ລ໋ອບສະເຕດ້ຽມ ກຽມຈັດການແຂ່ງຂັນ ບານເຕະ 4 ເສົ້າຂຶ້ນທ້າຍເດືອນນີ້
ອາຄາເດມີ ລ໋ອບສະເຕດ້ຽມ ກຽມຈັດການແຂ່ງຂັນບານເຕະ 4 ເສົ້າຂຶ້ນໃນທ້າຍເດືອນກັນຍານີ້ ເພື່ອສ້າງຄວາມສາມັກຄີນັກກິລາພາຍໃນ ແລະ ເພີ່ມທັກສະການຫລິ້ນບານໃຫ້ນັບມື້ນັບດີຂຶ້ນເລື້ອຍໆ.
ທ່ານ ອາລ໋ອບ ມະນີບົດ ປະເທດອາຄາເດມີ ລ໋ອບສະເຕດ້ຽມ ໃຫ້ສໍາພາດວ່າ: ກິດຈະກໍາຄັ້ງນີ້ ພວກເຮົາຈະໄດ້ຈັດຂຶ້ນໃນວັນທີ 30 ກັນຍາ ເຊິ່ງຈະເອົານັກກິລາພາຍໃນອາຄາເດມີ ລ໋ອບສະເຕດ້ຽມ ໂດຍຈະແບ່ງອອກເປັນ 4 ກຸ່ມ ເຊິ່ງແຕ່ລະກຸ່ມນັ້ນປະກອບມີ 8 ຄົນ ໂດຍການແຂ່ງຂັນແຕ່ລະທີມແມ່ນຈະໄດ້ພົບກັນໝົດ ເພື່ອຊອກຫາກຸ່ມທີ່ມີຄະແນນຫລາຍທີ່ສຸດເປັນກຸ່ມຊະນະເລີດ. ກິດຈະກໍາດັ່ງກ່າວນີ້ ຈັດຂຶ້ນເພື່ອເສີມສ້າງທັກສະໃຫ້ແກ່ນັກກິລາພາຍໃນອາຄາເດມີຂອງພວກເຮົາກ້າວເປັນນັກເຕະອາຊີບ, ຮູ້ຈັກແພ້, ຮູ້ຈັກຊະນະ.
ສໍາລັບລາງວັນໃນຄັ້ງນີ້ອັນດັບທີ 1 ຈະໄດ້ຮັບຂັນລາງວັນ ພ້ອມອຸປະກອນການຮຽນ, ອັນດັບທີ 2 , ອັນດັບທີ 3 ແລະ ອັນດັບທີ 4 ຈະໄດ້ຮັບອຸປະກອນການຮຽນ.
