ລັດຖະມົນຕີກະຊວງກະສິກຳແນະນຳ ໃຫ້ເຂດປະສົບໄພນ້ຳຖ້ວມກະກຽມຄວາມພ້ອມຟື້ນຟູການຜະລິດ

ໃນໂອກາດຢ້ຽມຢາມປະຊາຊົນຜູ້ປະສົບໄພນ້ຳຖ້ວມ ຢູ່ເມືອງ ໄຊທານີ ນະຄອນ ຫລວງວຽງຈັນ ໃນວັນທີ 12 ກັນຍານີ້, ທ່ານ ລັດຖະມົນຕີ ກະຊວງກະສິກຳ ແລະ ປ່າໄມ້, ໄດ້ແນະນຳໃຫ້ຜູ້ປະສົບໄພ ດັ່ງກ່າວສຸມໃສ່ກະກຽມຄວາມ ພ້ອມເພື່ອຟື້ນຟູການຜະລິດ, ຕາມເງື່ອນໄຂ ແລະ ທ່າແຮງ ຂອງທ້ອງຖິ່ນມີຢູ່, ພ້ອມນັ້ນ ກໍໃຫ້ເອົາໃຈໃສ່ເຝົ້າລະວັງພະ ຍາດລະບາດຫລັງນ້ຳຖ້ວມ ແລະ ຮຽກຮ້ອງໃຫ້ທຸກພາກ ສ່ວນໃນສັງຄົມຈົ່ງຫັນໜ້າ ມາຊ່ວຍເຫລືອຜູ້ປະສົບໄພ ດັ່ງກ່າວໃຫ້ຫລາຍຂຶ້ນ, ສ່ວນ ຂະແໜງກະສິກຳເອງ, ຈະ ຕ້ອງໄດ້ເປັນເຈົ້າການຕອບ ສະໜອງປັດໄຈການຜະລິດ ໃຫ້ພຽງພໍ, ນັບທັງເຄື່ອງມື ອຸປະກອນ, ແນວພັນເຂົ້າ, ພືດ ແລະ ສັດລ້ຽງປະເພດຕ່າງໆ, ພ້ອມຝຸ່ນ ແລະ ຢາປາບສັດຕູພືດ.

+ ກຽມການຜະລິດຫລັງນ້ຳຖ້ວມໃຫ້ດີ

+ ລັດຖະມົນຕີກະຊວງກະສິກໍາ ແລະ ປ່າໄມ້ ລົງຊີ້ນໍາວຽກງານການຜະລິດກະສິກໍາ ຢູ່ນະຄອນຫຼວງວຽງຈັນ

ທ່ານ ລັດຖະມົນຕີເນັ້ນ ວ່າ: ສິ່ງສຳຄັນອີກອັນໜຶ່ງ ຂະແໜງອຸດສາຫະກຳ ແລະ ການຄ້າກໍຄືອຳນາດການປົກ ຄອງທ້ອງຖິ່ນຕ້ອງເປັນເຈົ້າ ການກວດກາຄຸ້ມຄອງລາຄາ ສິນຄ້າຢູ່ໃນທ້ອງຕະຫລາດໃຫ້ ຢູ່ໃນເກນປົກກະຕິ, ສະກັດກັ້ນ ສວຍໂອກາດກັກຕຸນ ຫລື ຂຶ້ນ ລາຄາສິນຄ້າໂດຍລຳພັງ.

ໃນໂອກາດນີ້ ທ່ານ ເຈົ້າ ເມືອງໄຊທານີ ກໍໄດ້ລາຍງານ ສະພາບໄພນ້ຳຖ້ວມຢູ່ເມືອງ ຂອງຕົນໃຫ້ ທ່ານ ລັດຖະມົນ ຕີຊາບວ່າ: ນັບແຕ່ວັນທີ 19 ສິງຫາ -11 ກັນຍານີ້ ເນື່ອງ ຈາກຝົນຕົກໜັກແກ່ຍາວ ແລະ ຫລາຍເຂື່ອນໄຟຟ້າຕ້ອງ ໄດ້ປ່ອຍນ້ຳອອກຈາກເຂື່ອນ, ເຮັດໃຫ້ນ້ຳງື່ມຍິ່ງສູງຂຶ້ນຖ້ວມ ເອົາ 64 ບ້ານໃນເມືອງຂອງ ຕົນ, ໃນນັ້ນມີ 24 ບ້ານຖືກຕັດ ຂາດບໍ່ສາມາດໄປມາຫາສູ່ກັນ ໄດ້ ແລະ ອີກ 43 ບ້ານລວມ ມີ 936 ຄອບຄົວຕ້ອງໄດ້ຍົກ ຍ້າຍມາຢູ່ສູນພັກຊົ່ວຄາວຈຳ ນວນ 35 ຈຸດຄື: ກຸ່ມຫາດກ້ຽງ ມີ 11 ຈຸດ, ກຸ່ມດົງບັງມີ 7 ຈຸດ, ກຸ່ມເວີນຄຳມີ 9 ຈຸດ, ກຸ່ມຫ້ວຍ ຈຽມມີ 5 ຈຸດ, ສ່ວນຢູ່ກຸ່ມທ່າ ງ່ອນ, ດ່ານຊ້າງ, ໜອງພະຍາ ມີບ່ອນລະຈຸດໄພນ້ຳຖ້ວມຮ້າຍ ແຮງຄັ້ງນີ້ນອກຈາກສົ່ງຜົນ ກະທົບຕໍ່ການດຳລົງຊີວິດຂອງ ປະຊາຊົນແລ້ວ, ຍັງສ້າງຄວາມ ເສຍຫາຍຢ່າງຫລວງຫລາຍ ແກ່ພື້ນຖານໂຄງລ່າງ, ຖະໜົນ ຫົນທາງ, ລະບົບຊົນລະປະ ທານ, ໂຮງຮຽນ ແລະ ເຮືອນ ຊານ ບ້ານຊ່ອງຂອງປະຊາຊົນ ເປັນຈຳນວນຫລວງຫລາຍ, ເຮັດໃຫ້ເນື້ອທີ່ນາປູກເຂົ້າ ຫລາຍກວ່າ 4.300 ເຮັກຕາໄດ້ ຮັບຄວາມເສຍຫາຍ.

ໜອງປາ ແລະ ຜົນລະ ປູກອື່ນໆ ກໍບໍ່ສາມາດເກັບກູ້ ຄືນມາໄດ້.
ໃນໂອກາດນີ້ ທ່ານ ລັດຖະ ມົນຕີໄດ້ມອບເງິນຈຳນວນ 50 ລ້ານກີບ, ໃຫ້ແກ່ເມືອງດັ່ງກ່າວ ເພື່ອນຳໄປບັນເທົາທຸກຜູ້ປະ ສົບໄພໃນເບື້ອງຕົ້ນ./.