ຢາກໃຫ້ລະບົບສື່ສານມີສັນຍານທຸກພື້ນທີ່

 ໂດຍ: ທິດກ່ຳ  

ໃນມື້ກ່ອນນັ້ນ, ທິດກ່ຳ ກໍໄດ້ຂຽນບົດໜຶ່ງກ່ຽວກັບການ ປຽບທຽບຕົວຈິງໃນການຮັບ ຂໍ້ມູນຂ່າວສານ ໃນສະໄໝສົງ ຄາມກັບຍຸກພັດທະນາຄືດັ່ງ ທີ່ຮູ້ ແລະ ໄດ້ເຫັນໃນສະພາບ ປັດຈຸບັນ.

+ ຈີນສົ່ງດາວທຽມວາງລະບົບສື່ສານ ລະຫວ່າງໂລກກັບດວງຈັນ2018/

+ ແຂວງຈຳປາສັກຍົກລະດັບການສື່ສານເພື່ອຫລຸດຜ່ອນຄວາມສ່ຽງໃນພາວະສຸກເສີນທາງດ້ານສາທາລະນະສຸກ2017/

ແນວໃດກໍຕາມຖ້າເວົ້າເຖິງຄວາມເປັນຈິງແລ້ວ, ໃນຍຸກ ສົງຄາມກັບຍຸກນີ້ມັນກໍມີຄວາມ ຈະເລີນ ແລະ ພັດທະນາແຕກ ຕ່າງຫລຸດລື່ນກັນຕັ້ງຫລາຍເທົ່າ.

ແຕ່ວ່າກ່ອນອື່ນ ໝົດພວກ ເຮົາກໍຕ້ອງເຂົ້າໃຈວ່າການຄຸ້ມ ຄອງນຳໃຊ້ສື່ ແລະ ບໍລິໂພກສື່ ຈະຫລ້າຫລັງ ຫລື ທັນສະໄໝ ເທົ່າໃດນັ້ນ, ມັນກໍແມ່ນຄົນເປັນ ຜູ້ເຮັດ ແລະ ສ້າງມັນຂຶ້ນມາ.

ຕາມທິດກ່ຳວ່າ, ຕົກມາສະ ໄໝນີ້ ຄວາມຈຳເປັນທາງດ້ານ ອັດຕະວິໄສ ແລະ ພາວະວິໄສ ໃນການບໍລິໂພກສື່ມັນຍິ່ງຕ້ອງ ການໃນຊີວິດປະຈຳວັນ, ເປັນ ຫຍັງຈຶ່ງວ່າແນວນັ້ນ? ຍ້ອນ ວ່າ ສະພາບການປ່ຽນແປງ ຂອງໂລກບໍ່ວ່າໃນດ້ານທຳມະ ຊາດ ແລະ ສັງຄົມມັນກໍນັບມື້ ເພີ່ມທະວີ ແລະ ມີຄວາມຮຸນ ແຮງ, ແຕກຕ່າງກັບຍຸກກ່ອນ ນັ້ນຕັ້ງຫລາຍເທົ່າ.

ຕົວຢ່າງ ການປ່ຽນແປງ ທາງດ້ານທຳມະຊາດກໍເກີດ ມີພາຍຸ, ແຜ່ນດິນໄຫວ, ຮ້ອນ ຫລາຍ, ໜາວຫລາຍ, ແລ້ງ ຫລາຍ, ຖ້ວມຫລາຍ, ຊ້ຳບໍ່ ໜຳ ຟ້າຝົນກໍຕົກບໍ່ຕົງກັບລະດູ ການກາຍ ເປັນໄພພິບັດຂົ່ມ ຂູ່ຄົນເຮົາຕັ້ງຫລາຍຢ່າງເຊັ່ນ: ມີການເຈັບເປັນ, ມີລົ້ມມີຕາຍ ຫາຍຍານະ.

