ສະຫະພັນບານເຕະອິຕາລີ ຍົກເລີກໂທດຫ້າມຂອງ ມຸນຕາຣີ ແລ້ວ

ສະຫະພັນບານເຕະອິຕາລີ (ເອຟໄອຈີຊີ) ຕັດສິນໃຈຍົກເລີກ ໂທດຫ້າມຂອງ ຊັລລີ ມຸນຕາຣີ ກອງກາງຕົວເກັ່ງຂອງ ເປສຄາ ຣາ ທີມໃນການແຂ່ງຂັນກັລໂຊ ເຊເຣຍອາ ອິຕາລີ ເປັນທີ່ຮຽບ ຮ້ອຍ ແລ້ວ ມຸນຕາຣີ ຖືກໃບເຫຼືອງ ແດງໄລ່ອອກຈາກສະໜາມໃນ ເກມລີກນັດທີ່ບຸກໄປເສຍໃຫ້ ກາ ຍາຣີ 0-1 ໃນວັນເສົາຜ່ານມາ ຈາກເຫດການທີ່ລາວເອງເດີນ ອອກຈາກສະໜາມເພື່ອປະທ້ວງກອງເຊຍເຈົ້າທີ່ຮ້ອງຫຍຽດສີຜິວ.

ໃນເກມນັດດັ່ງກ່າວ ມຸນຕາ ຣີ ພະຍາຍາມເດີເຂົ້າໄປຫາກຸ່ມ ກອງເຊຍເຈົ້າຖິ່ນທີ່ຮ້ອງຫຍຽດສີຜິວລາວ ແລະ ມອບເສື້ອໃຫ້ກັບ ເດັກນ້ອຍທີ່ຄອບຄົວຂອງລາວ ມາພຶດຕິກຳຫຍຽດສີຜິວ ເພື່ອໃຫ້ ພໍ່-ແມ່ ເປັນໂຕຢ່າງໃຫ້ກັບເດັກ ແຕ່ໃນເຄິ່ງເວລາທີ່ສອງຍັງມີ ການຮ້ອງຫຍຽດສີຜິວຈາກກອງເຊຍ ຈົນ ມຸນຕາຣີ ອົດທົນບໍ່ໄດ້ຂໍ ໃຫ້ກຳມະການຕັດສິນ ດານິ ເອ ເລ ມິເນລລີ ຢຸດການແຂ່ງຂັນຊົ່ວ ຄາວ ແຕ່ກຳມະການປະຕິເສດ ແລະ ໃຫ້ໃບເຫຼືອງໃຫ້ ມຸນຕາຣີ ແທນ ເຮັດໃຫ້ລາວປະທ້ວງດ້ວຍ ການເດີນອອກຈາກສະໜາມ ເຮັດໃຫ້ກຳມະການໃຫ້ໃບເຫຼືອງທີ 2 ເປັນໃບເຫຼືອງແດງ ໂດຍ ກ່ອນໜ້ານີ້ ຄະນະກຳມະການ ດ້ານວິໄນຂອງລີກ ອິຕາລີ ຫາກໍ ປະກາດຢືນຢັນໂທດຫ້າມ 1 ນັດ ຄືເກົ່າ ສົ່ງຜົນໃຫ້ຖືກວິພາກວິ ຈານຢ່າງໜັກ.

ແນວໃດກໍຕາມ ສະມາຄົມ ບານເຕະ ອິຕາລີ ໄດ້ຍື່ນອຸທອນ ໃນນາມຕົວແທນຂອງ ມຸນຕາຣີ ກ່ອນທີ່ ເອຟໄອຈີຊີ ຈະມີຄຳສັ່ງ ຍົກເລີກໂທດຫ້າມໃນວັນສຸກຜ່ານມາ ໂດຍລະບຸວ່າພວກເຂົາໄດ້ພິ ຈາລະນາຈາກຄວາມລະອຽດ ຂອງເລື່ອງການຫຍຽດສີຜິວ ລວມເຖິງສິດຄວາມເປັນຄົນ ເຊິ່ງ ຕ້ອງມາກ່ອນຄວາມເປັນນັກກິລາ ສົ່ງຜົນໃຫ້ກອງກາງອາຍຸ 32 ປີ ຈະລົງຫຼິ້ນຊ່ວຍທີມໃນເກມລີກໄລຍະອາທິດນີ້.