ກິລາບານເຕະລາວໜຶ່ງໃນອົງກອນກູ້ໜ້າກູ້ຕາຂອງຊາດ

ໂດຍ: ທິດກ່ຳ

ເມື່ອເອີ່ຍເຖິງພາລະກິດ ຂອງວົງການກິລາບານເຕະ ລາວເຮົາໂດຍລວມ ແລະ ເວົ້າ ສະເພາະແມ່ນທິມຊາດຊຸດ ໃຫຍ່ໃນປັດຈຸບັນ. ທິດກ່ຳ ກໍຂໍ ສະແດງຄວາມດີໃຈນຳທີ່ ເຫັນຂ່າວວ່າ ໄດ້ໄປເກັບໂຕເພື່ອ ນຳເອົາປະສົບປະການຢູ່ປະ ເທດ ແອດສະປາຍເມື່ອວັນທີ 6 ກັນຍາຜ່ານມາ.

+ ເຈົ້າພາບຫວັງຫລຽນທຸກປະເພດ ກິລາຊຽງຂວາງເກມຄັ້ງທີ 11

+ ເດີ່ນເປີດ-ປິດກິລາແຫ່ງຊາດຊຽງຂວາງສໍາເລັດ 85%

ຂ່າວຄາວຫລ້າສຸດ ໃນວັນ ທີ 11 ກັນຍາ ນີ້, ກໍໄດ້ເປີດສາກ ລົງສະໜາມ ສູ້ກັບທິມຊາດ ສະຫະລັດ ອາຣັບ ເອມີເຣດ ທີ່ສະໜາມເມືອງບາເຊໂລ ນາ ໃນປະເທດ ດັ່ງກ່າວ ແລະ ຜົນອອກມາກໍວ່າ ພວກເຮົາ ສູ້ກັບເຂົາບໍ່ໄຫວຈຶ່ງເສຍໄປ 0 ປະຕູຕໍ່ 3.
ແຫລ່ງຂ່າວຍັງບອກຕື່ມ ວ່າທິມຊາດຂອງສະຫະລັດ ອາຣັບເອມີເຣດ ເປັນທິມທີ່ ແຂງແກ່ນ ແລະ ຍັງເປັນທິມ ໜຶ່ງທີ່ຢືນຢູ່ແຖວໜ້າຂອງ ອາຊີ ວ່າຊັ້ນ!.

ແນວໃດກໍຕາມ, ທິດກ່ຳ ກໍຫວັງຢ່າງຍິ່ງວ່າໃນການໄປ ຄັ້ງນີ້ທິມຊາດບານ ເຕະລາວ ເຮົາກໍອາດໄດ້ປະສົບປະການ ຈາກທິມທີ່ແຂງແກ່ນມາຜັນ ຂະຫຍາຍຢູ່ບ້ານເຮົາໃຫ້ມີ ໝາກມີຜົນ, ອີກປະການໜຶ່ງ ປະເທດແອດສະປາຍກໍເປັນ ປະເທດໜຶ່ງ ໃນບັນດາປະເທດ ເອີລົບທີ່ໂດດເດັ່ນໂດ່ງດັງໃນ ເລື່ອງກິລາບານເຕະຈົນວ່າ ເປັນລະດັບໂລກມາແລ້ວ.

