ຊາລາ ໝັ້ນໃຈ ລະດູການນີ້ ລີເວີພູລ ຕ້ອງໄດ້ 2 ແຊ້ມ
September 18, 2018 - 4:00 PM
ໂມຮາເມັດ ຊາລາ ປີກຕົວເກັ່ງສະໂມສອນ ລີເວີພູລ ໝັ້ນໃຈວ່າສະໂມສອນຂອງຕົນຈະສາມາດຍາດໄດ້ແຊ້ມທັງ 2 ແຊ້ມຄື: ແຊ້ມພຣີເມຍລີກ ແລະ ແຊ້ມຢູຟາ ແຊມປ້ຽນລີກ ໄປຄອງຢ່າງສວຍງາມ.
ຊາລາ ໄດ້ກ່າວວ່າ: ພວກເຮົາລົງສະໜາມກັບສະໂມສອນທີ່ເປັນແຊ້ມມາກ່ອນນີ້ແລ້ວ ແລະ ພວກເຮົາສາມາດຜ່ານເຂົ້າຮອບຊີງຊະນະເລີດ. ດັ່ງນັ້ນ, ຈຶ່ງມີຄວາມແນ່ນອນວ່າ ພວກເຮົາຈະສາມາດເຮັດໄດ້ອີກ ແລະ ມີຄວາມໝັ້ນໃຈວ່າພວກເຮົາຈະສາມາດຍາດໄດ້ແຊ້ມຢູຟາ ແຊມປ້ຽນລີກ ແລະ ແຊ້ມພຣີເມຍລີກ.
ສໍາລັບປີຜ່ານມາ ສະໂມສອນລີເວີພູລ ຜ່ານເຂົ້າຮອບຊີງຊະນະເລີດຢູຟາ ແຊມປ້ຽນລີກ ແຕ່ເສຍໃຫ້ ສະໂມສອນ ຣີລມາດຣິດ 1-3 ໃນເຄິ່ງເວລາທໍາອິດ ຊາລາ ໄດ້ຮັບບາດເຈັບຈົນໄດ້ອອກສະໜາມ.
