ການສ້ອມແປງເສັ້ນທາງຫລັກ 35 ຫາ ແກ້ງກອກຫລ້າຊ້າ
ການປັບປຸງສ້ອມແປງ ເສັ້ນທາງແຕ່ຫລັກ 35 ຫາແກ້ງ ກອກ ເມືອງຈຳພອນ ແຂວງ ສະຫວັນນະເຂດ, ດຳເນີນໄປ ຢ່າງຫລ້າຊ້າທັງໆທີ່ມີການ ປະມູນຄັດເລືອກເອົາ ບໍລິສັດ ຜູ້ມາຮັບເໝົາເປັນຢ່າງດີ ແລະ ໄດ້ລົງມືກໍ່ສ້າງມາແຕ່ ກາງເດືອນພືດສະພາເປັນຕົ້ນ ມາ, ນີ້ແມ່ນການເປີດເຜີຍຂອງ ຫົວໜ້າຫ້ອງການໂຍທາທິ ການ ແລະ ຂົນສົ່ງເມືອງ ຈຳ ພອນຕໍ່ກອງປະຊຸມເຜີຍແຜ່ຜົນ ສຳເລັດກອງປະຊຸມສະໄໝສາ ມັນເທື່ອທີ 5 ຂອງສະພາແຫ່ງ ຊາດຊຸດທີ VIII ທີ່ມີຂຶ້ນໃນວັນ ທີ 6 ກັນຍານີ້ ຢູ່ເມືອງດັ່ງກ່າວ.
+ ອັດຕະປື ເລັ່ງສ້ອມແປງເສັ້ນທາງເຂົ້າສູ່ເຂດໄພພິບັດ
+ ເສັ້ນທາງຜາເມືອງ-ທ່າສີ ກໍ່ສ້າງສ້ອມແປງສຳເລັດສົມບູນແລ້ວ
ທ່ານ ໂນ ອິນສິຊຽງໃໝ່ ກຳມະການສູນກາງແນວລາວ ສ້າງຊາດ, ຜູ້ຊົງວຸດທີ ເມືອງຈຳ ພອນ ໄດ້ຊອບຖາມວ່າເປັນຍ້ອນ ຫຍັງ? ການປັບປຸງສ້ອມແປງ ເສັ້ນທາງດັ່ງກ່າວຈິ່ງຊັກຊ້າ, ທັງໆທີ່ມີການອະນຸມັດງົບປະມານ ເປັນທີ່ຮຽບຮ້ອຍແລ້ວໃນມູນຄ່າ 1,5 ຕື້ກີບ ໄດ້ນຳໃຊ້ກອງທຶນບຸ ລະນະເສັ້ນທາງ, ແຕ່ການກໍ່ສ້າງ ກໍບໍ່ມີຄວາມຄືບໜ້າເທົ່າທີ່ຄວນ ເສັ້ນທາງແຕ່ຫລັກ 35 ຫາ ແກ້ງ ກອກ ທີ່ມີຄວາມຍາວເກືອບ 20 ກິໂລແມັດ, ເຊິ່ງຕາມແຜນແມ່ນ ໄດ້ເລີ້ກຮື້ທາງບ່ອນທີ່ເປ້ເພ ແລະ ຖົມດິນຄືນໃໝ່, ບໍລິເວນຍ່ານ ບ້ານປະຊາຊົນແມ່ນຈະປູຢ່າງ ຊັ້ນດຽວ, ສ່ວນທີ່ເປັນບວກເປັນ ຂຸມກໍຈະໄດ້ຖົມ ແລະ ຕາບຢາງ ຄືນໃໝ່, ຈາກນີ້ກໍຈະໄດ້ປັບປຸງ ຂົວຕ່າງໆ ຕື່ມອີກ 3 ແຫ່ງ ເພາະ ເສັ້ນທາງສາຍນີ້ ເປັນເສັ້ນທາງ ເກົ່າແກ່ ແລະ ຊຸດໂຊມລົງຫລາຍ ແລ້ວ ເຊິງຈະຕ້ອງໄດ້ຮີບດ່ວນ ປັບປຸງປົວແປງໃຫ້ສຳເລັດ ໂດຍໄວ./.
