ໂນວັກ ຄວ້າແຊ້ມເທັນນິດແກຣນສະແລມ US Open 2018
September 10, 2018 - 4:02 PM
ການແຂ່ງຂັນເທັນນິດແກຣນສະແລມ US Open 2018 ທີ່ນິວຢອກ ສະຫະລັດອາເມລິກາ ຮອບຊິງຊະນະເລີດປະເພດຊາຍດ່ຽວ ໃນວັນທີ 10 ກັນຍານີ້ ໂນວັກ ໂຢໂຄວິກ ມື 6 ຂອງລາຍການ ອະດີດມື 1 ຂອງໂລກຈາກເຊີເບຍ ແຊ້ມ 2 ສະໄຫມ ຮັກສາຜົນງານໄດ້ຢ່າງໂດດເດັ່ນ ຄວ້າໄຊເໜືອ ຮວນມາຕິນ ເດວປໍໂຕຣ ມື 3 ຂອງລາຍການ ແຊ້ມປີ 2009 ຈາກອາເຈນຕີນ້າ 3-0 ເຊັດ: 63, 76(7/4) 63.
ໂນວັກ ຄວ້າແຊ້ມ US Open ເປັນສະໄຫມທີ 3 ຕໍ່ຈາກປີ 2011 ແລະ 2015 ແລະ ເປັນການຄວ້າແຊ້ມແກຣນສະແລມ 2 ລາຍການຕິດຕໍ່ກັນ ຕໍ່ຈາກ ວິມເບີດັນ ພ້ອມກັບເປັນແຊ້ມແກຣນສະແລມສະໄຫມທີ 14 ເທົ່າກັບ Pete Sampras ອະດີດນັກເທັນນິດຊາວອາເມລິກາ ແຕ່ຍັງເປັນຮອງ ຣາຟາເອວ ນາດາວ ໄດ້ 17 ສະໄຫມ ແລະ ໂຣເຈີ ເຟດເດີເຣີ 20 ສະໄຫມ.
ໂນວັກ ຮັບຂັນແຊ້ມພ້ອມເງິນລາງວັນ 3.800.000 ໂດລາສະຫະລັດ, ຮອງແຊ້ມໄດ້ 1.850.000 ໂດລາ. ໂນວັກ ເປັນນັກເທັນນິດຊາຍທີ່ສະສົມເງິນລາງວັນສູງສຸດ 119.110.890 ໂດລາ.
