ນາວາສັກສິດ ຄອງໜ້ານໍ້າສວນນໍ້າອິນແປງປີນີ້
ເຮືອບໍລິສັດແສງເພັດກໍ່ສ້າງ-ເກັບກູ້ລະເບີດ (ສີພາຍນາວາສັກສິດ) ຄອງໜ້ານໍ້າສວນນໍ້າອິນແປງປີນີ້ ພາຍຫລັງບຽດເອົາຊະນະເຮືອທະຫານແຂວງສາລະວັນ ພອນສະຫວັນ ໄດ້ໃນວັນທີ 30 ກັນຍາຜ່ານມານີ້ ທີ່ສວນນໍ້າອິນແປງ ເມືອງຫາດຊາຍຟອງ ນະຄອນຫລວງວຽງຈັນ.
ການຊ່ວງເຮືອ 55 ສີພາຍ ປະຈໍາປີ 2018 ນີ້ ທີ່ທ່ານໍ້າອິນແປງ ເມືອງຫາດຊາຍຟອງນີ້ ມີເຮືອເຂົ້າຮ່ວມທັງໝົດ 8 ລໍາ ແບ່ງອອກເປັນ 2 ສາຍຄື: ກ ປະກອບມີ: ເຮືອບໍລິສັດແສງເພັດ ກໍ່ສ້າງ-ເກັບກູ້ລະເບີດ (ບ້ານແສນດິນ), ເຮືອຫາດຊາດຟອງ (ຫລາວຄໍາ), ເຮືອສາຍຟ້າ (ບ້ານທ່າພະ), ເຮືອທະຫານແຂວງສາລະວັນ ພອນສະຫວັນ (ບ້ານສີຖານໃຕ້); ສ່ວນສາຍ ຂ ປະກອບມີ: ເຮືອນາວາສັກສິດ, ເຮືອຄອນສະຫວັນ 99, ເຮືອພະພອນແກ້ວ ແລະ ເຮືອເທບປະທານພອນ.
ຜ່ານການແຂ່ງຂັນຜົນປາກົດວ່າ ອັນດັບທີ 1 ເຮືອບໍລິສັດແສງເພັດກໍ່ສ້າງ-ເກັບກູ້ລະເບີດ (ສີພາຍນາວາສັກສິດ) ໄດ້ຮັບຂັນລາງວັນພ້ອມເງິນສົດ 13 ລ້ານກີບ, ອັນດັບທີ 2 ເຮືອທະຫານແຂວງສາລະວັນ ພອນສະຫວັນ ໄດ້ຮັບຂັນລາງວັນພ້ອມເງິນສົດ 11 ລ້ານກີບ, ອັນດັບທີ 3 ເຮືອພອນພະແກ້ວ ໄດ້ຮັບຂັນລາງວັນພ້ອມເງິນສົດ 9 ລ້ານກີບ, ອັນດັບທີ 4 ເຮືອສາຍຟ້າ (ບ້ານທ່າພະ) ໄດ້ຮັບເງິນສົດ 7 ລ້ານກີບ.
ບໍລິສັດອິນແປງກຣຸບ ຈໍາກັດ ຮ່ວມກັບສະຫະພັນເຮືອຊ່ວງນະຄອນຫລວງວຽງຈັນ ເປັນຝ່າຍຈັດການແຂ່ງຂັນຄັ້ງນີ້ຂຶ້ນມາ.
