7 ສັບພະຄຸນຈາກໝາກໂມຫລຸດຄວາມຕຸ້ຍ – ຕ້ານມະເຮັງ

1. ເປັນໝາກໄມ້ທີ່ເໝາະສົມກັບຄົນທີ່ກຳລັງຄວບຄຸມນຳ້ໜັກ ເພາະເປັນໝາກໄມ້ທີ່ມີນຳ້ຕານ ແລະ ກາລໍຣີໜ້ອຍ.
2. ປ້ອງກັນການສະສົມຂອງໄຂມັນເສັ້ນເລືອດ, ຄວບຄຸມລະດັບຄວາມດັນເລືອດ.
3. ມີວິຕາມິນ A ຊ່ວຍບຳລຸງສາຍຕາ.
4. ຊ່ວຍຫລຸດຄວາມມັນເທິງຜິວໜ້າ, ຕື່ມຄວາມຊຸ່ມຊື່ນໃຫ້ແກ່ຜິວ ແລະ ຫລຸດອາການອັກເສບບວມແດງ.
5. ຊ່ວຍບຳລຸງສຸຂະພາບຜິວແລະ ເສັ້ນຜົມໃຫ້ແຂງແຮງ.
6. ກົດອະມິໂນໃນໝາກໂມຊ່ວຍຫລຸດຄວາມສ່ຽງໃນການເປັນພະຍາດຫົວໃຈ.
7. ໄລໂຄປີນໃນໝາກໂມຊ່ວຍຫລຸດຄວາມສ່ຽງໃນການເປັນພະຍາດມະເຮັງ.

ເຖິງວ່າໝາກໂມຈະມີປະໂຫຍດຫລວງຫລາຍ, ແຕ່ຄົນປ່ວຍບາງຄົນ ຫລື ຜູ້ທີ່ມີຄວາມຜິດປົກກະຕິບາງຢ່າງກໍຄວນຫລີກເວັ້ນ ການກິນໝາກໂມຄືກັນ ເຊັ່ນ : ຜູ້ທີ່ມີອາການຍື່ງທ້ອງ, ອາຫານບໍ່ຍ່ອຍ ເພາະນຳ້ຈາກໝາກໂມຈະເຮັດໃຫ້ນຳ້ຍ່ອຍໃນກະເພາະອາຫານເຈືອຈາງລົງ ເຮັດໃຫ້ຍ່ອຍອາຫານບໍ່ດີ, ຜູ້ທີ່ເປັນເນື້ອເຍື່ອລຳໄສ້ອັກເສບຊຳ້ເຮື້ອ, ຄວາມດັນເລືອດຕໍ່າ, ມີແກ໊ສໃນກະເພາະອາຫານ, ຖອກທ້ອງເປັນປະຈຳ ຫລື ໃນໄລຍະທີ່ເປັນໄຂ້ສູງກໍບໍ່ຄວນກິນໝາກໂມໃນໄລຍະນີ້.

ແນວໃດກໍຕາມ ອັນໃດທີ່ມີປະໂຫຍດກໍຕ້ອງກິນແບບພໍມີພໍງາມ ຢ່າກິນຫລາຍຈົນເກີນໄປ ເພາະເຖິງວ່າຈະມີປະໂຫຍດຫລາຍປານໃດ ຫາກກິນຫລາຍຈົນເກີນໄປກໍເປັນໂທດຕໍ່ໍຮ່າງກາຍໄດ້ຄືກັນ.