ນະຄອນຫຼວງເລັ່ງປະຕິບັດນະໂຍບາຍອຸດໜູນເກີດລູກ ແລະ ປິ່ນປົວເດັກອາຍຸລຸ່ມ 5 ປີໂດຍບໍ່ເສຍຄ່າ

ກອງປະຊຸມປຶກສາຫາລືຊີ້ແຈ້ງການຈັດຕັ້ງປະຕິບັດນະໂຍບາຍອຸດໜູນເກີດລູກ ແລະ ປິ່ນປົວເດັກອາຍຸລຸ່ມ 5 ປີໂດຍບໍ່ເສຍຄ່າໄດ້ມີຂຶ້ນໃນວັນທີ 9 ມີນານີ້, ທີ່ອົງການປົກຄອງນະຄອນຫຼວງວຽງຈັນ, ໂດຍພະແນກສາທາລະນະສຸກນະຄອນຫຼວງວຽງຈັນຮ່ວມກັບສູນແມ່ ແລະ ເດັກ ແລະ ຂະແໜງການກ່ຽວຂ້ອງເປັນຜູ້ຈັດຂຶ້ນ, ມີຫົວໜ້າພະແນກສາທາລະນະສຸກນະຄອນຫຼວງວຽງຈັນ, ຜູ້າງໜ້າສູນແມ່ນ ແລະ ເດັກ, ຫ້ອງການສາທາລະນະສຸກເມືອງ,ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນຈຳນວນຫຼາຍ.

ທ່ານ ຫົວໜ້າພະແນກສາທາລະສະສຸກນະຄອນຫຼວງກ່າວວ່າ: ກອງປະຊຸມຄັ້ງນີ້ຈັດຂຶ້ນເພື່ອໃຫ້ພະນັກງານແພດໝໍແຕ່ລະຂັ້ນເຂົ້າໃຈ ແລະ ກຳໄດ້ການຄຸ້ມຄອງຈັດຕັ້ງປະຕິບັດນະໂຍບາຍອຸດໜູນເກີດລູກ ແລະ ປິ່ນປົວເດັກອາຍຸລຸ່ມ 5 ປີໂດຍບໍ່ເສຍຄ່າເພື່ອຫັນເປັນອັນສະອຽດ, ໃຫ້ທຸກພາກສ່ວນກ່ຽວຂ້ອງກຳໄດ້ການຂຶ້ນແຜນ, ການຄຸ້ມຄອງລະບົບການເງິນ, ການເຄື່ອນໄຫວວຽກງານການຈັດຕັ້ງປຕິບັດນະໂຍບາຍດັ່ງກ່າວ, ທັງເປັນຖ່ານຂໍ້ມູນໃຫ້ແກ່ຖ່ານປັບປຸງຄູ່ມືໃຫ້ສອດຄອງກັບວະພາຕົວຈິງໃນຕໍ່ໜ້າ, ເຮັດໃຫ້ແມ່ຍິງຖືພາ ແລະ ເດັກອາຍຸລຸ່ມ 5 ປີ, ໃນຂອບເຂດທົ່ວປະເທດກໍຄືໃນນະຄອນຫຼວງວຽງຈັນທີ່ມາເກີດລູກ ແລະ ປິ່ນປົວຢູ່ສຸກສາລາ, ໂຮງໝໍເມືອງ, ໂຮງໝໍແຂວງ ແລະ ໂຮງໝໍສູນກາງໄດ້ຮັບການຍົກເວັ້ນທຸກຄ່າໃຊ້ຈ່າຍທີ່ພົວພັນກັບການເກີດລູກ ແລະ ການປິ່ນປົວ, ໂດຍເລັ່ງໃສ່ແມ່ຍິງຖືພາ, ເກີດລູກ, ຫລັງເກີດລູກ ແລະ ເດັກນ້ອຍລຸ່ມ 5 ປີ ໃນຂອບເຂດທົ່ວປະເທດ (ຍົກເວັ້ນສະມາຊິກທີ່ເຂົ້າຄັງປະກັນສຸຂະພາບໂດຍກົງ).