ເວນເກີ ກ່າວວ່າບໍ່ໄດ້ລາວົງການບານເຕະ
September 27, 2018 - 4:35 PM
ອາແຊນ ເວນເກີ ອະດີດຍອດຜູ້ຈັດການທີມ ອາເຊນອລ ປະກາດ ຍັງບໍ່ໄດ້ບອກລາແວດວົງບານເຕະ ແຕ່ບໍ່ແນ່ນອນວ່າຈະກັບໄປເປັນຜູ້ຈັດການທີມ ຫລື ບໍ່.
ອາແຊນ ເວນເກີ ຕຳນານຜູ້ຈັດການທີມ ອາເຊນອລ ຍອດສະໂມສອນແຫ່ງ ພຣີເມຍລີກ ອັງກິດ ເປີດເຜີຍວ່າ: ຕົນຍັງບໍ່ໄດ້ຕັດສິນໃຈບອກລາວົງການບານເຕະແບບຖາວອນແຕ່ຢ່າງໃດ.
ເວນເກີ ແຍກທາງກັບ ອາເຊນອລ ຫລັງຈົບລະດູການ 2017-18 ພາຍຫລັງຢູ່ກັບທີມເປັນເວລາເຖິງ 22 ປີ ໂດຍກ່ອນໜ້ານີ້ມີຂ່າວວ່າ ລາວຈະໄປຮັບວຽກຜູ້ອຳນວຍການກິລາໃຫ້ ປາຣີສ ແຊງແຊກແມງ ແຕ່ຈົນຮອດປັດຈຸບັນລາວຍັງຫວ່າງວຽກຢູ່.
