ສະຖານທູດ ສ ເກົາຫລີ ຄັດເລືອກການແຂ່ງຂັນເຮັດອາຫານເກົາຫລີ ຄັ້ງທີ 2
ໃນວັນທີ 20 ກັນຍານີ້, ທີ່ ສະຖາບັນພັດທະນາສີມືແຮງ ງານ ລາວ-ເກົາຫລີ, ສະຖານ ເອກອັກຄະລັດຖະທູດ ສ.ເກົາຫລີ ປະຈຳ ສປປ ລາວ ຮ່ວມກັບອົງ ການ ໂກຕຼາ (KOTRA) ໄດ້ ຈັດງານຄັດເລືອກການແຂ່ງຂັນ ປຸງແຕ່ງອາຫານເກົາຫລີ.
ເພື່ອສົ່ງເສີມດ້ານອາຫານ ເກົາຫລີ ໂດຍມີເປົ້າໝາຍເພື່ອ ປັບປຸງຄຸນະພາບຊີວິດການ ເປັນຢູ່ຂອງປະຊາຊົນໃຫ້ດີຂຶ້ນ ແລະ ພັດທະນາເສດຖະກິດ ຂອງປະເທດ, ເສີມສ້າງຂີດ ຄວາມສາມາດ ໃນການແຂ່ງ ຂັນທາງດ້ານການປຸງແຕງ ອາຫານ ແລະ ອຸດສາຫະກຳ ອາຫານເກົາຫລີ.
+ ດີໃຈລາວເຮົາເລີ່ມໃສ່ໃຈເລື່ອງອາຫານປອດໄພ2018/
+ ວິທີເກັບຮັກສາອາຫານເພື່ອການອຸ່ນຊຳ້ທີ່ຖືກຕ້ອງ2018/
ຫົວໜ້າສະຖາບັນສີມື ແຮງງານດັ່ງກ່າວໃຫ້ຮູ້ວ່າ: ການ ແຂ່ງຂັນເຮັດອາຫານເກົາ ຫລີ ປີນີ້ສືບຕໍ່ເປັນປີທີ 2, ເຊິ່ງ ໃນປີ 2017 ຜ່ານມາ ມີຊ່າງປຸງ ແຕງອາຫານເຂົ້າຮ່ວມແຂ່ງຂັນ ທັງໝົດ 30 ຄົນ, ໂດຍໄດ້ຮັບ ການສະໜັບສະໜູນທຶນຈາກ ສະຖານທູດ ສ. ເກົາຫລີ ແລະ ອົງການກອຍກາປາຈຳ ລາວ ແລະ ປີນີ້ມີນັກ ແຂ່ງຂັນ ທັງ ໝົດ 24 ຄົນ ແບ່ງເປັນ 12 ທີມ, ເຊິ່ງເປັນອີກງານໜຶ່ງທີ່ມີ ຄວາມໝາຍສຳຄັນ, ເປັນ ການ ແຂ່ງຂັນສີມືແຮງງານທີ່ເປັນ ອົງປະກອບຂອງການພັດທະ ນາສີມືແຮງງານມີຄຸນນະພາບ, ພວກເຮົາຕ້ອງໄດ້ມີການຝຶກ ແລະ ແຂ່ງຂັນເພື່ອຄັດເລືອກ ເອົາທີມທີ່ມີສີມືດີເດັ່ນເຂົ້າ ແຂ່ງຂັນຮອບຊິງຊະນະເລີດ ເຊິ່ງຈະຈັດຂຶ້ນທີ່ສູນການຄ້າ ວຽງຈັນເຊັນເຕີໃນຕົ້ນເດືອນ ໜ້ານີ້.
ສຳລັບລາງວັນຊະນະເລີດ ຈະໄດ້ຮັບເງິນສົດ 600 ໂດລາ, ຮອງຊະນະເລີດ 300 ໂດລາ ແລະ ລາງວັນທີ 3 ແມ່ນ 100 ໂດລາ. ນອກຈາກນີ້, ທາງ ສະຖານທູດ ສ.ເກົາຫລີ ຈະໄດ້ ຈັດງານເທດສະການຊິມອາ ຫານເກົາຫລີ ລະຫວ່າງວັນທີ 5-7 ຕຸລາ 2018 ຈະມາເຖິງນີ້. ໃນໂອກາດດຽວກັນ, ສະຖານ ທູດ ສ.ເກົາຫລີ ປະຈຳ ສປປ ລາວຍັງໄດ້ມອບເງິນ ເພື່ອສະ ໜັບສະໜູນໃຫ້ແກ່ທາງສະ ຖາບັນ ພັດທະນາສີມືແຮງງານ ລາວ-ເກົາຫລີ ມູນຄ່າ 700 ໂດລາ, ເພື່ອເປັນການຊ່ວຍເຂົ້າ ໃນຂະແໜງປຸງແຕ່ງອາຫານ ອີກດ້ວຍ./.
