UN ຄາດຄະເນມີໂອກາດ 70% ທີ່ຈະເກີດເອລນີໂຢໃນປີນີ້
ອົງການອຸຕຸນິຍົມວິທະຍາໂລກ ຫລື WMO ກ່າວໃນວັນທີ 10 ກັນຍາວ່າ: ເຖິງວ່າມີທ່າອ່ຽງສູງວ່າຈະເກີດປາກົດການເອລນີໂຢ ທີ່ຈະສົ່ງຜົນລົບກວນສະພາບອາກາດທົ່ວໂລກ ໃນທ້າຍປີນີ້ ເຊິ່ງຖືວ່າເປັນປີທີ່ມີອາກາດຮ້ອນຫລາຍກວ່າປົກກະຕິ.
WMO ກ່າວໃນຖະແຫລງການທີ່ເຜີຍແຜ່ໃນວັນທີ 10 ກັນຍາວ່າ: ມີໂອກາດປະມານ 70% ທີ່ຈະເກີດເອລນີໂຢ ພາຍໃນທ້າຍປີນີ້. ສຳລັບປາກົດການເອລນີໂຢເກີດຂຶ້ນຈາກອຸນຫະພູມໃນບໍລິເວນຕາເວັນອອກຂອງມະຫາສະໝຸດປາຊີຟິກເພີ່ມສູງຂຶ້ນເປັນໄລຍະເວລາໜຶ່ງ ເຊິ່ງສົ່ງຜົນໃຫ້ເກີດສະພາບແຫ້ງແລ້ງໃນບາງພາກພື້ນ. ຂະນະດຽວກັນ ກໍເຮັດໃຫ້ເກີດຝົນຕົກໜັກໃນພາກພື້ນທີ່ເຫລືອ. WMO ກ່າວວ່າ: ທາງອົງການບໍ່ຄິດວ່າ: ປາກົດການເອລນີໂຢຈະມີຄວາມຮຸນແຮງຄືໃນໄລຍະປີ 2015-2016 ແຕ່ຈະສົ່ງຜົນກະທົບຕໍ່ສະພາບອາກາດຂອງໂລກໃນລະດັບໜຶ່ງ. WMO ກ່າວວ່າ: ພາກພື້ນອາຊີ-ປາຊີຟິກ, ເອີຣົບ, ອາເມລິກາເໜືອ, ອາຟຣິກາ ແລະ ແຄມຝັ່ງອາເມລິກາໃຕ້ ຈະມີອຸນຫະພູມສູງຂຶ້ນ. ທ່ານ ເພດເຕຣີ ທາອາລາສ ເລຂາທິການໃຫຍ່ຂອງ WMO ກ່າວວ່າ: ປີ 2018 ຈະເປັນປີທີ່ມີອຸນຫະພູມສູງເປັນປະຫວັດສາດ, ພາຍຫລັງຫລາຍສ່ວນຂອງໂລກປະສົບສະພາບອາກາດຮ້ອນໃນໄລຍະເດືອນກໍລະກົດ ແລະ ສິງຫາ.