ສ່ວນວ່າທາງດ້ານສັງຄົມຂອງຄົນເຮົາກໍມີການພັດທະ ນາແກ້ງແຍ້ງແຂ່ງຂັນໃນທຸກ ຂົງເຂດ, ທຸກບັນຫາເພື່ອຄວາມ ຍືນຍົງຄົງຕົວຂອງຄົນ, ກຸ່ມ ຄົນອັນເປັນເຫດໃຫ້ມີເສິກສົງ ຄາມ, ມີການຫັນປ່ຽນ ຈາກອັນ ຫລ້າສະໄໝຫາສິ່ງທີ່ກ້າວໜ້າ ລ້ຳຍຸກຢ່າງບໍ່ຢຸດຢັ້ງ.
ເມື່ອປັດໄຈສອງຢ່າງມາ ກະທົບ, ບໍ່ວ່າປະເທດໃດ, ບ້ານ ໃດ, ເມືອງໃດ ຫລື ແຂວງໃດ ກໍຍ່ອມ ໄດ້ຮັບຜົນຕາມມາທັງ ອັນດີ ແລະ ອັນຮ້າຍ, ແນ່ນອນ ຕໍ່ປັດໄຈທີ່ດີກໍຍ່ອມເຮັດໃຫ້ ຄົນເຮົາມີຄວາມສຸກ, ຕໍ່ສິ່ງ ທີ່ຮ້າຍກໍຍ່ອມເຮັດ ໃຫ້ເຮົາ ເປັນທຸກ, ສິ່ງໜຶ່ງໃນຄວາມຕ້ອງ ການບໍລິໂພກອີກສິ່ງໜຶ່ງກໍຄື ການຮັບເອົາຂໍ້ມູນຂ່າວສານ ທີ່ວ່ອງໄວ ແລະ ທັນສະໄໝ ເຂົ້າໃນການດຳລົງຊີວິດປະ ຈຳວັນໃນຍຸກປັດຈຸບັນ.

ສຳລັບປະເທດລາວເຮົາ ແລ້ວເວົ້າເຖິງລະບົບການສື່ ສານກໍເຫັນວ່າມີການພັດທະ ນາໄປຢ່າງກວ້າງຂວາງ ແລະ ໄວວາສົມຄວນ, ປັດຈຸບັນກ້າວ ໄປຮອດ 4,5 ຈີ ມີຫລາຍຫລັກ ໃຫ້ເລືອກໃຊ້ ບໍລິການເຊັ່ນ: ຫລັກ 2, ຫລັກ 5, ຫລັກ 7 ແລະ ຫລັກ 9 ເຊິ່ງໃນແຕ່ລະຊ່ອງນັ້ນ ກໍເຫັນວ່າ ໄດ້ກວມລວມພື້ນ ທີ່ໄປແລ້ວເກີນກວ່າເຄິ່ງໜຶ່ງ ຂອງປະເທດ.

ແຕ່ກໍເຫັນວ່າເມື່ອປຽບ ທຽບໃສ່ບັນດາປະເທດໃນກຸ່ມ ອາຊຽນ ແລ້ວພວກເຮົາກໍຍັງ ຖືວ່າ ຢູ່ໃນອັນດັບແຖວຫລັງ ຂອງໝູ່, ເຊິ່ງໃນເມື່ອກ່ອນນີ້ ກໍ ມັກເຫັນ ແລະ ໄດ້ຍິນຫາງສຽງ ວິພາກວິຈານຕາມສື່ອອນລາຍ ວ່າອິນເຕີເນັດ ຂອງລາວເຮົາ ມີສັນຍານຊັກຊ້າປານລົດໃສ່ ນ້ຳມັນກາເຕົ່າ.

ສະພາບປັດຈຸບັນນີ້, ບ່ອນ ທີ່ສັນຍານດີແດ່ສ່ວນຫລາຍ ແມ່ນມີແຕ່ຢູ່ນະຄອນຫລວງ ວຽງຈັນ ແລະ ຢູ່ຕົວເມືອງ ໃຫຍ່ໆ, ສ່ວນຢູ່ຕົວເມືອງນ້ອຍ, ຫລື ແຖວຊົນນະບົດບ່ອນຫ່າງ ໄກສອກຫລີກແດ່ແມ່ນຍັງຂາດ ເຂີນນັບທັງສັນຍານໂທລະສັບ ແລະ ສັນຍານອິນເຕີເນັດ.

ເຖິງຢ່າງໃດກໍດີ, ຕາມເຮົາ ວ່າເພື່ອແກ້ໄຂບັນຫາຍຸດທະ ສາດຂອງຊາດຖືເອົາວຽກງານ ໂທລະຄົມມະນາຄົມ ແລະ ການ ສື່ສານເປັນສາຍເລືອດ ແລະ ເສັ້ນປະສາດຂອງປະເທດດີແທ້ ກໍຄວນມີສັນຍານໃນທຸກຫລັກ, ທຸກເບີ ແລະ ທຸກຊ່ອງອິນເຕີເນັດ ກວມໃນທຸກພື້ນທີ່, ທຸກຄອກ ແຄແຈຮົ້ວຂອງປະເທດເວລາ ເກີດເຫດໄພພິບັດເຂື່ອນແຕກ, ໄຟໄໝ້ເຮືອນ, ນ້ຳຖ້ວມ, ຄົນຕາຍ ແລ້ງຕາຍໜາວກໍສາມາດອາ ໂຫລ ຫລື ສົ່ງຂໍ້ຄວາມຫາກັນ ໄດ້ຢ່າງວ່ອງໄວທັນໃຈທັງສະ ດວກສະບາຍ ຈຶ່ງຈະສົມກັບ ຄຳວ່າການພັດທະນາສື່ໃໝ່ ທັນສະໄໝ./.