ວິທະຍາໄລທຸລະກິດ ແລະ ການຄ້າລາວມອບທຶນການສຶກສາໃຫ້ແກ່ນັກຮຽນທີ່ປະສົບໄພນ້ຳຖ້ວມແຂວງອັດຕະປື
ວິທະຍາໄລທຸລະກິດ ແລະ ການຄ້າລາວ ໄດ້ມອບ ທຶນການສຶກສາໃຫ້ແກ່ນັກ ຮຽນທີ່ປະສົບໄພນໍ້າຖ້ວມ ຢູ່ແຂວງອັດຕະປື ຈໍານວນ 2 ທຶນ ໃນຫຼັກສູດຊັ້ນສູງ 3 ປີ ລວມມີມູນຄ່າ 24 ລ້ານກວ່າ ກີບ ແລະ ຫຼັງຈາກທີ່ຮຽນ ຈົບແລ້ວທາງວິທະຍາໄລ ຈະຊອກວຽກເຮັດງານທໍາ ໃຫ້ອີກ, ຊຶ່ງພິທີມອບ-ຮັບ ທຶນການສຶກສາດັ່ງກ່າວໄດ້ ຈັດຂຶ້ນໃນວັນທີ 5 ກັນຍານີ້, ທີ່ກະຊວງສຶກສາທິການ ແລະ ກິລາ ລະຫວ່າງທ່ານ ໂມໂຕໂຍຊິ ຊຸຊູກິ ໃນນາມປະ ທານຂອງວິທະຍາໄລດັ່ງ ກ່າວ ແລະ ທ່ານ ນາງ ແສງ ເດືອນ ຫຼ້າຈັນທະບູນ ລັດ ຖະມົນຕີກະຊວງ ສຶກສາທິ ການ ແລະ ກິລາ.
+ ເອັສຊີຈີ ສານຕໍ່ໂຄງການມອບທຶນການສຶກສາໃຫ້ເດັກນ້ອຍດ້ອຍໂອກາດ
+ ສປ ຈີນ ໃຫ້ທຶນແກ່ນັກສຶກສາລາວ 160 ທຶນໄປສຶກສາຕໍ່
ວິທະຍາໄລທຸລະກິດ ແລະ ການຄ້າລາວ ໄດ້ປ່ຽນ ຊື່ມາຈາກວິທະຍາໄລ ລາວ- ສິງກະໂປ (Lao School of Business and Commerce (LSBC) ຕັ້ງຢູ່ ຖະໜົນກໍາແພງເມືອງ, ບ້ານທາດຫຼວງກາງ ເມືອງ ໄຊເສດຖາ ນະຄອນຫຼວງ ວຽງຈັນ ມີຈຸດມຸງໝາຍໃຫ້ ໂອກາດສຶກສາເທົ່າທຽມກັນ ຕໍ່ທຸກຄົນ ແລະ ສ້າງຄົນທີ່ ມີປະໂຫຍດຕໍ່ສັງຄົມ, ໂດຍ ສະເພາະຫຼັກສູດຂະແໜງ ການເງິນການບັນຊີ, ພາ ສາອັງກິດ ແລະ ຍີ່ປຸນທີ່ໃຊ້ ໄດ້ໃນຕົວຈິງ, ໃຫ້ທຶນການ ສຶກສາຕໍ່ຜູ້ທີ່ມີຄວາມພະຍາ ຍາມບຸກບືນ.
