ອິນໂດເນເຊຍຈະຢຸດການຄົ້ນຫາ ເຫຍື່ອແຜ່ນດິນໄຫວສຸລາເວສີ
October 8, 2018 - 6:05 PM
ສຳນັກງານບັນເທົາໄພພິບັດແຫ່ງຊາດອິນໂດເນເຊຍ ຖະແຫລງໃນວັນທີ 8 ຕຸລາວ່າ: ໜ່ວຍກູ້ໄພອິນໂດເນເຊຍຈະຢຸດປະຕິບັດການຄົ້ນຫາຜູ້ເຄາະຮ້າຍຈາກແຜ່ນດິນໄຫວ ແລະ ສຶນາມິທີ່ເກາະສຸລາເວສີ ໃນວັນທີ 11 ຕຸລານີ້.
ຂໍ້ມູນທາງການອິນໂດເນເຊຍ ລະບຸວ່າ: ຍອດຜູ້ເສຍຊີວິດຈາກແຜ່ນດິນໄຫວ ແລະ ສຶນາມິທີ່ເກາະສຸລາເວສີ ໃນວັນທີ 28 ກັນຍາແລ້ວນີ້ ເພີ່ມຂຶ້ນເປັນ 2.000 ຄົນ, ຂະນະທີ່ຍັງພົບສົບເພີ່ມຂຶ້ນຈາກຊາກຫັກພັງຕ່າງໆໃນເມືອງປາລູ ແລະ ຕາມເມືອງໃກ້ຄຽງອື່ນໆ. ຂະນະທີ່ການຊ່ວຍເຫລືອທັງອາຫານ, ນ້ຳດື່ມ ແລະ ສິ່ງຂອງຈຳເປັນຍັງຫລັ່ງໄຫລເຂົ້າມາພື້ນທີ່ປະສົບໄພໃນເມືອງປາລູ.
