ອິນເຕີ ມິລານ ປົດ ປິໂອລີ ອອກຈາກຕຳແໜ່ງຜູ້ຈັດການທີມແລ້ວ

ສະໂມສອນ ອິນເຕີ ມິລານ ປະກາດປົດ ສະເຕຟາໂນ ປິໂອລີ ອອກຈາກຕຳແໜ່ງຜູ້ຈັດການທີມເປັນທີ່ຮຽບຮ້ອຍແລ້ວ  ຫຼັງເຮັດ ຜົນງານໄດ້ໜ້າຜິດຫວັງ.

ປິໂອລີ ອາຍຸ 51 ປີ ເຂົ້າມາ ຄຸມທີມແທນ ແຟຣງ ເດີບົວ ໃນ ເດືອນພະຈິກປີຜ່ານມາ ໂດຍເຊັນ ສັນຍາຄຸມທີມເປັນເວລາ 18 ເດືອນ ແຕ່ກໍຄຸມທີມໄດ້ພຽງ 6 ເດືອນ ແລະ     ຖືກປົດອອກຈາກ ຕຳແໜ່ງ ຫຼັງພາ ອິນເຕີ ມິລານ ເກັບໄດ້ພຽງຄະແນນດຽວຈາກ 6 ນັດ ຫຼ້າສຸດອີກທັງຍັງນຳທີມ ເສຍໃຫ້ ເຈນົວ 0-1 ໃນວັນອາ ທິດຜ່ານມາ ເຮັດໃຫ້ຕົກລົງໄປຢູ່ທີ 7 ໂດຍຕາມຫຼັງ ອະຕາລັນຕາ ທີມອັນດັບ 5 ເຖິງ 9 ຄະແນນ ຫົວໜ້າບໍລິຫານສະໂມສອນຈຶ່ງ ຕັດສິນໃຈປົດ ປິໂອລີ ອອກຈາກ ຕຳແໜ່ງໃນທີ່ສຸດ.

ຂະນະດຽວກັນ ອິນເຕີ ມິ ລານ ໄດ້ປະກາດໃຫ້ ສະເຕຟາໂນ ເວກຄີ ຜູ້ຈັດການທີມເຍົາວະຊົນ ຂອງສະໂມສອນຂຶ້ນມາເຮັດໜ້າທີ່ຄຸມທີມຊຸດໃຫຍ່ເປັນການຊົ່ວ ຄາວໃນ 3 ເກມສຸດທ້າຍຂອງລະ ດູການທີ່ຈະພົບກັບ ຊັສຊູໂອໂລ, ລາຊິໂອ ແລະ ອູດິເນເຊ ໂດຍ ກ່ອນໜ້ານີ້ ເວກຄີ ເຄີຍຄຸມທີມຊົ່ວ ຄາວມາ ແລ້ວ 2 ນັດ ຫຼັງຈາກທີ່ ເດີບົວ ຖືກປົດອອກຈາກຕຳແໜ່ງ ກ່ອນ ທີ່ສະໂມສອນຈະແຕ່ງຕັ້ງ ປິໂອລີ ເຂົ້າມາຄຸມທີມນັ້ນເອງ