ການເຮັດບຸນສິນກິນທານ ແມ່ນການກຸສົນ

   ໂດຍ: ຊາຍພະເນຈອນ 

ການເຮັດບຸນໃນພຸດທະສາສະໜາແມ່ນມີຫຼາຍຮູບແບບ ແລະ ທຸກຄົນກໍອາດຈະເຂົ້າໃຈ ວ່າ, ການເຮັດບຸນຕ້ອງໄດ້ໄປ ເຮັດ ຢູ່ທີ່ວັດທຸກຄັ້ງຈຶ່ງໄດ້ບຸນກຸ ສົນ, ແຕ່ທີ່ຈິງແລ້ວ, ການເຮັດ ບຸນ, ເຊິ່ງນອກຈາກເຮັດ ຢູ່ວັດ ແລ້ວກໍສາມາດເຮັດຢູ່ນອກສະ ຖານທີ່ອື່ນໆໄດ້ເໝືອນກັນເຊັ່ນ: ການຊ່ວຍເຫຼືອສັງຄົມກໍຄືຊ່ວຍ ເຫຼືອຜູ້ຕົກທຸກໄດ້ຍາກ ແລະ ຜູ້ດອ້ຍໂອກາດ ກໍຈັດຢູ່ໃນການ ເຮັດບຸນໃຫ້ທານເຊັ່ນດຽວກັນ. ເໝືອນດັ່ງພວກເຮົາໄດ້ເສຍສະ ຫຼະ, ບໍລິຈາກວັດຖຸ, ປັດໄຈ, ເງິນ ຄໍາ, ເຂົ້າປາອາຫານ ແລະ ເສື້ອ ຜ້າອາພອນໃຫ້ກັບຜູ້ປະສົບ ໄພທໍາມະຊາດນໍ້າຖ້ວມ ຢູ່ເຂດ ແຂວງຕ່າງໆ, ເຊິ່ງຮ້າຍແຮງ ໄປກວ່າໝູ່ແມ່ນ ຢູ່ເມືອງ ສະ ໜາມໄຊ, ແຂວງອັດຕະປື, ເຊິ່ງທັງໝົດເຫຼົ່ານັ້ນ ກໍແມ່ນ ການສ້າງບຸນກຸສົນເພື່ອເພື່ອນ ມະນຸດດ້ວຍ ກັນໃນການແບ່ງ ເບົາ ຄວາມທຸກໂສກຕ່າງໆ ເມື່ອ ເຂົາເຈົ້າໄດ້ຮັບການຊ່ວຍ ເຫຼືອ ເບິ່ງແຍງດູແລທັງດ້ານ ສຸຂະພາບຈິດໃຈ , ຮ່າງກາຍ ແລະ ຊີວິດການເປັນຢູ່ຂອງ ຕົນນັບມື້ດີຂຶ້ນແລ້ວ ກໍຖືວ່າເຮົາ ໄດ້ສ້າງບຸນກຸສົນປາງໃຫຍ່ ແລະ ໄດ້ສະສົມບຸນໄວ້ໃຫ້ກັບ ມະນຸດດ້ວຍກັນແລ້ວ ເຮົາກໍຈະມີ ຄວາມສຸກໄປຕາມໆກັນ.

+ ການອະນຸລັກຮັກສາວັດທະນະທຳອັນດີງາມຂອງຊາດ ແມ່ນສິ່ງຈຳເປັນ ແລະ ປະບໍ່ໄດ້2018/

+ ເຂົ້າພັນສາຕັ້ງໃຈສ້າງຄວາມດີ2018/

ບຸນເປັນຄໍາເວົ້າມາຈາກພາ ສາບາລີຄື ປຸນນະ, ເຊິ່ງໝາຍ ເຖິງການກະທໍາຄຸນງາມຄວາມ ດີ, ເປັນເຄື່ອງຊໍາລະຈິດໃຈໃຫ້ ຜ່ອງໃສຂາວສະອາດ, ກໍາຈັດ ປັດເປົ່າສິ່ງເສົ້າໝອງທັງ ຫຼາຍອອກຈາກຮ່າງກາຍ ແລະ ຈິດໃຈເຊັ່ນ: ໂລພະ(ຄວາມ ໂລບ), ໂທສະ(ຄວາມໂກດ ແຄ້ນ), ໂມຫະ (ຄວາມຫຼົງໄຫຼ) ໃຫ້ໝົດໄປ. ຄໍາວ່າ ບຸນແມ່ນ ສິ່ງທີ່ເຮົາເບິ່ງດ້ວຍຕາເປົ່າ ບໍ່ເຫັນ, ແຕ່ຜູ້ຂຽນເຊື່ອວ່າ ຖ້າ ເຮົາໄດ້ເຮັດບຸນແລ້ວ ກໍຖືວ່າ ເຮົາໄດ້ສ້າງຄວາມ ດີໄວ້ໃຫ້ກັບ ສັງຄົມ ແລະ ປະເທດຊາດເຮົາ ກໍມີຄວາມພາກພູມໃຈ ແລະ ພາໃຫ້ຈິດໃຈສົດຊື່ນແຈ່ມໃສ ຂຶ້ນ, ແຕ່ກົງກັນຂ້າມ ກັບການ ສ້າງຄວາມຊົ່ວ ກໍຈະເຮັດໃຫ້ ຈິດໃຈເສົ້າໝອງ ແລະ ເປັນ ທຸກ ຍ້ອນກັງວົນຢ້ານຄົນອື່ນ ຮູ້ເຫັນ ແລະ ຖ້າເຮັດຜິດຕໍ່ລະ ບຽບກົດໝາຍບ້ານເມືອງ ກໍຍິ່ງຈະຖືກລົງໂທດ ແລະ ໄດ້ ຮັບກໍາຊົ່ວເຫັນກັບຕາໃນຊາດ ນີ້ ເພິ່ນເອີ້ນວ່າ: ບາບ.

