ການຮັບຂໍ້ມູນຂ່າວສານ ສະໄໝສົງຄາມກັບຍຸກພັດທະນາ
ໂດຍ: ທິດກ່ຳ
ສຳລັບໃນຄໍລຳນີ້, ທິດກ່ຳ ຂໍນຳເອົາຊີວິດຈິງທີ່ໄດ້ສຳພັດ ແລະ ໄດ້ປະສົບພົບພໍ້ກັບເຫດ ການໃນສະໄໝສົງຄາມ ເຊິ່ງ ໜຶ່ງໃນຄວາມຊົງຈຳທີ່ພາໃຫ້ຈື່ບໍ່ ລືມຈົນມາຮອດທຸກວັນນີ້ ກໍ ແມ່ນ ເລື່ອງການຮັບຂໍ້ມູນຂ່າວສານ ຈາກກອງທັບປົດປ່ອຍແນວລາວຮັກຊາດ ໃນຊຸມປີ 1958-59 ຕອນທິດກ່ຳຍັງຮຽນ ປ 1, ປ 2 ຢູ່ເຂດປົດປ່ອຍ ເຊິ່ງເປັນໄລຍະ ທີ່ສົງຄາມພວມເລີ່ມເຂົ້າສູ່ ຄວາມດຸເດືອດ.
+ ແຂວງອຸດົມໄຊຍົກລະດັບໃຫ້ນັກຂ່າວ-ນັກຈັດລາຍການ2018/
+ ນັກຂ່າວລາວ ເປັນກໍາລັງປະຈັນບານໃນສະໜາມຮົບແນວຄິດແລະວັດທະນະທໍາ2018/
ຊ່ວງໄລຍະນັ້ນ, ເຖິງວ່າຕົນ ເອງຍັງ ເປັນເດັກແຕ່ກໍຮູ້ເຮັດ ວຽກຖາງໄຮ່, ໄຖນາຊ່ວຍພໍ່ ແມ່ຕາມສະຖານະພາບຄວາມ ເປັນຈິງຂອງເຂດປົດປ່ອຍ ເຊິ່ງແຕ່ ລະວັນເຫັນຍົນເບ 52 ແລະ ຍົນ ເຕ 28 ໄປຖິ້ມລະເບີດບາງ ມື້ກໍບໍ່ ໄດ້ໄປຮອດໂຮງຮຽນ.
ເວົ້າເຖິງການຮ່ຳຮຽນ ກໍບໍ່ ຄ່ອຍໄດ້ຮຽນປົກກະຕິ, ໂຮງຮຽນ ກໍແມ່ນເປັນສຸມໃຜ່ບ່ອນປ່າຕຶບ ດົງໜາ; ການໄປຮຽນກໍຕ້ອງ ໄດ້ຍ່າງຈາກບ້ານເປັນສີ່ຫ້າ ຫລັກຈຶ່ງຮອດ, ພິເສດມື້ໃດຈະ ບໍ່ໄດ້ເຂົ້າໂຮງຮຽນທາງອ້າຍຄູ ກໍບອກລ່ວງໜ້າວ່າ ມື້ອື່ນບໍ່ໄດ້ ເຂົ້າໂຮງຮຽນເດີ ເພາະຈະມີຍົນ ມາຖິ້ມລະເບີດໃສ່ເຂດນີ້.
ນອກຈາກນັ້ນ, ເວລາຢູ່ ບ້ານ ຢູ່ເຮືອນມື້ໃດຈະມີຍົນໄປ ຖິ້ມລະເບີດໃສ່ເຂດໃກ້ຄຽງກໍ ມີທະຫານແນວລາວຮັກຊາດ ໄປເລາະບອກປະຊາຊົນວ່າ ອີກສອງສາມວັນຈະມີຍົນມາ ຖິ້ມລະເບີດໃສ່ເຂດນີ້ຂໍໃຫ້ພາ ກັນໜີໄປເຂົ້າຖ້ຳເພື່ອຄວາມ ປອດໄພ, ພໍເມື່ອເຖິງເວລາ ດັ່ງກ່າວກໍມີຍົນມາຖິ້ມລະເບີດ ໃສ່ອີ່ຫລີ.
ຈາກສອງກໍລະນີທີ່ເຮົາໄດ້ ເວົ້າມານີ້, ຈຶ່ງເຮັດໃຫ້ປະຊາ ຊົນໃຜກໍເຊື່ອໝັ້ນທະຫານ ແນວ ລາວທັງພາກັນຕັ້ງຂໍ້ຄິດ ງືດງໍ້ວ່າ ເພິ່ນຄືເກັ່ງແທ້ ແລະ ຮູ້ໄດ້ຈັ່ງໃດ.
ດ້ວຍສາເຫດນີ້, ປະຊາຊົນ ຄົນລາວທີ່ຢູ່ໃນເຂດປົດປ່ອຍ ຈຶ່ງບໍ່ພາກັນຕາຍດັບຍ້ອນລະ ເບີດຖ້າບໍ່ຕົກຢູ່ໃນກໍລະນີອັນຄັບ ຂັນຈຳເປັນອີຫລີ.
