ຊິດນີເລີ່ມໂຄງການກໍ່ສ້າງ ສະໜາມບິນແຫ່ງໃໝ່
ນັກທ່ອງທ່ຽວທີ່ຕ້ອງການເດີນທາງມານະຄອນຊິດນີຈະມີທາງເລືອກຫລາຍຂຶ້ນໃນການມາເມືອງໃຫຍ່ທີ່ສຸດຂອງອົດສະຕຣາລີແຫ່ງນີ້ ຈາກໂຄງການກໍ່ສ້າງສະໜາມບິນໃໝ່ ມູນຄ່າ 3.600 ລ້ານໂດລາສະຫະລັດ.
ນາຍົກລັດຖະມົນຕີ ສະກ໊ອດ ມໍຣິສັນ ກ່າວໃນໂອກາດເປີດໂຄງການສະໜາມບິນເວສເທິນຊິດນີ້ ຫລັງແຜນການຊັກຊ້າມາດົນ ແລະ ມີກຳນົດໃຫ້ບໍລິການໄດ້ໃນປີ 2026 ຕາມແຜນຮອງຮັບຜູ້ໂດຍສານເຮືອບິນທີ່ມີຈຳນວນຫລາຍຂຶ້ນ. ຈາກສະຖິຕິຄາດວ່າຈຳນວນຜູ້ໂດຍສານເຮືອບິນທົ່ວໂລກຈະເພີ່ມເກືອບສອງເທົ່າເປັນ 7.800 ລ້ານຄົນພາຍໃນປີ 2036. ຂະນະທີ່ຊິດນີຄາດວ່າຈະມີຜູ້ໂດຍສານເພີ່ມຂຶ້ນສອງເທົ່າໃນອີກ 2 ທົດສະວັດໜ້າ ໂດຍສະເພາະສາຍການບິນລາຄາປະຢັດຈະຂະຫຍາຍຕົວຫລາຍຂຶ້ນຈາກການຫລຸດລາຄາຄ່າໂດຍສານເສັ້ນທາງບິນໄກ ແລະ ແຜນໂຄສະນາຕ່າງໆ. ໃນການບໍລິການໄລຍະທຳອິດຄາດວ່າສະໜາມບິນເວສເທິນຊິດນີຈະສາມາດຮອງຮັບຜູ້ໂດຍສານໄດ້ປີລະ 10 ລ້ານຄົນ ຄິດເປັນໜຶ່ງໃນສີ່ຂອງຕົວເລກຜູ້ໂດຍສານປັດຈຸບັນ.
