ດີໃຈລາວເຮົາເລີ່ມໃສ່ໃຈເລື່ອງອາຫານປອດໄພ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ຮັກແພງ, ຖ້າເວົ້າເລື່ອງ ອາຫານການກິນຢູ່ບ້ານເຮົາ ເມືອງເຮົາກໍມີຫລາກຫລາຍ, ບາງຢ່າງກໍນ້ຳເຂົ້າຈາກຕ່າງ ປະເທດ ແລະ ບາງຢ່າງກໍພໍ ຊອກ ແລະ ຜະລິດໄດ້ຢູ່ພາຍ ໃນປະເທດ, ຈະເປັນປູປາ, ຜັກນາໆຕ່າງໆ ຫລາຍຊະນິດ, ໃນເມື່ອກ່ອນກິນຫຍັງ ກໍອຸ່ນໃຈໃນຄວາມປອດ ໄພ, ເພາະເວລານັ້ນ ການນຳ ເຂົ້າຢາປາບສັດຕູພືດ, ຢາຂ້າຫຍ້າ ຫລື ປຸຍເຄມີຕ່າງໆ ກໍມີໜ້ອຍ.

ທຸກຢ່າງຍັງປອດໄພຢູ່, ແຕ່ຜ່ານມາບໍ່ດົນນີ້ເນື່ອງ ຈາກມີການແກ້ງແຍ້ງແຂ່ງຂັນ, ຍາດຊື້, ຍາດຂາຍ, ຍາດ ຢູ່ ຍາດກິນມານີ້, ຫລາຍອັນກໍ ມີການປ່ຽນແປງ, ໂດຍບໍ່ຄຳ ນຶ່ງເຖິງຄວາມປອດໄພຂອງ ຜູ້ບໍລິໂພກ, ນັບທັງການ ລ້ຽງເປີດ, ລ້ຽງໄກ່, ລ້ຽງໝູ, ລ້ຽງງົວລ້ຽງຄວາຍເພິ່ນກໍ ຢາກໄດ້ຊີ້ນຫລາຍ ແລະ ໃຫ້ ໃຫຍ່ໄວກໍເລີຍນຳໃຊ້ສານ ກະຕຸ້ນເພື່ອບັນລຸເປົ້າໝາຍ ຂອງຄວາມຢາກໄດ້, ຢາກມີ, ສ່ວນຜູ້ນຳເຂົ້າບັນດາອາຫານ ແລະ ໝາກໄມ້, ພ້ອມ ເຄື່ອງບໍລິໂພກຕ່າງໆ ເຫລົ່ານັ້ນກໍແມ່ນຢາກຕົກຢູ່ໃນ ສະພາບດັ່ງກ່າວ, ບາງທີ່ກໍ ຍິ່ງຮ້າຍກວ່ານັ້ນເພາະບັນດາປະເທດທີ່ລາວເຮົາມີ ການນຳເຂົ້າຄວາມຕ້ອງການດັ່ງກ່າວເພິ່ນຍິ່ງເປັນ ປະເທດທີ່ມີການພັດທະ ນາແລ້ວ, ທຸກຢ່າງແມ່ນມີ ຄວາມອາດສາມາດສູງໃນ ການນຳໃຊ້ວິທະຍາສາດ, ວິທະຍາການ ແລະ ເຕັກໂນໂລ ຊີອັນທັນສະໄໝເຂົ້າມາຊ່ວຍ ເພື່ອຜົນຜະລິດຈະມີປະລິ ມານຫລາຍ, ຢາກໃຫ້ໃຫຍ່ ຫລື ຢາກໃຫ້ຕຸ້ຍໃຫ້ງາມ ແມ່ນເພິ່ນສາມາດຕົກແຕ່ງ ໄດ້ຢ່າງງ່າຍດາຍຖ້າປູກ ໝາກອືກໍໃຫ້ມີນ້ຳໜັກໜ່ວຍ ລະ 50-60 ກິໂລ ກໍໄດ້, ຖ້າ ແມ່ນໝາກບວບກໍຍາວເປັນ 50-60 ຊັງຕີແມັດກໍມີ.

