ອາເມ໋ຍຄານ ຫວັງຟາດໝັດກັບ ປາກຽວ ຫລັງຈັດການ ຊາມູເອວ ວາກັສ

ອາເມ໋ຍຄານ ນັກມວຍຊາວອັງກິດເຊື້ອສາຍປາກິດສະຖານ ໄວ 31 ປີ ຄວ້າໄຊນັດທີ 33 ໃນອາຊີບ ໃນທ້າຍອາທິດຜ່ານມາ ຫລັງຊະນະ ຊາມູເອວ ວາກັສ ນັກມວຍຊາວໂຄລົມເບຍ ໄວ 29 ປີ ໃນ 12 ຍົກແບບລົ້ມລຸກຄຸກຄານ ໂດຍ ອາເມ໋ຍຄານ ເກືອບຖືກນັອກໃນຍົກທີ 2 ແຕ່ກັບມາຊະນະຄະແນນແບບບໍ່ເປັນເອກະສັນ 119-108, 119-109, 118-110.

ຫລັງຈົບການແຂ່ງຂັນ ອາເມ໋ຍຄານ ໃຫ້ສຳພາດວ່າ: ຕົນເອງຫວັງຈະໄດ້ຟາດມັດກັບ ແມນນີ້ ປາກຽວ ຄັ້ງໜຶ່ງໃນຊີວິດ, ປາກຽວ ເປັນຕົວເລືອກຄົນທຳອິດຂອງຂ້ອຍ ຖ້າຫາກບໍ່ເກີດຂຶ້ນ ເລັ່ງໄປທີ່ ບຣຸກຄິວ ນັກມວຍຊາວອັງກິດເພື່ອນຮ່ວມຊາດ.

ດ້ານ Eddie Hearn ໂປໂມເຕີມວຍຊື່ດັງກ່າວວ່າ: ຫວັງວ່າ ປາກຽວ ພົບ ອາເມ໋ຍຄານ ຈະເກີດຂຶ້ນໃນໄວໆນີ້.ຜ່ານມາ ອາເມ໋ຍຄານ ແລະ ປາກຽວ ເຄີຍທ້າຊົກກັນ ແຕ່ບໍ່ເກີດຂຶ້ນ, ສຳລັບ ອາເມ໋ຍຄານ ມີສະຖິຕິການຊົກ 37 ຄັ້ງ ຊະນະ 33 ເສຍ 4 ນັອກຄູ່ແຂ່ງ 20 ຄັ້ງ. ສ່ວນ ປາກຽວ ຊົກ 69 ຄັ້ງ ຊະນະ 60 ສະເໝີ 2 ເສຍ 7 ນັອກຄູ່ແຂ່ງ 39 ຄັ້ງ ຫລ້າສຸດຊະນະນັອກ Lucas Matthysse ໃນຍົກທີ 7 ໃນກາງເດືອນກໍລະກົດ 2018.