ເມສເຕຣ ເຜີຍ ເມສຊີ ໃກ້ບັນລຸຂໍ້ຕົກລົງສັນຍາໃໝ່ແລ້ວ

ມໍດີ ເມສເຕຣ ຮອງປະທານ ສະໂມສອນ ບາເຊໂລນາ ຢືນຢັນ ວ່າ ລິໂອເລ ເມສຊີ  ໃກ້ບັນລຸຂໍ້ ຕົກລົງສັນຍາສະບັບໃໝ່ກັບຕົ້ນ ສັງກັດໃນໄວໆນີ້ ເຊິ່ງຄາດວ່າໜ້າ ຈະຫາຂໍ້ຢຸດຕິໄດ້ພາຍໃນທ້າຍ ເດືອນນີ້.

ສຳລັບ ເມສຊີ ເຫຼືອສັນຍາ ກັບຕົ້ນສັງກັດພຽງເຖິງປີ 2018 ເທົ່ານັ້ນ ແລະ ກ່ອນໜ້ານີ້ມີຂ່າວ ວ່າ ເມສຊີ ປະຕິເສດຂໍ້ສະເໜີ ແລະ ພ້ອມໂບກມືລາຖິ່ນຄຳນູ.

ແນວໃດກໍຕາມ ຫຼ້າສຸດຜູ້ບໍລິ ຫານລະດັບສູງຂອງ ບາເຊໂລນາ ໄດ້ອອກມາໃຫ້ຂ່າວດ້ວຍໂຕເອງ ດ້ວຍການຢືນຢັນວ່າການເຈລະ ຈາກັບ ເມສຊີ ເປັນໄປໄດ້ດ້ວຍດີ ແລະ ຄາດວ່າໜ້າຈະປິດການເຈ ລະຈາບໍ່ເກີນທ້າຍເດືອນນີ້.

“ຄວາມຈິງກໍຄືທຸກຢ່າງ ເປັນໄດ້ດ້ວຍດີ ການຂະຫຍາຍ ສັນຍາກັບ ເມສຊີ ຍັງຄົງດຳເນີນ ຕໍ່ໄປ ຂ້ອຍບໍ່ສາມາດລະບຸວັນທີ ແນ່ນອນໄດ້ ແລະ ຄິດວ່າໜ້າຈະ ອີກບໍ່ດົນ” ເມສເຕຣ ກ່າວ.