ລາວກຽມເປັນເຈົ້າພາບຈັດການ ແຂ່ງຂັນຍິງປືນລະດັບສາກົນ

ສະຫະພັນກິລາຍິງປືນສັ້ນສາກົນ ຫລື International Practical Shooting Confederation (IPSC) ມອບໝາຍໃຫ້ສະຫະພັນກິລາຍິງປືນແຫ່ງຊາດລາວ ເປັນເຈົ້າພາບຈັດການແຂ່ງຂັນຍິງປືນສັ້ນ IPSC ລະດັບສາກົນ ລາຍການ Far East Asian Handgun Championship 2021 ລະດັບ 4 (Level 4) ​ເຊິ່ງເປັນຄັ້ງທຳອິດຄັ້ງປະຫວັດສາດທີ່ ສປປ ລາວ ໄດ້ຮັບກຽດເປັນເຈົ້າພາບງານໃຫຍ່ລະດັບນີ້.

ສ່ວນການແຂ່ງຂັນໃນປີ 2018 ປະເທດໄທເປັນເຈົ້າພາບ ໃນວັນທີ 16-22 ກັນຍາ 2018 ໂດຍໄດ້ໄຂຂຶ້ນເປັນທາງການໃນວັນ​ທີ 16 ກັນຍານີ້ ທີ່ສະໜາມຍິງປືນ THPSA Shooting Range ເມືອງພັດທະຍາ ແຂວງຊົນບູຣີປະເທດໄທ ໂດຍມີນັກກີລາຫລາຍຮ້ອຍຄົນຈາກ 30 ກວ່າປະເທດເຂົ້າຮ່ວມ. ສຳລັບ ສປປ ລາວ ສົ່ງນັກກິລາເຂົ້າຮ່ວມ 6 ຄົນ.