U17 ບໍ່ຜ່ານເຂົ້າຮອບ 4 ທີມ ໃນລາຍການຈິບຊີ 2018
ການແຂ່ງຂັນລາຍການ JENESYS 2018 (JAPAN – MEKONG U-17 FOOTBALL TOURNAMENT) ຈັດຂຶ້ນລະຫວ່າງວັນທີ 3-10 ຕຸລາ ເຊິ່ງມີ 8 ທີມເຂົ້າຮ່ວມ, ຂະນະທີ່ ທີມຊາດລາວ ລຸ້ນອາຍຸບໍ່ເກີນ 17 ປີ ຫລື U17 ຖືກຈັດຢູ່ກຸ່ມເອ ແລະ ລົງສະໜາມ 3 ຄັ້ງ ສະເໝີ 1 ຄັ້ງ ເສຍ 2 ຄັ້ງ ສົ່ງຜົນບໍ່ສາມາດຜ່ານເຂົ້າຮອບ 4 ທີມ.
ການແຂ່ງຂັນຄັ້ງນີ້ມີ 8 ທີມເຂົ້າຮ່ວມ ແບ່ງອອກເປັນ 2 ກຸ່ມຄື: ກຸ່ມເອປະກອບມີ: SHOSI HIGTH SCHOOL ຈາກປະເທດຍີ່ປຸ່ນ, ໄທ, Bellmare ຈາກປະເທດຍີ່ປຸ່ນ ແລະ ລາວ, ສ່ວນກຸ່ມບີປະກອບມີ: ມຽນມາ, ຫວຽດນາມ, ຍີ່ປຸ່ນ ແລະ ກໍາປູເຈຍ. ຜ່ານການແຂ່ງຂັນ ທີມຊາດລາວ ລົງສະໜາມ 3 ຄັ້ງ ສະເໝີ SHOSI HIGTH SCHOOL ຈາກປະເທດຍີ່ປຸ່ນ 1-1, ເສຍໃຫ້ ທີມຊາດໄທ 2-1, ເສຍໃຫ້ Bellmare ຈາກປະເທດຍີ່ປຸ່ນ 4-0 ເຮັດໃຫ້ທີມຊາດລາວ ບໍ່ສາມາດຜ່ານເຂົ້າຮອບ 4 ທີມສຸດທ້າຍ ແລະ ຍາດໄດ້ພຽງແຕ່ອັນດັບທີ 7 ຂອງການແຂ່ງຂັນຄັ້ງນີ້.