ຈົນມາຮອດທຸກວັນນີ້, ທິດກ່ຳ ກໍຍັງຈື່ບໍ່ລືມ ແລະ ທັງ ວິເຄາະໃນຕົນເອງວ່າບັນຫາຍຸດທະສາດເປັນເລື່ອງ ທີ່ໄກ່ເຫັນ ຕີນງູ, ງູກໍເຫັນຕີນໄກ່ ຖ້າຜູ້ໃດ ເກັ່ງກວ່າກໍແມ່ນຜູ້ນັ້ນຊະນະ.
ການທີ່ກຳເນີດສາທາລະ ນະລັດ ປະຊາທິປະໄຕ ປະຊາ ຊົນລາວກາຍເປັນໝາກຜົນ ແຫ່ງໄຊຊະນະຂອງການປະ ຕິວັດລາວຢ່າງເປັນຮູບປະທຳ ແລະ ແມ້ນຢຳທີ່ສຸດ, ແຕ່ໜຶ່ງໃນ ສິ່ງທີ່ທິດກ່ຳ ຄິດນັ້ນການຮັບ ຂໍ້ມູນຂ່າວສານໃນສະໄໝສົງ ຄາມຄືວ່າມັນຕົງເປະແມ້ນຢຳ ເກີນກວ່າໝໍດູໝໍເດົາ ແລະ ຍັງຮັບຮູ້ໄດ້ລ່ວງໜ້າເປັນສອງ ສາມວັນກ່ອນຄວາມຕາຍຈະ ມາເຖິງຕົວ.
ຈາກສະໄໝນັ້ນ, ມາເຖິງ ຍຸກນີ້ ກໍເປັນເວລາທົດສະວັດ ກວ່າ ຫລື ອາດເວົ້າໄດ້ວ່າເກືອບ ສັດຕະວັດ, ແຕ່ພັດກົງກັນຂ້າມ ສະໄໝນີ້ ບ້ານເມືອງເຮົາໄດ້ຮັບ ການສ້າງສາພັດທະນາຢ່າງ ກ້າວກະໂດດຂັ້ນ, ສົງຄາມ ໄດ້ກາຍເປັນເລື່ອງອາດີດໄປ ແລ້ວ, ຊ້ຳບໍ່ໜຳລູກຫລານຜູ້ ເກີດໃໝ່ໃຫຍ່ລຸນເຂົາອາດ ບໍ່ຮູ້ວ່າ ສົງຄາມຄືຫຍັງ ແລະ ມັນ ເປັນແນວໃດເພາະຍຸກສະ ໄໝນີ້, ມັນກ້າວໄປຢ່າງໄວວາ ປານ ຈະຫລວດ, ປະກົດການສິ່ງ ໃໝ່ໆ ທີ່ເກີດພ້ອມກັບລູກຫລານ ເຮົາສະໄໝນີ້ຄືຂໍ້ມູນຂ່າວສານ ທີ່ວ່ອງໄວທັນສະໄໝ ຈົນພາ ໃຫ້ຫລາຍຄົນພາກັນເກີດໂລກ ກົ້ມໜ້າເກືອບບໍ່ມີເວລາຈະເຮັດ ວຽກ ແລະ ກິນເຂົ້າ.
ເມື່ອຕັ້ງໂຈດກັນວ່າຕົກໃນ ຍຸກຂໍ້ມູນຂ່າວສານທັນສະໄໝ ວ່ອງໄວທັນໃຈຄືແນວນີ້ ເຂື່ອນ ເຊປຽນ-ເຊນ້ຳນ້ອຍແຕກທະ ລຸລົງມາເປັນຫຍັງ ຈຶ່ງເຮັດໃຫ້ ຄົນຕາຍເປັນສິບເປັນຮ້ອຍຈົນ ຊ່າດັງໄປທົ່ວໂລກ.
ຄຳຕອບກໍຄືບໍ່ມີອ້າຍທະ ຫານກອງທັບປົດປ່ອຍປະ ຊາຊົນໄປບອກຄືສະໄໝສົງ ຄາມອາໄສແຕ່ນາຍບ້ານໄປຫາ ເລາະບອກໜີບໍ່ທັນກໍເລີຍພາ ກັນປະສົບເຫດ.
ເມື່ອເກີດໄພພິບັດມາ ເບີ ຫລັກ 5 ກໍພໍມີສັນຍານ, ອາໄສເບີ ຫລັກ 2 ພັດສະໝອງກຸ້ມ, ເບີ ຫລັກ 9 ພັດແສນເສົ້າພໍກະ ເທີນ, ເບີຫລັກ 7 ພັດເສັດຊ້ຳ ສຳລັບຢູ່ແຖວຊົນນະບົດກັບ ຢູ່ ເມືອງສະໜາມໄຊຕອນເຂື່ອນ ບໍ່ທັນແຕກພຸ້ນດອກວາ!.
ກໍຫວັງວ່າ, ງານສຳມະນາ ວິທະຍາສາດກ່ຽວກັບການຄຸ້ມ ຄອງ ແລະ ພັດທະນາສື່ພາຍ ໃຕ້ຫົວຂໍ້ “ການຄຸ້ມຄອງ, ນຳ ໃຊ້ ແລະ ພັດທະນາສື່ໃນໄລຍະ ໃໝ່” ຄັ້ງທີ 24-25 ກັນຍາ ຜ່ານ ມາຈະເປັນປາຍງ້າວແຫລມດີ ຂຶ້ນຕັ້ງຫລາຍເທົ່າ./.
