ອາຫານອັນຕະລາຍກິນແລ້ວອາດເຮັດໃຫ້ລູກພັດທະນາການຊ້າ
ເລື່ອງອາຫານເປັນເລື່ອງສໍາຄັນ ສໍາລັບເດັກນ້ອຍ ເພາະຫາກໃຫ້ລູກກິນອາຫານທີ່ບໍ່ໍດີ, ບໍ່ມີຄຸນຄ່າທາງສານອາຫານ ກໍອາດເຮັດໃຫ້ພັດທະນາການຂອງລູກຊ້າບໍ່ເປັນໄປຕາມໄວ.
ອາຫານບາງຢ່າງກໍເປັນອັນຕະລາຍ ແລະ ສົ່ງຜົນເສຍຕໍ່ພັດທະນາການຂອງລູກໄດ້ ອາຫານອັນຕະລາຍກິນແລ້ວອາດເຮັດໃຫ້ລູກພັດທະນາການຊ້າ ມີຫຍັງແດ່?
- ເຂົ້າໜົມຫວານທີ່ມີນໍ້າຕານໃນປະລິມານຫຼາຍ: ການທີ່ໃຫ້ລູກກິນເຂົ້າໜົມທີ່ມີນໍ້າຕານໃນປະລິມານຫຼາຍ ນອກຈາກຈະເຮັດໃຫ້ລູກຕຸ້ຍ ມີນໍ້າໜັກໂຕເກີນເກນທີ່ກໍານົດໄວ້ແລ້ວ ນໍ້າຕານທີ່ມີຫຼາຍໃນເຂົ້າໜົມຍັງມີສ່ວນທໍາລາຍສະໝອງຂອງລູກນ້ອຍໄດ້ອີກດ້ວຍ ຊຶ່ງມີການຕັ້ງຂໍ້ສົງເກດຈາການສຶກສາວິໄຈທີ່ຜ່ານມາ ພົບວ່າ ຫາກເດັກນ້ອຍໄດ້ຮັບນໍ້າຕານຟຣຸກໂຕສຫຼາຍເກີນໄປ ອາດສົ່ງຜົນຕໍ່ການຫຼັ່ງສານອິນຊູລິນ ຊຶ່ງຈະເຮັດໃຫ້ສະໝອງປະມວນຜົນຜິດພາດ ທໍາງານຄ້ອຍລົງ ແລະ ສົ່ງຜົນເສຍຕໍ່ອາລົມຂອງຄວາມຄິດຂອງເດັກໄດ້.
2. ອາຫານຈານດ່ວນ: ອາຫານຂີ້ເຫຍື້ອ ໝາຍເຖິງອາຫານທີ່ບໍ່ມີຄຸນຄ່າທາງໂພສະນາການໃດ້ (Non-Nutritional Value) ມັກມີສານອາຫານບໍ່ຄົບຖ້ວນ, ນອກນີ້ອາຫານປະເພດດັ່ງກ່າວຍັງໃສ່ສານກັດບູດ ຫຼືມີເກືອ ຊຶ່ງມີໂຊດຽມໃນປະລິມານທີ່ຫຼາຍເກີນໄປ ຊຶ່ງຈະກໍ່ໃຫ້ເກີດໂທດກັບຮ່າງກາຍ ເຮັດໃຫ້ເປັນໂຣກອ້ວນ, ເບົາຫວານ, ຄວາມດັນໂລຫິດສູງ, ພະຍາດໝາກໄຂ່ຫຼັງ ແລະ ພະຍາດຫົວໃຈໄດ້. ຍິ່ງຖ້າເດັກໄວກໍາລັງຈະເລີນເຕີບໃຫຍ່ ບໍລິໂພກອາຫານປະເທດຈັງກ໌ຟູ້ດຫຼາຍເກີນໄປ ເດັກກໍຈະໄດ້ຮັບສານອາຫານທີ່ບໍ່ພຽງພໍຕໍ່ພັດທະນາການສະໝອງ ຊຶ່ງຈະສົ່ງຜົນຕໍ່ການຮຽນຮູ້ຂອງເດັກໃນໄລຍະຍາວໄດ້.
