ເສັ້ນທາງ 13 ໃຕ້ຍ່ານທ່າບົກ-ປາກຊັນຫລາຍບ່ອນເປັນອຳມະພາດ
ໂດຍ: ທິດກ່ຳ
ຫວ່າງສອງມື້ຫລັງ, ທິດ ກ່ຳໄດ້ເດີນທາງໄປວຽກທີ່ ແຂວງຄຳມ່ວນເຫັນເສັ້ນ ທາງ 13 ໃຕ້ ໃນບາງຍ່ານ ຖືກນ້ຳຖ້ວມຫລາຍຈຸດ ຫລາຍ ບ່ອນເຊັ່ນ: ຢູ່ຈຸດທາງໂຄ້ງ ໃກ້ບ້ານທ່າບົກບ່ອນໂຄ້ງໆ ຕ່ຳໆກວ່າໝູ່ນັ້ນລະ! ອີກຈຸດ ໜຶ່ງກໍແມ່ນສົ້ນຂົວນ້ຳໂລ້ຕໍ່ ໃສ່ບ້ານຍອຍໄຮກະໂຕບ່ອນ ເຂົາຂາຍປາແຄມທາງ ຫລາຍໆ ອີກຈຸດໜຶ່ງກໍແມ່ນ ບໍ ລິເວນໜອງໝາກຈັບ ແລະ ເຂດໃກ້ບ້ານຫາງຊິງ ໄປທາງ ປາກຊັນ.
+ ນະຄອນຫລວງວຽງຈັນມີ 4.400 ກວ່າຄອບຄົວໄດ້ຮັບຜົນກະທົບຈາກໄພນ້ຳຖ້ວມ
+ ເມືອງວຽງຄໍາ ໄດ້ຮັບຜົນກະທົບໜັກຈາກໄພພິບັດນ້ຳຖ້ວມ
ບັນດາຈຸດທີ່ກ່າວມານີ້, ຖືກນ້ຳຂອງຍຶ່ງແຍ່ເຂົ້າມາ ຖ້ວມມີຄວາມເລິກແຕ່ 20 ຫາ 70 ຊັງຕີແມັດ ແລະ ມີ ຄວາມຍາວແຕ່ 50 ແມັດ ຫາ 2 ກິໂລແມັດ.
ຈຸດທີ່ຖືກຖ້ວມຫລາຍ ແລະ ຍາວກວ່າໝູ່ແມ່ນບໍລິ ເວນໜອງໝາກຈັບມີຄວາມ ເລິກສຸດປະມານ 20 ຫາ 30 ຊັງຕີແມັດ ແລະ ມີຄວາມຍາວ ປະມານ 2 ກິໂລແມັດ. ທິດ ກ່ຳເວົ້າຄວາມຈິງບໍ່ໄດ້ເວົ້າ ໂຍກຖ້າໃຜບໍ່ເຊື່ອກໍໃຫ້ໄປ ເບິ່ງແລ້ວຈະເຫັນຕົວຈິງ ນຳກັນ.
ຈາກສະພາບດັ່ງກ່າວ, ເຮັດໃຫ້ລົດທີ່ມີພື້ນຕ່ຳເຊັ່ນ: ລົດເກັງ, ລົດຕູ້, ລົດກະບະທຸກ ຊະນິດບໍ່ສາມາດເດີນທາງ ຜ່ານໄປໄດ້ ຫລື ຖ້າຝືນໄປ ກໍ ມີຄວາມສ່ຽງສູ່ຫລືຕ້ອງໄດ້ ຈ້າງ ລົດລາກແກ່ແນ່ນອນ.
ໃນມື້ທິດກ່ຳໄປເຫັນ ນັ້ນ, ມີລົດຫລາຍຄັນທີ່ຈະເດີນ ທາງໄປໃຕ້ ຫລື ຂຶ້ນມາທາງ ວຽງຈັນຕ້ອງໄດ້ ພາກັນກັບ ຄືນຍ້ອນເສັ້ນທາງຖືກນ້ຳ ຖ້ວມ ຍັງພໍໄຄແດ່ແຕ່ໃນມື້ນັ້ນ ລົດຂອງພວກເຮົາມີພື້ນອ່າວສູງແດ່ແຕ່ກໍຕ້ອງໄດ້ຈ້າງ ລົດຕ໋ອກໆແກ່ລາກເພື່ອຮັບ ປະກັນຄວາມປອດໄພ.
ການລາກແກ່ລົດຜ່ານ ກະແສນ້ຳເບິ່ງຢ່າງໜຶ່ງຄື ມ່ວນ ແລະ ເປັນຕາເບິ່ງຕາ ຊົມເພາະນ້ຳຟົ້ງໃສ່ກັນຈົນ ຫົວລົດງຸບຫົວເງີງໆ. ພວກ ລົດໂດຍສານ, ລົດລາກແກ່ ທີ່ໄດ້ປຽບກວ່າໝູ່ເຂົາກໍ ແລ່ນລົດຢ່າງບໍ່ປານີພວກ ຖືກແກ່ເຮັດນ້ຳຟົງປານເຮືອ ແຈກສະກິແລ່ນເສັງກັນ.
