ທັດສະນະຂອງພັກຕໍ່ວຽກງານສື່ມວນຊົນ

ໂດຍ: ທ່ຽງທຳ    

ສະບາຍດີ, ເພື່ອນຜູ້ອ່ານ ທີ່ ຮັກແພງ, ຜ່ານກອງປະຊຸມສຳ ມະນາ ວິທະຍາສາດ, ພາຍໃຕ້ຫົວ ຂໍ້ “ການຄຸ້ມຄອງ, ນຳໃຊ້ ແລະ ພັດທະນາສື່ ໃນໄລຍະໃໝ່”, ທີ່ໄດ້ ຈັດຂຶ້ນໃນວັນທີ 24-25 ກັນຍາ ນີ້, ຢູ່ນະຄອນຫລວງວຽງຈັນ, ໂດຍຄະນະອົບຮົມສູນກາງພັກ, ກະຊວງຖະແຫລງຂ່າວ, ວັດທະ ນະທຳ ແລະ ທ່ອງທ່ຽວ ແລະ ກະຊວງໄປສະນີໂທລະຄົມ ມະນາຄົມ ແລະ ສື່ສານ.

ເຮົາຍິ່ງເຫັນແຈ້ງເຖິງທັດສະ ນະຂອງພັກຕໍ່ວຽກງານສື່ມວນ ຊົນ, ກໍດັ່ງບົດປະກອບຄຳເຫັນ ຂອງ ທ່ານ ສີປະເສີດ ແສນສະ ຫວັດ ຮອງຫົວໜ້າຄະນະໂຄສະ ນາອົບຮົມສູນກາງພັກເພິ່ນ ໄດ້ ຍົກໃຫ້ເຫັນວ່າ: ຕະຫລອດໄລຍະ ແຫ່ງການຊີ້ນຳ-ນຳພາຂອງພັກ ເຮົາຍາມໃດເພິ່ນກໍຖືເອົາວຽກ ງານໂຄສະນາສຶກສາອົບຮົມ ປຸກ ລະດົມຂົນຂວາຍເປັນຍຸດທະສາດ ແລະ ເປັນວິທີການອັນດັບໜຶ່ງ ເຊິ່ງໃນນັ້ນສື່ມວນຊົນກໍໄດ້ມີສ່ວນ ຮ່ວມ ແລະ ມີບົດບາດສຳຄັນ, ທັງເປັນພາຫະນະ ແລະ ເປັນອາ ວຸດອັນແຫລມຄົມໃນການຕໍ່ສູ້ ບັ້ນສະໜາມຮົບການເມືອງ.

ແນວຄິດພາຍໃຕ້ການນຳ ພາຂອງພັກ ແລະ ການຄຸ້ມຄອງ ຂອງລັດ, ໄດ້ເປັນເຈົ້າການປະ ກອບສ່ວນຢ່າງຕັ້ງໜ້າ ແລະ ສົມ ກຽດໃນພາລະກິດປະຕິວັດກໍຄື ຂະບວນການຕໍ່ສູ້ຂອງພັກ, ຂອງ ຊາດ ແລະ ຂອງປະຊາຊົນເຮົາ ເປັນສ່ວນປະກອບສຳຄັນໃນໄຊ ຊະນະລວມຂອງປະເທດຊາດ.

ອີກອັນໜຶ່ງສື່ມວນຊົນເຮົາ ໄດ້ກຳເນີດ ແລະ ເຕີບໃຫຍ່ຂະ ຫຍາຍຕົວບົນພື້ນຖານຂອງຂະ ບວນການປະຕິວັດ ແລະ ສືບຕໍ່ ພາລະກິດຂອງຕົນໃນການເປັນ ກະບອກສຽງ, ເປັນເວທີສະແດງ ຄວາມຄິດຄວາມເຫັນທີ່ມີລັກສະ ນະປຸກລະດົມດຶງດູດ ແລະ ສ້າງ ສັນຢູ່ໃນສັງຄົມ, ເປັນພາຫະນະ ແລະ ຂົວຕໍ່ສຳຄັນລະຫວ່າງພັກ- ລັດກັບປະຊາຊົນ, ໄດ້ນຳເອົາ ແນວຄິດທິດສະດີປະຕິວັດ, ແນວ ທາງນະໂຍບາຍຂອງພັກ, ແຜນ ພັດທະນາເສດຖະກິດ-ສັງຄົມ ລະບຽບກົດໝາຍຂອງລັດ, ວິທະ ຍາສາດເຕັກໂນໂລຊີທີ່ທັນສະໄໝ ໃຫ້ແກ່ປວງຊົນເຮົາທັງຊາດໄດ້ຮັບ ຮູ້ເຂົ້າໃຈ, ນອກຈາກນັ້ນກໍຍັງເປັນ ຜູ້ຊອກຮູ້ຄົ້ນພົບ ແລະ ນຳເອົາ ຕົວແບບທີ່ດີເດັ່ນ ຫລື ປັດໄຈໃໝ່ ຫລາຍອັນໃນຂະບວນການຜະ ລິດຂອງສັງຄົມ ແລະ ຄວາມຕື່ນ ຕົວຂອງມະຫາຊົນ, ຊັ້ນຄົນຕ່າງໆ ຢ່າງເປັນຂະບວນກວ້າງຂວາງ ແລະ ຟົດຟື້ນພ້ອມເປັນກຳລັງ ແຮງຕອບຕ້ານປະກົດການຫຍໍ້ ທໍ້ໃນການໂຄສະນາບິດເບືອນໃສ່ ຮ້າຍປາຍສີຂອງບັນດາອິດທິ ກຳລັງ ປໍລະປັກ ແລະ ກຸ້ມຄົນບໍ່ ດີອື່ນໆ, ທັງນຳເອົາຄວາມຄິດ ຄວາມເຫັນ, ຄວາມມຸ້ງມາດປາ ຖະໜາຂອງປະຊາຊົນມາສ່ອງ ແສງໃຫ້ແກ່ການຈັດຕັ້ງພັກ-ລັດ ທຸກຂັ້ນໄດ້ຮັບຊາບ ແລະ ສ້າງ ເງື່ອນໄຂໃຫ້ການຈັດຕັ້ງພັກ-ລັດ ຂັ້ນຕ່າງໆ ໄດ້ມີທິດຊີ້ນຳ-ນຳ ພາຖືກກັບຄວາມເປັນຈິງ.