3. ອາຫານແຊ່ແຂງ ແລະ ອາຫານເຄິ່ງສໍາເລັດຮູບ: ອາຫານເຄິ່ງສໍາເລັດຮູບ ຫຼືອາຫານປະເພດທີ່ນໍາອອກມາຈາກຊ່ອງແຂງ ກໍນໍາມາອຸ່ນພ້ອມກິນໄດ້ເລີຍ ລວມເຖິງອາຫານກະປ໋ອງ ເປັນອາຫານທີ່ບໍ່ຄວນໃຫ້ເດັກກ່ອນໄວຮຽນໄດ້ກິນດຸໆ ເພາະອາຫານເຫຼົ່ານີ້ຕ້ອງຜ່ານຂະບວນການຢືດອາຍຸອາຫານ ເພື່ອໃຫ້ເກັບໄວ້ກິນດົນຂຶ້ນ ນອກຈາກຈະມີສານເຄມີແລ້ວ ອາຫານເຫຼົ່ານີ້ຍັງບໍ່ມີປະໂຫຍດທາງໂພສະນາການ ຫາກໃຫ້ລູກກິນຫຼາຍໆ ຈະສະສົມໃນຮ່າງກາຍສົ່ງຜົນກະທົບຕໍ່ລະບົບປະສາດສ່ວນກາງ ແລະ ຍັງເພີ່ມຄວາມສ່ຽງຕໍ່ການເກີດໂຣກສະໝອງເສື່ອມຂຶ້ນໄດ້ເມື່ອລູກນ້ອຍໃຫຍ່ຂຶ້ນ.
4. ໂປຕີນແປຮູບ: ຊີ້ນສັດເປັນແຫຼ່ງອາຫານທີ່ອຸດົມໄປດ້ວໂປຕີນຄຸນນະພາບສູງ ຊຶ່ງຈະໃຫ້ປະໂຫຍດຕໍ່ຮ່າງກາຍ ແຕ່ຄວນໄດຮັບຈາກຊີ້ນສັດທີ່ມີຄຸນນະພາບບໍ່ຜ່ານການແປຮູບ.
ສໍາລັບຊີ້ນສັດທີ່ຜ່ານການແປຮູບເຊັ່ນ: ໄສ້ກອກບາງຊະນິດ ໂປຕີນແປຮູບ ຊຶ່ງຈະມີການປະສົມສານເຄມີທີ່ໃຊ້ໃນການແປຮູບອາຫານເຊັ່ນສານກັນບູດ ແລະ ໂຊດຽມສູງ ຫາກໃຫ້ລູກກິນໂປຕີນແປຮູບເຫຼົ່ານີ້ດຸໆ ຈົນສະສົມໃນຮ່າງກາຍຫຼາຍໆ ກໍຈະສົ່ງຜົນກະທົບຕໍ່ລະບົບປະສາດໃນການປະມວນຜົນຕ່າງໆ ເຮັດໃຫ້ການຮຽນຮູ້ ແລະ ການຈື່ຈໍາເຮັດໄດ້ບໍ່ຄ່ອຍດີ ໂດຍສະເພາະເດັກນ້ອຍ.
- ຊາ ແລະ ກາເຟ: ຈະສົ່ງຜົນໃຫ້ປະສາດຕື່ນຕົວ, ນອນບໍ່ຫຼັບ ຊຶ່ງສົ່ງຜົນກະທົບໂດຍກົງຕໍ່ພັດທະນາການທາງສະໝອງຂອງເດັກ ອີກທັງຍັງຂັດຂວາງການດູດຊຶມທາດເຫຼັກໃນກະແສເລືອດ ເພື່ອສົ່ງອອກຊິເຈນໄປຍັງສະໝອງ ສໍາຫຼັບພັດທະນາການທາງສະໝອງເດັກອີກດ້ວຍ.
