຫຼາຍຂຶ້ນເພື່ອຮັບໃຊ້ຊີວິດການ ເປັນຢູ່ຂອງເຂົາເຈົ້າໃຫ້ພຽງພໍ ແລະ ຂາຍເປັນສິນຄ້າໄດ້.

ໂດຍ: ຊາຍພະເຈນອນ.