ມອບ-ຮັບໂຄງການກໍ່ສ້າງ-ແກະສະຫລັກເສົາໄມ້ດູ 1.000 ປີ
ໂຄງການ ແກະສະຫຼັກ ເສົາໄມ້ດູ 1.000 ປີ ທີ່ແຂວງ ສາລະວັນ ໄດ້ສຳເລັດລົງແລ້ວ ພາຍຫລັງເລີ່ມລົງມືຈັດຕັ້ງ ປະຕິບັດມາແຕ່ກາງເດືອນ ມີນາ 2017 ຜ່ານມາໂດຍໃຊ້ ເວລາໃນການຈັດຕັ້ງປະຕິບັດ 18 ເດືອນ, ເນື້ອທີ່ໃນມູນຄ່າ 2 ຕື້ກີບ, ໂດຍແມ່ນບໍລິສັດຕິ່ງ ວິໄລກໍ່ສ້າງ ແລະ ສ້ອມແປງ ເຄຫາສະຖານ ຈຳກັດຜູ້ດຽວ ເປັນຜູ້ຮັບເໝົາກໍ່ສ້າງ ເຊິ່ງ ມີ 5 ໜ້າວຽກຄື: ວຽກດິນ, ວຽກ ເບຕົງ, ວຽກກໍ່ໂບກ, ວຽກຕິດ ຫີນອ່ອນ ແລະ ວຽກປະດັບ ປະດາ, ຜ່ານການຕິດຕາມກວດ ກາຂອງຄະນະກຳມະການ ຄຸ້ມຄອງການລົງທຶນຂັ້ນ ແຂວງ ແມ່ນຖືກຕ້ອງຕາມ ເຕັກນິກ ແລະ ໄດ້ມາດຖານມາ ຮອດປັດຈຸບັນນີ້ ບັນດາໜ້າ ວຽກທັງໝົດແມ່ນສຳເລັດ 100%.
+ ມອບ-ຮັບຜົນສຳເລັດໂຄງການກໍ່ສ້າງຝາຍຫ້ວຍພັນຫລາ
+ ມອບ-ຮັບຫ້ອງການກອງບັນຊາການປ້ອງກັນເຄື່ອນທີ່ຫລັງໃໝ່
ໃນວັນທີ 13 ກັນຍາ ຜ່ານ ມານີ້, ທ່ານ ຟາມວັນເຫຼ່ຕ່າງ ໜ້າບໍລິສັດ ຕິ່ງວິໄລ ກໍ່ສ້າງ ເຄຫາສະຖານຈຳກັດ ກໍໄດ້ລົງ ນາມເຊັນສັນຍາມອບ-ຮັບ ກັບທ່ານ ມະໄລວອນ ສີປະ ເສີດ ຮອງຫົວໜ້າພະແນກຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງສາລະວັນ, ໂດຍຊ້ອງໜ້າຄະນະກຳມະ ການລົງທຶນຂັ້ນແຂວງ./.
