6 ທີມເຂົ້າຮ່ວມກຽມຊີງຂັນເອັສຣາຄຣັບ 2018
October 3, 2018 - 5:30 PM
ສະໂມສອນ ເອັສຣາ ເອັຟຊີ ກຽມເປີດການແຂ່ງຂັນຊີງຂັນເອັສຣາຄັບ 2018 ຂຶ້ນໃນທ້າຍອາທິດນີ້ ທີ່ສູນເອັສຣາ ບ້ານໜອງບຶກ ເມືອງສີໂຄດຕະບອງ ນະຄອນຫລວງວຽງຈັນ ເພື່ອສົ່ງເສີມເຍົາວະຊົນລາວຫັນມາຫລິ້ນກິລາຫ່າງໄກຈາກສິ່ງເສບຕິດ ໂດຍມີ 6 ທີມເຂົ້າຮ່ວມການແຂ່ງຂັນດັ່ງກ່າວ.
ການແຂ່ງຂັນຊີງຂັນເອັສຣາຄັບ 2018 ມີ 6 ທີມເຂົ້າຮ່ວມຄື: MIDO F.A, MASTER 7 FC, M7 NONGKHENG FC, TRINITY FC, LANXANG FC, EZRA FC ເຊິ່ງການແຂ່ງຂັນຈະເລີ່ມຂຶ້ນແຕ່ວັນທີ 6 ຕຸລານີ້ເປັນຕົ້ນໄປ.
ສໍາລັບລາງວັນອັນດັບທີ 1 ຈະໄດ້ຮັບຂັນລາງວັນພ້ອມເງິນສົດ 1 ລ້ານກີບ ແລະ ໝາກບານ, ອັນດັບທີ 2 ຈະໄດ້ເງິນສົດ 7 ແສນກີບພ້ອມໝາກບານ, ອັນດັບທີ 3 ຈະໄດ້ຮັບເງິນສົດ 5 ແສນກີບພ້ອມໝາກບານ.
