ສູນອາຊີ ມູນິທິ ຍີ່ປຸ່ນ ແລະ ພາກວິຊາສື່ສານມວນຊົນ ເສີມສ້າງຄວາມສາມາດຜະລິດຮູບເງົາກາຕູນ
ໃນວັນທີ 1-3 ຕຸລານີ້, ສູນອາຊີ ມູນນິທິຍີ່ປຸ່ນ (Japan Foundation Asia Center) ຮ່ວມກັບ ພາກວິຊາສື່ສານມວນຊົນ ຄະນະອັກສອນສາດ ມະຫາວິທະຍາໄລແຫ່ງຊາດ (ມຊ) ໄດ້ຈັດເຝິກອົບຮົມການຜະລິດຮູບເງົາກາຕູນ Animation workshop ໃຫ້ນັກສຶກສາພາກວິຊາດັ່ງກ່າວ, ຂຶ້ນທີ່ນະຄອນຫຼວງວຽງຈັນ. ເພື່ອໃຫ້ນັກຄູ-ອາຈານ ແລະ ຮຽນໄດ້ພັດທະນາ ກ່ຽວກັບການສ້າງ ຮູບເງົາກະຕູນ ແອນນິເມຊັ່ນ.
ສໍາລັບການເຝິກອົບຮົມໃນຄັ້ງນີ້, ມີຜູ້ເຂົ້າຮ່ວມ 35 ຄົນຈາກປີ 2 ແລະ 3 ຂອງພາກວິຊາດັ່ງກ່າວ ຈະໄດ້ຮຽນຮູ້ນັບແຕ່ຂອດສ້າງຕົວລະຄອນຂຶ້ນມາເປັນເລື່ອງ, ແຕ້ມຮູບກາຕູນດ້ວຍມື, ຕັດ ແລະ ສ້າງຕົວລະຄອນຕ່າງໆ ແລ້ວນໍາໄປຖ່າຍດ້ວຍໂທລະສັບມືຖື ໂດຍໃຊ້ໂປຣແກມ sTOP MOTION ຫຼັງຈາກນັ້ນ, ກໍນໍາຮູບທີ່ແຕ້ມມາສ້າງເລື່ອງຜ່ານໂປຣແກມທາງຄອມພິວເຕີ ເປັນຕົ້ນແມ່ນ PHOTOSHOP ຫຼື AFTER EFFECT ເພື່ອສ້າງເປັນຮູບເງົາກາຕູນ Animation ໃຫ້ສາມາດນໍາອອກເຜີຍແຜ່ສູ່ສັງຄົມໄດ້.