ແຕ່ກ່ອນອື່ນໝົດ, ພວກເຮົາ ທັງຫລາຍກໍຕ້ອງເຂົ້າໃຈວ່າ ການໄປເອົາບົດຮຽນ ຫລື ປະ ສົບປະການຈາກປະເທດທີ່ ເຂົາຈະເລີນກວ່ານັ້ນກໍຖືວ່າເປັນການດີຍິ່ງ, ແຕ່ອັນສຳຄັນມັນ ກໍຂຶ້ນກັບ ວ່າເມື່ອໄປເອົາບົດ ຮຽນ ຫລື ປະສົບປະການມາ ແລ້ວ, ຕ້ອງໄດ້ພ້ອມກັນສືບ ຕໍ່ພັດທະນາ ໃຫ້ກິລາບານເຕະ ຢູ່ບ້ານເຮົາດີຂຶ້ນ ແລະ ເກັ່ງຄື ກັນກັບ ຢູ່ບ້ານເພິ່ນເມືອງທ່ານ ໄປເລື້ອຍໆ.
ເວົ້າເຖິງປະຫວັດສາດ ຂອງວົງການກິລາບານເຕະ ຢູ່ບ້ານເຮົາທິດກ່ຳຂໍຊົມເຊີຍ ເປັນຢ່າງຍິ່ງຕໍ່ ຮຸ້ນເຍົາວະຊົນ ອາຍຸ 12-13 ປີ ເຂົາໄປແຂ່ງ ຢູ່ໃນລະດັບພາກພື້ນກໍສາ ມາດກູ້ໜ້າກູ້ຕາມາໃຫ້ ປະເທດ ຊາດຢ່າງໜ້າສັນລະເສີນ ເຊິ່ງບໍ່ພໍເທົ່າໃດເດືອນມານີ້ ໄປເຕະຢູ່ຈີນກໍສາມາດຍາດໄດ້ ຊະນະເລີດ.

ອັນດັບຮອງລົງມາກໍແມ່ນກິລາບານເຕະຍິງ ເຊິ່ງໄປແຂ່ງ ຢູ່ບ່ອນໃດ ຫລື ໃນລະດັບອາ ຊຽນກໍສາມາດ ເຂົ້າໄປຫລິ້ນ ໃນຮອບເລິກໆ ສົມກັບວ່າ ບ້ານເຮົາ, ປະເທດເຮົາຢູ່ໃນ ເງື່ອນໄຂເລັ່ງລັດພັດທະນາ ເມື່ອຕັ້ງບັນຫາກັນວ່າມາໃນ ໄລຍະປັດຈຸບັນບານເຕະຂອງ ລາວເຮົາມີການພັດທະນາຂຶ້ນ ຫລື ບໍ່ຖ້າທຽບໃສ່ປະເທດ ເພື່ອນ ບ້ານ ຫລື ໃນກຸ່ມອາຊຽນດ້ວຍ ກັນ? ທິດກ່ຳ ຂໍສັງລວມເອົາ ຄຳຕອບໃນສະພາກາເຟແບບ ສັ້ນໆວ່າ “ຢ້ຳເທົ່າອ່າວຖອຍ ຫລັງ” ເປັນຫຍັງຈຶ່ງວ່າ ແນວ ນັ້ນ? ຍ້ອນວ່າຖ້າທຽບໃສ່ກຳ ປູເຈຍ, ຕີມໍ, ບຣູໄນ ຕັ້ງແຕ່ ຊຸມ ປີ 2.000 ມາຫາ 2010 ທິມຊາດລາວເຄີຍຊະນະມາຕະ ຫລອດແຕ່ພໍຕົກມາໃນ ໄລຍະ ປັດຈຸບັນແມ່ນຂ້ອນຂ້າງວິດ ໜ້າວິດຫລັງ, ຊ້ຳບໍ່ໜຳພັດ ບາງຄັ້ງກໍເສຍໃຫ້ເຂົາ ຫລື ກວ່າ ຈະສະເໝີ ຫລື ຊະນະມັນກໍ ຕ້ອງໄດ້ອອກແຮງຈົນຕັບລີບ.

ຈາກປະກົດການທີ່ວ່າ ນີ້ເຮົາຈິ່ງຮູ້ວ່າ ກິລາບານເຕະ ບ້ານ ເຮົາໂດຍສະເພາະແມ່ນ ລຸ້ນອ້າຍໃຫຍ່ວ່າ ມີການພັດທະ ນາກ້າວໄກ ຫລື ບໍ່ນັ້ນກໍມາສົມ ທຽບໃສ່ໝູ່, ໃສ່ເພິ່ນ, ໃສ່ໂຕ.

