ຄວາມສະຫລາດຂອງລູກໄດ້ມາຈາກແມ່ຫລາຍກວ່າພໍ່

ຜົນການວິໄຈດ້ານວິທະຍາສາດໄດ້ເຜີຍອອກມາວ່າ : ຄວາມສະຫລາດຂອງລູກນັ້ນໄດ້ມາຈາກການຖ່າຍທອດທາງກຳມະພັນທີ່ມາຈາກແມ່ ເພາະວ່າແມ່ຍິງມີທ່າອ່ຽງທີ່ຈະຖ່າຍທອດຈຸລັງອັດສະລິຍະໃຫ້ກັບລູກໄດ້ ເນື່ອງຈາກມີໂກຣໂມໂຊມ X  ເຖິງ 2 ອັນ. ໃນຂະນະທີ່ຜູ້ຊາຍມີພຽງອັນດຽວເທົ່ານັ້ນ (ຈຸລັງທີ່ມີຜົນຕໍ່ຄວາມສະຫລາດຂອງມະນຸດຈະໂຮມກັນຢູ່ໃນໂກຣໂມໂຊມ X).

ນອກຈາກນີ້, ນັກວິທະຍາສາດຍັງເຊື່ອວ່າ ກຳມະພັນຂອງແມ່ນັ້ນເປັນໂຕກຳນົດຄວາມສະຫລາດ ແລະ ອາດສະຫລຸບໄດ້ວ່າ ລະດັບສະຕິປັນຍາຄວາມສະຫລາດຂອງລູກນັ້ນມາຈາກທາງແມ່ຫລາຍກ່ວາທາງພໍ່ນຳອີກ.

ແລະ ການສຶກສານີ້ກໍຍັງໄດ້ທົດລອງກັບໜູນຳອີກ ເຊິ່ງການສຶກສາກ່ຽວກັບຈຸລັງສະຕິປັນຍາຂອງໜູທົດລອງ ໄດ້ພົບວ່າ : ໜູທ່ີມີຈຸລັງສືບທອດຈາກແມ່ຫລາຍ ຈະມີຂະໜາດສະໝອງທີ່ໃຫຍ່, ແຕ່ເລົາຄີງຈະນ້ອຍກ່ວາ. ກົງກັນຂ້າມກັບໜູທີ່ມີຈຸລັງຈາກພໍ່ຫລາຍ  ເຊິ່ງຈະມີຂະໜາດສະໝອງທີ່ນ້ອຍ,  ແຕ່ມີເລົາຄີງໃຫຍ່ກ່ວາ.

ໂດຍຈຸລັງຄວາມສະຫລາດທີ່ສືບທອດຈາກແມ່ສູ່ລູກຈະພົບໄດ້ຫລາຍໃນບໍລິເວນເປືອກສະໝອງເຊິ່ງເປັນພາກສ່ວນທີ່ຄອຍສັ່ງ ການໃຊ້ຄວາມຄິດດ້ານສະຕິປັນຍາ, ດ້ານການຄິດຄຳນວນ, ດ້ານການວິເຄາະ ຫລື ປະມວນຜົນຕ່າງໆ ເມື່ອປຽບທຽບກັບຈຸລັງທີ່ ສືບທອດມາຈາກພໍ່ແລ້ວ ນັກວິທະຍາສາດພົບວ່າ ແຊນທີ່ມີຈຸລັງຂອງພໍ່ໃນບໍລິເວນລະບົບລິມບິກ ຈະເປັນພາກສ່ວນທີ່ເຮັດວຽກ ກ່ຽວກັບກົນໄກການສືບພັນ, ອາຫານ ແລະ ຄວາມຄຽດຊັງ ເຊິ່ງແຊນຂອງພໍ່ແມ່ທີ່ສົ່ງຕໍ່ລູກນັ້ນບໍ່ໄດ້ສົ່ງຜົນພຽງແຕ່ດ້ານສະຕິປັນ ຍາ, ແຕ່ວ່າຈະສົ່ງຜົນທາງດ້ານນິໄສໃຈຄໍ, ການກິນ ໄປຈົນເຖິງຄວາມຈື່ຈຳນຳອີກ.

ແຕ່ກຳມະພັນບໍ່ແມ່ນໂຕກຳນົດດ້ານສະຕິປັນຍາພຽງຢ່າງດຽວ ເພາະທັງນີ້ຍັງຂຶ້ນຢູ່ກັບສະພາບແວດລ້ອມການລ້ຽງດູນຳ ເພາະຄວາມຜູກພັນລະຫ່ວາງແມ່ກັບລູກກໍເປັນສິ່ງທີ່ສຳຄັນຕໍ່ພັດທະນາການຂອງສະໝອງເດັກນ້ອຍບາງພາກສ່ວນ ແລະ ພັດທະນາລະດັບສະຕິປັນຍາຂອງລູກໄດ້ຫລາຍຍິ່ງຂຶ້ນນັ້ນເອງ.