ປ້ອງກັນກິ່ນໂຕໃນຍາມອາກາດຮ້ອນອົບເອົ້າ

ອາຫານກໍເປັນສາເຫດໜຶ່ງຂອງການເກີດກິ່ນໂຕ, ເຄື່ອງປຸງບາງຊະນິດ ເຊັ່ນ : ແກງກະຫລີ່ ແລະ ຜັກທຽມ ມັກຈະມີກິ່ນປົນຢູ່ ກັບກິ່ນເຫື່ອຂອງເຮົາ.

ວິທີປ້ອງກັນບໍ່ໃຫ້ເກີດກິ່ນເຫື່ອ ອັນດັບທຳອິດກໍແມ່ນເຮັດຄວາມສະອາດຮ່າງກາຍໂດຍອາບນຳ້ຖູສະບູໃຫ້ສະອາດ ໂດຍສະເພາະບໍລິເວນຫລືບຕ່າງໆ ເຊັ່ນ : ຫລືບຂາ, ຂີ້ແຮ້ ອາດຈະໃຊ້ສະບູທີ່ມີສານດັບກິ່ນຊ່ວຍນຳກໍໄດ້ ຈາກນັ້ນໃຊ້ໂຣອອນ ຫລື ໂຄໂລນ ຫລື ນຳ້ຫອມອ່ອນໆຊ່ວຍໃນການດັບກິ່ນອີກເທື່ອໜຶ່ງ.

ໃນມື້ທີ່ອາກາດຮ້ອນຈະມີເຫື່ອອອກມາຫລາຍເປັນພິເສດ ຈຶ່ງຄວນຈະນຸ່ງເຄື່ອງທີ່ເປັນຜ້າຝ້າຍ ເພາະເຮັດໃຫ້ເຫື່ອລະເຫີຍໄດ້ດີ ຫາກຍັງມີກິ່ນອີກກໍຄວນອາບນຳ້ໃນຕອນກາງເວັນກໍໄດ້.

ຫາກຄົນທີ່ມີກິ່ນໂຕທີ່ບໍ່ສາມາດກຳຈັດໄດ້ແທ້ໆກໍຕ້ອງໃຊ້ຢາກຳຈັດກິ່ນເຫື່ອ ຫລື ຢາທີ່ມີສັບພະຄຸນຂັດຂວາງ ແລະ ຂ້າເຊື້ອແບັກທີເຣຍ ເຊິ່ງຕ້ອງປຶກສາແພດກ່ອນໃຊ້ທຸກເທື່ອ.