ເຊລຊີ ກຽມດຶງ 2 ນັກເຕະທີ່ມີຄ່າຕົວລວມ 140 ລ້ານຢູໂຣ

ສະໂມສອນ ເຊລຊີ ສະໂມສອນດັງໃນລີກອັງກິດ ກຽມດຶງ 2 ນັກເຕະດັງຈາກສະໂມສອນ ເອຊີມິລານ ມາຮ່ວມສະໂມສອນໃນຕົ້ນປີໜ້ານີ້.

ຜູ້ຈັດການທີມສະໂມສອນ ເຊລຊີ ຄົນໃໝ່ຕ້ອງການເພີ່ມຄວາມແຂງແກ່ນໃຫ້ກອງຫລັງ ເຊິ່ງຫລ້າສຸດສໍານັກຂ່າວດັງຂອງອີຕາລີ ໄດ້ລະບຸວ່າ: ສະໂມສອນ ເຊລຊີ ກໍາລັງໃຫ້ຄວາມສົນໃຈ ຄັດດາຣາ ແລະ ໂຣມັນໂຢລີ ສອງກອງຫລັງ ສະໂມສອນ ເອຊີມີລານ ເຊິ່ງຄ່າຕົວລວມຄາດວ່າ 140 ລ້ານຢູໂຣ.

ເຊິ່ງເຊື່ອກັນວ່າ ສະໂມສອນ ເຊລຊີ ອາດຕ້ອງປ່ອຍ ແກຣີ ເຄຣິວ ແລະ ດາວິດ ລຸຍ ໃນເດືອນມັງກອນປີໜ້ານີ້ ເພື່ອນໍາເອົາເງິນມາລະດົມທຶນຊື້ຕົວ 2 ນັກເຕະດັ່ງກ່າວ. ແຕ່ວ່າທັງສອງຄົນຍັງມີສັນຍາກັບ ເອຊີມີລານ ຈົນເຖິງປີ 2022.