ສ່ວນຊີ້ນໝູເຮັດເປັນ ຄືຊີ້ນງົວ-ຊີ້ນຄວາຍກໍໄດ້, ໝາກໄມ້ກໍສາມາດເກັບມ້ຽນ ໄວ້ເປັນປີກໍບໍ່ເໜົ່າ-ບໍ່ບູດ, ບາດວ່າອັນຈະເໜົ່າຈະບູດ ກໍແມ່ນຜູ້ບໍລິໂພກນີ້ລະ.

ຕໍ່ສະພາບດັ່ງກ່າວ, ເມື່ອ ມໍ່ໆມານີ້ ລາວກໍໄດ້ຮັບຮອງ ເອົາກົດໝາຍວ່າດ້ວຍ (ການ ປ້ອງກັນ ແລະ ການກັກກັນ ພືດ) ນີ້ເປັນຈຸດເລີ່ມຕົ້ນທີ່ດີ, ເພື່ອພວກເຮົາຈະກ້າວໄປສູ່ ການຄວບຄຸມໂພສະນາການ ທີ່ປອດໄພ, ນັບແຕ່ຜູ້ຜະລິດ, ຜູ້ນຳເຂົ້າໄປຈົນຮອດຜູ້ປຸງ ແຕ່ງ ແລະ ອື່ນໆ ສິ່ງພົ້ນເດັ່ນ ອີກ ອັນໜຶ່ງແມ່ນໃນວັນທີ 14 ກັນຍາ ຜ່ານມານີ້, ກົມ ການຄ້າພາຍໃນກະຊວງອຸດ ສາຫະກຳ-ການຄ້າ ແລະ ຄະນະກຳມະການຄຸ້ມຄອງ ຜູ້ບໍລິໂພກແຫ່ງຣາຊະອາ ນາຈັກໄທໄດ້ຮ່ວມລົງນາມ ໃນບົດບັນທຶກຄວາມເຂົ້າໃຈ ກ່ຽວກັບການຮ່ວມມືໃນ ວຽກງານປົກປ້ອງຜູ້ຊົມໃຊ້, ແນໃສ່ແລກປ່ຽນບົດຮຽນ ແລະ ຄວາມຮູ້, ຄວາມສາ ມາດໃນການປະຕິບັດຍຸດ ທະສາດການປົກປ້ອງຜູ້ຊົມ ໃຊ້ໃຫ້ມີປະສິດທີຜົນ ແລະ ຜ່ານມາສອງຝ່າຍກໍໄດ້ ຮ່ວມກັນໄປທັດສະນະສຶກ ສາຖອດຖອນບົດຮຽນ ແລະ ປະສົບການຕ່າງໆ ໃນການ ຈັດຕັ້ງປະຕິບັດວຽກງານ ດັ່ງກ່າວຂອງຝ່າຍໄທ ເພື່ອ ສາມາດນຳເອົາບົດຮຽນດັ່ງ ກ່າວມາຈັດຕັ້ງປະຕິບັດຢູ່ ລາວໃຫ້ມີປະສິດທິຜົນ, ເພື່ອ ຜູ້ບໍລິໂພກພາຍໃນມີຊີວິດ ການເປັນຢູ່ດີຂຶ້ນບົນຈິດໃຈ “ກິນແຊບນຸ່ງງາມ” ປາສະ ຈາກສິ່ງເປັນພິດ./.

+ ຢາປາບສັດຕູພືດ ຢາກຳລັງຂ້າຄົນລາວ

+ ວິທະຍາສາດ-ເຕັກໂນໂລຊີແຂວງ ແລະ ສູນຄົ້ນຄວ້າກະສິກຳທ່າສະໂນຈັບມືທົດລອງຜະລິດເຊື້ອລາຢາປາບສັດຕູພືດ

ແລະ ຜະລິດເຊື້ອເຫັດ