ມີຫລາຍຄົນກໍມີຄຳເຫັນ ແລະ ຕັ້ງບັນຫານຳກັນວ່າໃນ ປັດຈຸບັນທັງອານາຄົດ ສະເພາະ ໜ້າ ແລະ ຍາວນານເຮົາຈະ ແກ້ແນວໃດ? ຫລາຍຄົນກໍວ່າ ຂໍນົບຂໍໄຫ້ວໃຫ້ເບິ່ງ ເພິ່ນເບິ່ງ ໂຕແດ່, ເບິ່ງກວ້າງເຫັນໄກ, ທັງ ເບິ່ງໄກເບິ່ງໃກ້, ແກ້ໃນເລື່ອງ ໄກ່ເຫັນຕີນງູ, ງູກໍເຫັນນົມໄກ່, ແກ້ເລື່ອງພາຍໃນພາຍນອກ, ບ່ອນຢູ່ຂອກບ່ອນຢູ່ແຈ, ແກ້ໃນ ເລື່ອງອັດຕະວິໄສ, ພາວະວິໄສ ໃຫ້ໄປທັນຍຸກທັນສະໄໝ.
ພະຍາຍາມເຊື່ອມໂຍງ ຢ່າງກົມກ່ຽວກັບເພື່ອນມິດ ໃຫ້ຫລາຍໆທັງຢູ່ພາຍໃນ ພາຍນອກທັງຢູ່ຂອກຢູ່ແຈ, ຄິດວ່າ ວົງການກິລາບານເຕະ ບ້ານເຮົາອາດໂດ່ງດັງກັບ ຄືສະໄໝປະຫວັດສາດບາງ ຊ່ວງບາງຕອນ.

ຕາມທິດກ່ຳຄິດ, ໃນອາ ນາຄົດ ວົງການບານເຕະລາວ ເຮົາຍັງຕ້ອງສູ້ຊົນແກ້ໄຂບັນ ຫາຫລາຍຢ່າງທີ່ມັນຍັງອືດໆ ອາດໆນັບແຕ່ລະບົບການຈັດ ຕັ້ງ, ການຊີ້ນຳ-ນຳພາ, ຕະ ຫລອດໄປເຖິງຕົວບຸກຄະລາ ກອນ, ທັງນັກກິລາກໍໃຫ້ໄດ້ ສົມນ້ຳສົມຕ່ອນອີ່ຫລີ.
ຕົວຢ່າງຜູ້ເຕະບໍ່ເກັ່ງພໍ ມ້າມແປະພຸງ: ຜູ້ມັກກ໊ອກ, ມັກ ຫລິ້ນມັກກິນ, ມັກສໍ້ລາດບັງ ຫລວງ, ມັກລົ້ມບານ, ມັກຂົ່ມ ເພິ່ນຍໍໂຕ, ມີເສັ້ນມີສາຍກໍບໍ່ ຄວນເອົາມາເປັນນັກເຕະທິມ ຊາດ, ຖ້າບໍ່ດັ່ງນັ້ນພວກນີ້ ລະ ມັນຈະພາເພທັງເສຍໜ້າເສຍ ຕາ, ຄືພວກເຮົາຮູ້ນຳກັນນັ້ນ ລະກິລາບານເຕະເປັນກິລາ ຍອດນິຍົມ, ເປັນກິລາທີ່ຄົນ ມັກຊົມມັກເຊຍ, ໄປເຕະຢູ່ໃສ, ບ່ອນໃດ, ປະເທດໃດ ໄດ້ຍິນ ຂ່າວວ່າ ລົ້ມບານ, ເສຍໃຫ້ຄູ່ຕໍ່ ສູ້ເປັນສິບປະຊາຊົນລາວ, ກອງຊົມ, ກອງເຊຍມັນກໍຫລາຍ ໃຈອຸກ.

ອຸກນຳນ້ຳຖ້ວມ, ອຸກນຳ ເຂື່ອນແຕກຍັງບໍ່ແລ້ວພັດ ຍັງອຸກນຳການໄປແຂ່ງເຕະ ບານກໍມີແຕ່ເສຍກັບເສຍຢະ ເອີຍ! ກໍຫວັງວ່າ ເສີກລູກໜັງ ໃນລາຍການ ເອເອັຟ ຊຸຊຸກີຄັບ ໃນທ້າຍປີນີ້ ຈະເປັນນັດແຫ່ງ ຄວາມຫວັງຂອງນັກຊົມນັກເຊຍທົ່ວທັງປະເທດອີກປະການໜຶ່ງ ກໍພໍໄດ້ກູ້ໜ້າກູ້ຕາຂອງຊາດ ບ້ານເມືອງເອົາໄວ້ຈິ່ງຈະດີ./.