ເມື່ອເຫັນໄດ້ບົດບາດ ແລະ ຄວາມສຳຄັນຂອງສື່, ມວນຊົນ ດັ່ງກ່າວ ກອງປະຊຸມໃຫຍ່ຂອງ ພັກແຕ່ລະຄັ້ງນັບແຕ່ຄັ້ງທີ IV ຈົນ ຮອດຄັ້ງທີ VII ກົມການເມືອງ ສູນກາງພັກໄດ້ອອກມະຕິສະບັບ ເລກທີ 36/ກມ ສພ ລົງວັນທີ 19 ມິຖຸນາ 1993 ວ່າດ້ວຍການ ເພີ່ມທະວີການນຳພາຂອງພັກ ແລະ ການຄຸ້ມຄອງຂອງລັດຕໍ່ ສື່ ມວນຊົນໃນໄລຍະໃໝ່, ກໍເພື່ອ ແນ່ໃສ່ຄຸ້ມຄອງ, ນຳໃຊ້ ແລະ ພັດ ທະນາສື່ມວນຊົນໃຫ້ເຕີບໃຫຍ່ ເຂັ້ມແຂງຍິ່ງຂຶ້ນໃນຖານະເປັນ ເຄື່ອງມືທາງດ້ານການເມືອງ- ແນວຄິດຂອງບັນດາອົງການ ຈັດຕັ້ງໃນລະບົບການເມືອງ, ເຊິ່ງ ມີພັກເປັນແກນນຳໂດຍນຳໃຊ້ ພາຫະນະສື່ມວນຊົນທີ່ມີຢູ່ດຳ ເນີນການໂຄສະນາເຜີຍແຜ່ໃຫ້ ມີປະສິດທິຜົນ.

ຈາກຄວາມສຳຄັນດັ່ງກ່າວ ກອງປະຊຸມໃຫຍ່ຄັ້ງທີ X ຂອງ ພັກກໍໄດ້ລະບຸໄວ້ວ່າ: “ວຽກ ງານ ຖະແຫລງຂ່າວ, ສື່ມວນຊົນ” ຕ້ອງສຸມໃສ່ປະຕິບັດໜ້າທີ່ເປັນ ກະບອກສຽງໂຄສະນາເຜີຍ ແຜ່ແນວທາງນະໂຍບາຍມະຕິ, ຄຳສັ່ງຕ່າງໆ ຂອງພັກ, ລະ ບຽບ ກົດໝາຍຂອງລັດ, ເຮັດໃຫ້ປະ ຊາຊົນຮັບຮູ້ຂໍ້ມູນຂ່າວສານ, ສາ ລະຄວາມຮູ້ກ່ຽວກັບວິທະຍາ ສາດໃໝ່, ກ່ຽວກັບແບບແຜນ ດຳລົງຊີວິດທີ່ປອດໃສ ແລະ ກອງປະຊຸມຄົບຄະນະບໍລິຫານ ງານສູນກາງພັກຄັ້ງທີ 5 ສະໄໝ ທີ X ກໍ ໄດ້ມີທິດຊີ້ນຳໃຫ້ພວກ ເຮົາເອົາໃຈໃສ່ຕໍ່ການປັບປຸງ ການຈັດຕັ້ງ ແລະ ການເຄື່ອນ ໄຫວວຽກງານສື່ມວນຊົນທີ່ຂຶ້ນ ກັບອົງການຈັດຕັ້ງພັກ-ລັດຂອງ ພວກເຮົາໃຫ້ມີຄຸນນະພາບໃໝ່.
ເຊິ່ງເລີ່ມຈາກການສ້າງ ຄວາມຮັບຮູ້ ແລະ ຄວາມເປັນ ເອກະພາບຕໍ່ທັດສນະຂອງພັກ ໂດຍຜ່ານແນວທາງ ແລະ ມະຕິ ຂອງພັກທີ່ກຳນົດອອກໃນແຕ່ ລະໄລຍະໃຫ້ຈະແຈ້ງ ແລະ ເລິກ ເຊິ່ງ, ສາມາດກຳແໜ້ນ ແລະ ໄປ ຜັນຂະຫຍາຍໃຫ້ຖືກທິດ.

ດັ່ງນັ້ນພວກເຮົາຕ້ອງມີ ຄວາມເຂົາໃຈ ແລະ ເປັນເອກະ ພາບຕໍ່ທັດສະນະເພີ່ມທະວີການ ນຳມາຂອງພັກ ແລະ ຄຸ້ມຄອງ ຂອງລັດຕໍ່ສື່ມວນຊົນໃນໄລຍະ ໃໝ່ສ່ອດຄ່ອງກັບຍຸກສະໄໝ ແລະ ທ່າອ່ຽງລວມຂອງໂລກ./.

+ ຍຸກພັດທະນາສື່ມວນຊົນຕ້ອງພ້ອມກັນຫ້າວ2018/

+ ມວນຊົນຕ້ອງເຮັດພາລະບົດບາດເປັນກະບອກສຽງຂອງພັກ-ລັດຖະບານຢ່າງແທ້ຈິງ2018/