ສະຫະລັດອາເມລິກາ ແລະ ສປປ ລາວ ດຳເນີນກອງປະຊຸມປຶກສາຫາລືວຽກງານປ້ອງກັນຊາດສອງຝ່າຍຄັ້ງທີ 13

ໃນວັນທີ 18 ກັນຍານີ້, ເຈົ້າໜ້າທີ່ອາວຸໂສກອງທັບສະຫະລັດອາເມລິກາທີ່ຮາວາຍ ໄດ້ເປັນເຈົ້າພາບຕ້ອນຮັບຄະນະຜູ້ແທນຈາກກະຊວງປ້ອງກັນປະເທດທີ່ ແອດ ແຄ້ມ ສະມິດ (at Camp Smith) ເພື່ອພົບປະປຶກສາຫາລືວຽກງານປ້ອງກັນຊາດສອງຝ່າຍປະຈຳປີຄັ້ງທີ 13 ເພື່ອແນໃສ່ເສີມຂະຫຍາຍການພົວພັນຮ່ວມມືສອງຝ່າຍ ແລະ ການເສີມຂະຫຍາຍການຮ່ວມມືໃນພາກປະຕິບັດຕົວຈິງໃນຫລາຍຂົງເຂດວຽກງານ.

ກອງປະຊຸມໄດ້ດຳເນີນໄປພາຍໃຕ້ການເປັນປະທານຂອງທ່ານພົນຕີ ຊູຊານ ວາເຣສ-ລູມ ຫົວໜ້າກົມນະໂຍບາຍ ແລະ ວາງແຜນຍຸດທະສາດ, ສູນບັນຊາການກອງທັບສະຫະລັດອາເມລິກາປະຈຳພາກພື້ນອິນໂດ-ປາຊີຟິກ ແລະ ທ່ານພົນຈັດຕະວາ ແກ່ນຈັນ ນັນທະລັງສິ ຫົວໜ້າກົມພົວພັນຕ່າງປະເທດ, ກະຊວງປ້ອງກັນປະເທດ, ມີທ່ານເອກອັກຄະລັດຖະທູດສະຫະລັດອາເມລິກາປະຈຳລາວ ທ່ານນາງ ຣີນາ ບິດເຕີ ເຂົ້າຮ່ວມນໍາດ້ວຍ.

ໃນໂອກາດພົບປະທ່ານພົນຈັດຕະວາ ແກ່ນຈັນ ນັນທະລັງສິ ໃນປີ 2016 ໃນໄລຍະທີ່ ສປປ ລາວ ຮັບໜ້າທີ່ເປັນປະທານອາຊຽນ. ທ່ານພົນຕີໄດ້ສັງເກດເຫັນເຖິງຄວາມຄືບໜ້າອັນໃຫຍ່ຫລວງໃນສາຍພົວພັນຮ່ວມມື ແລະ ຮັບຮູ້ເຖິງຄວາມສຳຄັນຂອງການສືບຕໍ່ກອງປະຊຸມ BDD ໃນວຽກງານປ້ອງກັນຊາດ.