ພະພຸດທະເຈົ້າໄດ້ແບ່ງ ອົງປະກອບຂອງການເຮັດ ບຸນໃຫ້ທານອອກເປັນສາມ ຢ່າງຕາມທີ່ຊາວພຸດເຮົາເຄີຍ ເຮັດມາຄື: ບຸນກິລິຍາວັດຖຸ ສາມໝາຍເຖິງທີ່ຕັ້ງຫຼືຫຼັກ ຄຸນນະທໍາສາມຢ່າງຂອງການ ສ້າງຄວາມດີເຊັ່ນ:

1).ທານະໄມ ໝາຍເຖິງ ເຮັດບຸນດ້ວຍການບໍລິຈາກ ທານ, ເປັນການແບ່ງວັດຖຸ ສິ່ງ ຂອງຕ່າງໆທີ່ຕົນມີໃຫ້ ແກ່ຄົນອື່ນດ້ວຍຄວາມຍິນດີ ແລະ ເຕັມໃຈບໍລິຈາກກໍຄືການ ເສຍສະຫຼະ.
2).ສິລະໄມ ໝາຍເຖິງ ການເຮັດບຸນດ້ວຍການຮັກສາ ສິນ, ເປັນການສັງລວມກາຍ ແລະ ວາຈາໃຫ້ຢູ່ໃນຄວາມ ຮຽບຮ້ອຍດ້ວຍຄວາມອ່ອນ ນ້ອມທ່ອມຕົນ ແລະ ວາຈາສຸ ພາບອອ່ນໂຍນ.

3).ພາວະນາໄມ ໝາຍ ເຖິງການເຮັດບຸນດ້ວຍການຈະ ເລີນເມດຕາພາວະນາ, ເປັນ ການ ນັ່ງສະມະທິຝຶກຈິດໃຈ ໃຫ້ ຢູ່ໃນຄວາມສະຫງົບ ເຊິ່ງພາ ໃຫ້ເກີດປັນຍາ ແລະ ພາໃຫ້ຈິດ ໃຈປາສະຈາກກິເລດທັງປວງ.

ເມື່ອເວົ້າເຖິງການ ເຮັດບຸນ, ເຊິ່ງນອກຈາກອີງໃສ່ອົງປະ ກອບສາມຢ່າງທີ່ກ່າວມານັ້ນ ແລ້ວ, ເພື່ອເຮັດໃຫ້ການເຮັດບຸນ ສິນກິນທານຂອງຊາວພຸດເຮົາ ໄດ້ອານິສົງຫຼາຍ ຈະຕ້ອງໄດ້ ອີງໃສ່ຫຼັກຄວາມເປັນຈິງອີກ ສາມຢ່າງຄື:
1).ກາລະ ໝາຍເຖິງການ ເຮັດບຸນສິນກິນທານໃຫ້ຖືກ ກັບເວລາ.
2).ເທສະ ໝາຍເຖິງການ ເຮັດບຸນສິນກິນທານໃຫ້ຖືກ ກັບສະຖານທີ່.
3).ບຸກຄົນ ໝາຍເຖິງການ ເຮັດ ບຸນສິນກິນທານໃຫ້ຖືກກັບ ບຸກຄົນທີ່ສົມຄວນຈະຮັບ.
ດັ່ງນັ້ນ, ການເຮັດບຸນສິນ ກິນທານເປັນສິ່ງສໍາຄັນທີ່ສຸດ ແລະ ຄວນໄດ້ເອົາໃຈໃສ່ໃນ ການຄໍານຶງເຖິງກາລະເວລາ, ສະຖານທີ່ ແລະ ບຸກຄົນທີ່ຈະ ຮັບ ເອົາຂອງທານທັງຫຼາຍ, ເພາະຕາມທີ່ເຄີຍເຫັນຜ່ານມາ ໃນການເຮັດບຸນ ສ່ວນຫຼວງ ຫຼາຍ ຊາວພຸດເຮົາມັກຈະເລືອກ ໄປເຮັດບຸນໃຫ້ທານຢູ່ວັດ ໃຫຍ່ໆທີ່ມີຊື່ສຽງ ແລະ ກົງ ກັນຂ້າມກັບວັດທີ່ຢູ່ບ່ອນ ເຂດນອກຊານເມືອງ ແລະ ບ່ອນ ຫ່າງໃກສອກຫຼີກເກືອບບໍ່ຢາກ ມີສັດທາໄປຄໍ້າຊູ ຈຶ່ງເຮັດໃຫ້ ວັດບາງແຫ່ງກາຍເປັນວັດ ຮ້າງ ແລະ ຊຸດໂຊມຍ້ອນຂາດ ການບູລະນະສ້າງສາ ແລະ ພັດທະນາ./.