ຊະເວເຣຟ ຄວ້າແຊ໊ມເຕັນນິສ ບີເອັມດັບເບິລຢູ ໂອເພນ ພ້ອມຮັບລົດ BMW i8

ການແຂ່ງຂັນເຕັນນິສ ເອທີ ພີທົວ ລາຍການ “ບີເອັມດັບເບິລ ຢູ ໂອເພນ” ທີ່ສະໜາມດີນ ເມືອງ ມິວນິກ ປະເທດເຢຍລະມັນ ໃນ ວັນອາທິດຜ່ານມາ ໃນປະເພດ ຊາຍດ່ຽວຮອບຊີຊະນະເລີດ ຜົນ ປະກົດວ່າ ອະເລັກຊານເດີ ຊະ ເວເຣຟ ນັກເຕັນນິສເຈົ້າຖິ່ນມື ວາງອັນດັບ 20 ຂອງໂລກ ແລະ ມືວາງອັນດັບ 3 ຂອງລາຍການ ເອົາຊະນະ ກຸຍໂດ ພເລລາ ນັກ ເຕັນນິສທີ່ມາຈາກຮອບຄັດເລືອກຈາກ ອາເຈນຕິນາ ເຊິ່ງເປັນມື ວາງອັນດັບ 158 ຂອງໂລກ 2-0 ເຊັດ 6-4, 6-3. ເຮັດໃຫ້ ຊະເວເຣຟ ຄວ້າແຊ໊ມລາຍການທີ 2 ຂອງປີນີ້ໄປຄອງ ນອກຈາກ ເງິນລາງວັນ ຜູ້ຄວ້າແຊ໊ມຍັງໄດ້ ຮັບລົດ BMW i8 ຄັນງາມໄປ ຂັບນຳອີກ.

ແຊ໊ມລາຍການນີ້ເຮັດໃຫ້ ຊະເວເຣຟ ຈະເດີນທາງໄປລົງ ແຂ່ງໃນການແຂ່ງຂັນເຕັນນິສ ແກຣນສະແລມ “ເຟຣນ ໂອເພນ 2017” ທີ່ນະຄອນປາຣິສ ປະ ເທດຝຣັ່ງ ເຊິ່ງຈະເລີ່ມແຂ່ງກັນ ໃນວັນທີ 22 ພຶດສະພານີ້.

ດ້ານການແຂ່ງຂັນເຕັນນິສ ເອທີພີທົວ ລາຍການ “ມິລເລນ ນຽມ ເອສໂຕຣິລ ໂອເພນ” ທີ່ ເມືອງເອສໂຕຣິລ ປະເທດໂປຣ ຕຸເກດ ໃນປະເພດຊາຍດ່ຽວຮອບ ຊີງຊະນະເລີດ ພາໂບລ ກາເຣໂນ ບຸສຕາ ມືວາງອັນດັບ 1 ຂອງ ລາຍການຈາກ ສະເປນ ເອົາຊະ ນະ ຊິລ ມຸນເລີ ມືວາງອັນດັບ 3 ຈາກ ລັກແຊມເບິກ 2-0 ເຊັດ 6-2, 7-6. ຄວ້າແຊ໊ມໄປຄອງ ໄດ້ສຳເລັດ.