ບູຊາດ ຊະນະ ຊາຣາໂປວາ 2-1 ເຊັດ ຜ່ານເຂົ້າຮອບ 16 ຄົນສຸດທ້າຍເຕັນນິສ ມາດຣິດ ໂອເພນ

ການແຂ່ງຂັນເຕັນນິນ ດັບ ເບິລຢູທີເອທົວ ລາຍການ “ມູຕົວ ມາຣິດ ໂອເພນ” ທີ່ນະຄອນມາ ດຣິດ ປະເທດສະເປນ ໃນປະເພດ ຍິງດ່ຽວຮອບ 32 ຄົນສຸດທ້າຍ ຢູຈີນີ ບູຊາດ ສາວງາມຈາດ ແຄ ນາດາ ລົງສະໜາມພົບກັບ ມາ ເຣຍ ຊາຣາໂປວາ ອະດີດແຊ໊ມ ລາຍການນີ້ໃນປີ 2014 ຈາກ ຣັ້ດເຊຍ ຜົນປາກົດວ່າ ບູຊາດ ເປັນຝ່າpເອົາຊະນະໄປໄດ້ຢ່າງ ສຸດມັນ 2-1 ເຊັດ 7-5, 2-6, 6-4. ຜ່ານເຂົ້າໄປຫຼິ້ນໃນຮອບ 16 ຄົນສຸດທ້າຍໄດ້ສຳເລັດ.

ການພົບກັນຂອງຄູ່ນີ້ໄດ້ຮັບການຈັບຕາເປັນພິເສດ ຫຼັງຈາກ ບູຊາດ ເປີດປາກວິຈານ ຊາຣາ ໂປວາ ວ່າເປັນພວກຂີ້ໂກງ ແລະ ບໍ່ຄວນຈະໄດ້ຮັບໂອກາດກັບມາ ແຂ່ງຂັນເຕັນນິສອີກຄັ້ງ ຫຼັງຖືກ ລົງໂທດຍາວ 15 ເດືອນຈາກ ການໃຊ້ສານກະຕຸ້ນຕ້ອງຫ້າມ ໂດຍໃນຮອບຕໍ່ໄປ ບູຊາດ ຕ້ອງ ພົບກັບ ອັນເຈລິກ ແຄເບີ ມືວາງ ອັນດັບ 1 ຂອງລາຍການຈາກ ເຢຍລະມັນ ທີ່ເອົາຊະນະ ຄາເທຣິ ນາຊິເນຍ ໂຄວາ ຈາກ ສ.ເຊັກ ມາໄດ້ 2-1 ເຊັດ 6-2, 1-6, 7-5.

+ ສ່ວນຜົນແຂ່ງຂັນຄູ່ອື່ນໆ ມີດັ່ງນີ້:

– ອະນາສຕາເຊຍ ເຊວາສ ໂຕວາ 2-0 ເຊັດ ຄາໂຣລິນາ ພລິສໂຄວາ 6-3, 6-3.

– ຄຣິສຕິນາ ມະລາເດໂນ ວິດ 2-1 ເຊັດ ລໍເຣນ ເດວິສ 6-3, 1-6, 7-6.

– ສະເວດລານາ ຄຸດເນດໂຊ ວາ 2-1 ເຊັດ ອະລິສັນ ຣິສເກ 2-6, 7-6, 6-2.

– ລາຣາ ອາຣົວບາເຣນາ 2-1 ເຊັດ ບາໂບຣາ ສະຕຣາຍໂຄ ວາ 3-6, 6-3, 6-3.

– ຄາລາ ຊົວເຣດ ນາບາໂຣ 2-1 ເຊັດ ແຄໂຣໄລ ວອດນຽກກີ 6-4, 2-6, 6-2.