ກ໊ອງເຕ ຄວ້າລາງວັນນັກເຕະດີເດັ່ນແຫ່ງປີຂອງ ສະມາຄົມນັກຂ່າວ

ເອັນໂກໂລ ກ໊ອງເຕ ກອງ ກາງໂຕເກັ່ງຂອງ ເຊລຊີ ທີມຜູ້ ນຳຕາຕະລາງພຣີເມຍລີກ ອັງກິດ ຍັງຮ້ອນແຮງຕໍ່ເນື່ອງ ຫຼັງຄວ້າ ລາງວັນນັກເຕະດີເດັ່ນແຫ່ງປີ ຂອງ ສະມາຄົມນັກຂ່າວບານເຕະ ອັງກິດ ຫຼື (ເອຟດັບເບິລຢູເອ) ໄປຄອງຢ່າງງົດງາມ.

ກ໊ອງເຕ ທີ່ຫາກໍຄວ້າລາງ ວັນນັກເຕະດີເດັ່ນຂອງ ສະມາ ຄົມບານເຕະອາຊີບ ຫຼື (ພີເອຟ ເອ) ໄປແລ້ວ ແລະ ເອແດນ ອາ ຊາ ໝູ່ທີມ ເຊລຊີ ທີ່ຕາມມາເປັນ ອັນດັບ 2  ໄດ້ຄະແນນໂຫວດ ຈາກຜູ້ມີສິດອອກສຽງ 340 ຄົນ ລວມກັນ 65% ຂະນະທີ່ ອັນດັບ 3 ເປັນ ເດເລ ອັລລີ ກອງກາງໂຕ ເກັ່ງຂອງ ທັອດແນມ ຮັອດສະເປີ.

ທັງນີ້ຈາກການຄວ້າລາງ ວັນຂອງ ເອຟດັບເອບິລຢູເອ ເຮັດ ໃຫ້ ກ໊ອງເຕ ກາຍເປັນນັກເຕະຄົນ ທີ 5 ໃນ 6 ລະດູການຫຼ້າສຸດທີ່ ຄວ້າໄດ້ທັງລາງວັນນັກເຕະດີເດັ່ນຂອງ ສະມາຄົມບານເຕະອາຊີບ ແລະ ສະມາຄົມນັກຂ່າວໃນປີ ດຽວກັນ.