ອາເມລິກາເນັ້ນຈະປະຈຳການ ໃນຊີຣີດົນເທົ່າກັບອີຣານ
ເຈົ້າໜ້າທີ່ລະດັບສູງອາເມລິກາ ກ່າວວ່າ: ອາເມລິກາຈະປະຈຳການຢູ່ຊີຣີດົນເທົ່າກັບອີຣານຍັງຢູ່ຊີຣີ, ແຕ່ຈະບໍ່ເນັ້ນປະຕິບັດການທາງທະຫານ.
ເຈົ້າໜ້າທີ່ລະດັບສູງອາເມລິກາກ່າວຊີ້ແຈງຄຳຖະແຫລງຂອງທ່ານ ເຈມ ເຈຟຟຣີ ຜູ້ແທນພິເສດອາເມລິກາດ້ານຊີຣີ ເຊິ່ງມີເນື້ອໃນວ່າ: ກອງກຳລັງອາເມລິກາຈະຢູ່ໃນຊີຣີຕໍ່ໄປໂດຍບໍ່ມີກຳນົດ ເພື່ອຕໍ່ສູ້ກັບອີຣານ. ທ່ານ ເຈຟຟຣີ ກ່າວກັບສື່ມວນຊົນນອກຮອບກອງປະຊຸມສະຫະປະຊາຊາດ ທີ່ນະຄອນນິວຢອກວ່າ: ປະທານາທິບໍດີ ໂດນັລ ທຣຳ ຕ້ອງການໃຫ້ຮັກສາກຳລັງທະຫານໃນຊີຣີຕໍ່ໄປຈົນກວ່າຈະມີແນວທາງອື່ນ. ປັດຈຸບັນ ອາເມລິກາມີກຳລັງທະຫານປະມານ 2.000 ຄົນຢູ່ຊີຣີ ສ່ວນຫລາຍມີພາລະກິດຝຶກຝົນ ແລະ ແນະນຳກອງກຳລັງເຄຣີດ ແລະ ກອງກຳລັງອາຣັບໃນຊີຣີ ເພື່ອຕໍ່ຕ້ານລັດຖະບານປະທານາທິບໍດີ ບາຊາ ອານອັດຊັດ ຂອງຊີຣີ. ສ່ວນທ່ານ ຈອນ ໂບລຕັນ ທີ່ປຶກສາດ້ານຄວາມໝັ້ນຄົງແຫ່ງຊາດຜູ້ນຳອາເມລິກາ ກ່າວວ່າ: ອາເມລິກາຈະບໍ່ອອກຈາກຊີຣີຈົນກວ່າກອງກຳລັງອີຣານຈະຖອນກຳລັງອອກໄປ.