ປັດຈຸບັນ, ເຫັນວ່າຂະ ບວນລົດຕ໋ອກໆ, ລົດໄຖທີ່ ມີໃນເຂດດັ່ງກ່າວມີງານ ເຂົ້າຢ່າງກະທັນຫັນ, ເກັບ ຄ່າລາກແກ່ຄັນລະ 20 ຫາ 30 ພັນກີບ, ອີກມື້ຕໍ່ໄປບໍ່ຮູ້ ວ່າຈະແພງຫລືຖືກ, ອີງຕາມ ການສອບຖາມຂໍ້ມູນຈາກ ປະຊາຊົນຢູ່ບ້ານນ້ຳໂລ້ ທ່ານໜຶ່ງໃນມື້ທິດກ່ຳໄປ ນັ້ນລາວເວົ້າວ່າ: ສະພາບ ນ້ຳຂອງຍັງຂຶ້ນຕິກໆ, ໃນ ຕອນກາງຄືນນ້ຳບໍ່ໄດ້ສູງ ປານນີ້, ພໍຕົກມາຮອດຕອນ ສວາຍກໍພຽງຫົວເຂົ່າກາງ ຂາແລ້ວ ມື້ຕໍ່ໄປກໍບໍ່ຮູ້ວ່າມັນ ຈະຂຶ້ນຫລືມັນຈະລົງ ວ່າຊັ້ນ!
ເວົ້າເລື່ອງນ້ຳຖ້ວມ ເສັ້ນ ທາງ 13 ໃຕ້ ດັ່ງທີ່ກ່າວມາ ນີ້, ທິດກ່ຳທຽວໄປມາຂຶ້ນ ລ່ອງ 20-30 ປີຜ່ານມາ ແມ່ນບໍ່ເຄີຍເຫັນເປັນແບບ ນີ້ຈັກເທື່ອບາງປີໃນເຂດທີ່ ວ່ານີ້ສູງສຸດກໍຍັງຄ່າສອກ ຄ່າແຂນ, ແຕ່ສຳລັບປີນີ້ ມັນ ກໍເປັນດັ່ງທີ່ວ່າ ແລະ ເຫັນຕົວ ຈິງນຳກັນ ແລະ ນີ້ມັນກໍເປັນ ການເຕືອນໃຫ້ພວກເຮົາທັງຫລາຍຮູ້ວ່າ ທຳມະຊາດມັນ ບໍ່ໄດ້ເປັນມິດກັບເຮົາອີກແລ້ວ.
ຫາກຄົນທັງຫລາຍຍັງ ພາກັນທຳລາຍທຳມະຊາດ ທຳມະຊາດກໍຈະມາທຳລາຍຄົນຄືເຂົາວ່າທີ່ໃຜທີມັນ, ທີ່ ເພິ່ນທີໂຕ ຫລື ເບິ່ງໃນແງ່ມູນ ໜຶ່ງຖ້າພວກເຮົາຫາກພ້ອມ ກັນວິເຄາະເຈາະເລິກແບ່ງ ກວ້າງເຫັນໄກກໍຍິ່ງຮູ້ວ່າບັນຫາການປ່ຽນແປງຂອງດິນ ຟ້າອາກາດມັນກໍນັບມື້ມາຂົ່ມຂູ່ໃຫ້ພວກເຮົາເຫັນໃນແຕ່ ລະໄລຍະດັ່ງບ່ອນບໍ່ເຄີຍເກີດກໍເກີດ, ບ່ອນບໍ່ເຄີຍມີກໍມີ, ບໍ່ ເຄີຍເຫັນກໍເຫັນ.
ເຖິງຢ່າງໃດກໍດີ, ຕາມ ທິດກ່ຳວ່າ ຕໍ່ສະພາບອັນຄັບ ຂັນ ຄືແນວນີ້ອົງການປົກ ຄອງທ້ອງຖິ່ນກໍຄວນໄດ້ ໄປ ລ່ຳໄປຄອຍເບິ່ງນ້ຳຖ້ວມ ແຖວນັ້ນແດ່, ດີແທ້ກໍຄວນ ມີ ເຈົ້າໜ້າທີ່ກ່ຽວຂ້ອງໄປ ໃກ້ຊິດຕິດແທດ ແລະ ຫາ ທາງແກ້ກ່ອນມັນຈະລາມ ພະລາມຈົວເຊັ່ນ: ເຈົ້າໜ້າ ທີ່ຕຳຫລວດກໍໄປເບິ່ງສະ ພາບລົດຕິດ, ແກ້ໄຂການໄປ ມາ, ແກ້ເລື່ອງລົດຕ໋ອກໆ ກັບ ລົດໄຖຈົ່ມວ່າດ່າກັນຍ້ອນ ແຊງຄິວລາກແກ່, ເພາະໃຜ ກໍຍາດກັນເອົງເງິນໃນເວລາ ນາທີທອງ.
ຄົມມະນາຄົມຂົນສົ່ງກໍ ຕ້ອງເບິ່ງບາດນ້ຳຖ້ວມສູງ ກວ່ານີ້ກໍຕ້ອງໄດ້ໃຊ້ເຮືອບັກ ເພື່ອແກ້ໄຂອາການເປັນອຳມະພາດໃນການໄປມາ, ສະ ພາບດຽວນີ້ເຮົາບໍ່ທັນຮູ້ວ່າ ສະພາບຖ້ວມມັນຈະຂຶ້ນຕື່ມ ຫລືມັນຈະລົງ.
ຜູ້ເຮັດເຂື່ອນນ້ຳຂອງກໍປ່ອຍລົງຕິກໆ, ຜູ້ເຮັດເຂື່ອນ ນ້ຳເຊນ້ຳຫ້ວຍກໍປ່ອຍລົງ ຍ່າວໆ, ພາຍຸກໍໜ່ຳລົງ, ໜ່ຳ ລົງປານເທນ້ຳເທທ່າ, ຜູ້ນັ່ງ ໄຫ້ເຊັດນ້ຳຕາກໍແມ່ນຜູ້ທີ່ ຖືກຜົນກະທົບທິດກ່ຳໄດຍິນ ເຂົາຈົ່ມ!./.
