ດິນຖະຫລົ່ມຟີລິບປິນອີກ ມີຜູ້ເສຍຊີວິດ ແລະ ເຮືອນເປ່ເພສິບຫລັງ
ໜ່ວຍກູ້ໄພເລັ່ງຄົ້ນຫາຕາມກອງດິນຖົ່ມເຮືອນຫລາຍກວ່າ 10 ຫລັງ ແລະ ມີຜູ້ເສຍຊີວິດ 2 ຄົນ ທາງພາກກາງຂອງຟີລິບປິນ ໃນວັນທີ 20 ກັນຍານີ້, ຂະນະທີ່ຝົນມໍລະສຸມຍິ່ງຊ້ຳຕື່ມໄພພິບັດໃນພື້ນທີ່ປະສົບໄພໄຕ້ຝຸ່ນ.
ໂສກນາດຕະກຳຄັ້ງຫລ້າສຸດມີຂຶ້ນພາຍຫລັງກ່ອນໜ້ານີ້ໄຕ້ຝຸ່ນມັງຄຸດ ເຊິ່ງຖືວ່າເປັນພາຍຸກຳລັງແຮງທີ່ສຸດແຫ່ງປີ 2018 ພັດຖະຫລົ່ມພື້ນທີ່ທາງພາກເໜືອ ແລະ ເຮັດໃຫ້ດິນເຈື່ອນ ມີຜູ້ເສຍຊີວິດຫລາຍສິບຄົນ. ໜ່ວຍສຸກເສີນເຂົ້າຊ່ວຍເຫລືອພື້ນທີ່ປະສົບໄພພິບັດຄັ້ງໃໝ່ຢູ່ເກາະເຊບູແຫລ່ງທ່ອງທ່ຽວຂອງຟີລິບປິນ, ພາຍຫລັງຝົນມໍລະສຸມຕົກຕໍ່ເນື່ອງມາຫລາຍວັນ ເຮັດໃຫ້ໜ້າດິນອ່ອນ ແລະ ພັງທະລາຍລົງມາ. ໂຄສົກສຳນັກງານປ້ອງກັນໄພພົນລະເຮືອນຖະແຫລງວ່າ: ພົບແລ້ວ 3 ສົບ, ສ່ວນຄົນອື່ນໆໄດ້ຮັບບາດເຈັບເລັກໜ້ອຍ ແລະ ນຳສົ່ງໂຮງໝໍ. ຂະນະທີ່ພາລະກິດກູ້ໄພຍັງເດີນໜ້າຕໍ່ໄປໃນພື້ນທີ່ດິນເຈື່ອນ.
