ເອັຟໄອຊີຈີ ລົງໂທດສັ່ງຫ້າມ ຄອສຕາ 4 ນັດ
September 19, 2018 - 6:22 PM
ສະຫະພັນບານເຕະອີຕາລີ (FICG) ລົງໂທດຫ້າມ ດັກລາສ ຄອສຕາ ປີກສະໂມສອນຢູເວນຕຸສ 4 ນັດ ກໍລະນີຖົ່ມນ້ຳລາຍໃສ່ຄູ່ແຂ່ງໃນບານເຕະກັລໂຊ ເຊ ເຣຍອາ.
ດັກລາສ ຄອສຕາ ປີກສະໂມສອນຢູເວນຕຸສ ແຫ່ງກັລໂຊ ເຊເຣຍ ອາ ອີຕາລີ ຖືກສະຫະພັນບານເຕະອີຕາລີ ສັ່ງລົງໂທດຫ້າມລົງສະໜາມ 4 ນັດ ຈາກການຖືກໃບແດງໄລ່ອອກຈາກສະໜາມໃນເກມເອົາຊະນະ ຊາສຊູໂອໂລ 2-1 ໃນວັນທີ 16 ກັນຍາ.
ຄອສຕາ ຖືກໃບແດງຈາກການຖົ່ມນ້ຳລາຍໃສ່ໜ້າ ເຟເດຣິໂກ ດິ ຟຣານເຊສໂກ ຜູ້ຫລິ້ນຂອງຊາສຊູໂອໂລ, ອີກທັງຍັງມີສອກ ແລະ ພະຍາຍາມຈະເອົາຫົວຕຳໃສ່ຄູ່ກໍລະນີ. ທັງນີ້ ຄອສຕາ ຈະພາດລົງສະໜາມໃນເກມເຊເຣຍ ອາ ກັບ ໂຣຊິໂນເນ, ໂບໂລຢາ, ນາໂປລີ ແລະ ອູດິເນເຊ ແນ່ນອນແລ້ວ.
