ແມນຢູ ເລັ່ງດຶງ ລູກາສ໌ ແອຣ໌ນ໊ອງເດ ແບກຊ້າຍແຊ້ມໂລກ 2018
“ຟຣອງ ຟຸດບອລ” ສື່ຊື່ດັງໃນປະເທດຝຣັ່ງ ລາຍງານວ່າ: ແມນເຊສເຕີ ຢູໄນເຕັດ ສະໂມສອນໃຫຍ່ແຫ່ງ ພຣີເມຍລີກ ອັງກິດ ກຳລັງໃຫ້ຄວາມສົນໃຈ ລູກາສ໌ ແອຣ໌ນ໊ອງເດ ແບກຊ້າຍຂອງ ແອດເລຕິໂກ ມາດຣິດ ທີມດັງໃນ ລາລີກາ ສະເປນ ເຊິ່ງມີລາງວັນເປັນແບກຊ້າຍຂອງທີມຊາດຝຣັ່ງ ຊຸດຄວ້າແຊ້ມບານໂລກ 2018 ທີ່ປະເທດຣັດເຊຍ ມາເສີມທີມ.
ລາຍງານລະບຸວ່າ: ແອຣ໌ນ໊ອງເດ ຍັງມີສັນຍາຢູ່ກັບ ແອດເລຕິໂກ ມາດຣິດ ຮອດປີ 2024 ແລະ ມີຄ່າຈີກສັນຍາ 80 ລ້ານເອີໂຣ. ຂະນະທີ່ຕົ້ນສັງກັດຂອງລາວ ກຳລັງພະຍາຍາມເຈລະຈາເລື່ອງສັນຍາສະບັບໃໝ່ ເພື່ອເພີ່ມຄ່າຈີກສັນຍາເປັນ 140 ລ້ານເອີໂຣ. ເຖິງຢ່າງໃດກໍຕາມ, ຫລ້າສຸດມີຂ່າວວ່າດາວເຕະໄວ 22 ປີ ກຳລັງໄດ້ຮັບຄວາມສົນໃຈຈາກ ແມນເຊສເຕີ ຢູໄນເຕັດ ເຖິງວ່າຈະຕ້ອງພົບກັບຄູ່ແຂ່ງສຳຄັນຄື ຣີລ ມາດຣິດ ທີ່ຕ້ອງການໄດ້ດາວເຕະຄົນນີ້ໄປຮ່ວມທີມເຊັ່ນດຽວກັນ.
