ປ໊ອກບາ ຂູ່ຕົ້ນສັງກັດຖ້າ ມູຣິນໂຢ ຢູ່-ຂ້ອຍໄປ
ເດິ ຊັນ ສື່ຊື່ດັງໃນປະເທດອັງກິດ ລາຍງານວ່າ: ປໍ ປ໊ອກບາ ມິດຟິວຄົນເກັ່ງຂອງ ແມນເຊັສເຕີ ຢູໄນເຕັດ ຍັກໃຫຍ່ແຫ່ງ ພຣີເມຍລີກ ອັງກິດ ອອກມາຂູ່ຕົ້ນສັງກັດວ່າຈະຍ້າຍທີມໃນໄລຍະເດືອນມັງກອນນີ້ ຖ້າ ແມນເຊັສເຕີ ຢູໄນເຕັດ ຍັງໃຫ້ ໂຮເຊ ມູຣິນໂຢ ດຳລົງຕຳແໜ່ງຜູ້ຈັດການທີມຕໍ່ໄປ.
ສື່ດັ່ງກ່າວ ຍັງລະບຸອີກວ່າ: ກອງກາງທີມຊາດຝຣັ່ງ ບອກກັບເພື່ອນຮ່ວມທີມວ່າ: ລາວຮູ້ສຶກເບື່ອທີ່ຈະຕ້ອງມາໂຕ້ຖຽງກັບຜູ້ຈັດການທີມຊາວໂປຣຕຸເກສ. ນອກຈາກນີ້ ຍັງຮູ້ສຶກວ່າຕົນເອງມັກຈະຖືກຈັບໃຫ້ຫລິ້ນໃນຕຳແໜ່ງ ແລະ ແທັກຕິກທີ່ເຮັດໃຫ້ລາວບໍ່ສາມາດສະແດງປະສິດທິພາບອອກມາໄດ້ຢ່າງເຕັມສ່ວນ ແລະ ເລີ່ມຄິດວ່າລາວຈະຫລິ້ນໄດ້ດີກວ່ານີ້ ຖ້າລົງຫລິ້ນພາຍໃຕ້ການຄຸມທີມຂອງຜູ້ຈັດການຄົນອື່ນ ແລະ ຖ້າ ມູຣິນໂຢ ຍັງຢູ່ໃນຕຳແໜ່ງ, ມິດຟິລແຊ້ມໂລກ 2018 ອາດຈະເລືອກຍ້າຍທີມໃນໄລຍະເດືອນມັງກອນນີ້.
