ໄດ້ແລ້ວ 4 ທີມສຸດທ້າຍບານເຕະສາຍ ກ

ການແຂ່ງຂັນບານ​ເຕະ ສາຍ ກ ຫລື ດີວີຊັນ 1 ໄດ້ດໍາເນີນມາຮອດຮອບ 4 ທີມສຸດທ້າຍ ພາຍຫລັງເລີ່ມການແຂ່ງຂັນແຕ່ທ້າຍເດືອນສິງຫາເປັນຕົ້ນມາ.

ການແຂ່ງຂັນບານເຕະ ສາຍ ກໍ Division 1 ປະຈໍາປີ 2018 ມີທີມເຂົ້າຮ່ວມແຂ່ງຂັນທັງໝົດ 11 ທີມ ແບ່ງອອກເປັນ 2 ກຸ່ມຄື: ກຸ່ມເອ ປະກອບມີ: ດີເຄ ເອັຟຊີ, ທຣີນີຕີ ເອັຟຊີ, ເອັສທີທີ ເອັຟຊີ , ເຄພີເອັສ ເອັຟຊີ, ອີໂວ ຢູໄນເຕັດ ແລະ ປກສ ເອັຟຊີ. ສ່ວນກຸ່ມບີ ປະກອບມີ: ໂຮງຮຽນ ບຸນເກີດສຶກສາ ເອັຟຊີ, ວິທະຍາໄລ ລາວ-ທ໋ອບ ເອັຟຊີ, ວຽງຈັນ ຢູໄນເຕັດ, ແບລາວ ເອັຟຊີ ແລະ ກອງທັບ ເອັຟຊີ.

ສໍາລັບ 4 ທີມສຸດທ້າຍຜ່ານເຂົ້າຮອບປະກອບມີ: ກຸ່ມເອ: ປກສ ເອັຟຊີ, ອີໂວ ຢູໄນເຕັດ; ສ່ວນກຸ່ມບີ ປະກອບມີ: ວຽງຈັນ ຢູໄນເຕັດ, ກອງທັບ ເອັຟຊີ. ຂະນະການແຂ່ງຂັນໃນຮອບ 4 ທີມຈະເລີ່ມຂຶ້ນໃນວັນທີ 29 ກັນຍາທີ່ຈະມາເຖິງນີ້.