ສ.ເກົາຫລີ ເລີ່ມປ່ອຍນ້ຳໃຫ້ ເມືອງແຄຊອງໃນ ສປປ ເກົາຫລີ
October 10, 2018 - 5:21 PM
ກະຊວງລວມຊາດຂອງ ສ.ເກົາຫລີ ຖະແຫລງໃນວັນທີ 10 ຕຸລາວ່າ: ສ.ເກົາຫລີ ເລີ່ມປ່ອຍນ້ຳໃຫ້ເມືອງແຄຊອງ ເມືອງຊາຍແດນຂອງ ສປປ ເກົາຫລີ ທີ່ຫາກໍເປີດສຳນັກງານປະສານການຕິດຕໍ່ລະຫວ່າງສອງເກົາຫລີໄປໃນເດືອນຜ່ານມາ.
ລາຍງານລະບຸວ່າ: ສ.ເກົາຫລີ ປ່ອຍນ້ຳໃຫ້ສຳນັກງານປະສານການຕິດຕໍ່ ແລະ ປະຊາຊົນໃນເມືອງດັ່ງກ່າວ. ຖະແຫລງການຂອງກະຊວງລວມຊາດ ລະບຸວ່າ: ການກະທຳດັ່ງກ່າວບໍ່ໄດ້ເປັນການລະເມີດມາດຕະການຂວ້ຳບາດຂອງບັນດາປະເທດຕໍ່ ສປປ ເກົາຫລີ ແຕ່ຢ່າງໃດ.
ສ.ເກົາຫລີ ຢຸດການປ່ອຍນ້ຳ ແລະ ກະແສໄຟຟ້າ ພາຍຫລັງປິດນິຄົມອຸດສາຫະກຳແຄຊອງໃນເດືອນກຸມພາ 2017 ພາຍຫລັງ ສປປ ເກົາຫລີ ທົດລອງນິວເຄຼຍ ແລະ ລູກສອນໄຟໄລຍະໄກ.
